வேல் தர்மா

ஐநா மனித உரிமைக் கழகத்தில் இலங்கைக்கு என்ன நடக்கும்?

2012-02-14T07:56:00.000Z

நாற்பத்தேழு நாடுகளைக் கொண்ட ஐக்கிய நாடுகளின் மனித உரிமைக் கழகத்தின் 19வது கூட்டத் தொடர் 27-02-2012இல் இருந்து 23-03-2012 வரை 26 நாட்கள் சுவிட்சலாந்தின் ஜெனிவா நகரில் நடக்கவிருக்கிறது. இதில் இலங்கைக்கு எதிராக தீர்மானம் வருமா என்பது இப்போது பெரிதாக அடிபடுகிறது. இலங்கைப் போர்க்குற்றம் தொடர்பாக உரத்துக் குரல் கொடுத்துவரும் கனடாவும் ஒஸ்ரேலியாவும் இந்த 47 நாடுகளில் அடங்கவில்லை. இவை இரண்டிற்கும் அடுத்தபடியாகக் குரல் கொடுத்துக் கொண்டிருக்கும் பிரித்தானியாவும் உறுப்புரிமையுள்ள 47 நாடுகளில் இல்லை. இந்தியா, சீனா, இரசியா போன்ற இலங்கையைப் போர்க்குற்றத்தில் இருந்து பாதுகாக்கக்கூடிய நாடுகளும் இலங்கைக்குப் பொறுப்பற்ற விதத்தில் ஆதரவு தெரிவிக்கக் கூடிய மலேசியா, பங்களாதேசம் போன்ற நாடுகள் உறுப்புரிமையுடன் உள்ளன.

இலங்கையை இந்தியாவை விட 19 நாடுகள் ஆதரிக்கும்.
47 நாடுகளில் இந்தியாவை விட வேறு 19 நாடுகள் ஆதரவு வழங்கும் சாத்தியம் உள்ளன. அண்மைய நிகழ்வுகளின் பின்னர் மாலைதீவு இலங்கைக்கு சாதகமான நிலையை எடுக்காமல் போகலாம். லிபியாவும் அப்படியே. இவ்விரண்டு நாடுகளும் தற்போது உறுப்புரிமை பெற்றுள்ளன. கிழக்கு ஐரோப்பிய நாடுகளும் சில ஆபிரிக்க நாடுகளும் சில தென் அமெரிக்க நாடுகளும் இலங்கைக்கு ஆதரவு நிலையை எடுக்கலாம்.

இம்முறை இந்தியா எப்படிச் சதி செய்யும்?
2009-ம் ஆண்டு ஐரோப்பிய ஒன்றியம் இலங்கைக்கு கண்டனம் தெரிவிக்கும் தீர்மானத்தை ஐநா மனித உரிமைக் கழகத்தில் கொண்டுவந்த போது அதை இந்தியா பாராட்டுத் தெரிவிக்கும் தீர்மானமாக மாற்றி ஈழத்தமிழர்களுக்கு எதிரான பெரும் துரோகத்தைப் புரிந்தது. இந்தியாவின் வற்புறுத்தலின் பேரில் தென் ஆபிரிக்கா இலங்கைக்கு ஆதரவான நிலைப்பாட்டை எடுத்தது. இம்முறை 47 நாடுகளில் இலங்கைக்கு 19 நாடுகள் ஆதரவு தரக்கூடிய நிலையில் இந்தியாவின் நிலைப்பாடு முக்கியத்துவம் பெறுகிறது. இதைக்கணக்கிட்ட ஐக்கிய அமெரிக்கா ஏற்கனவே இந்தியாவுடன் இதுபற்றிப் பேச்சு வார்த்தை நடாத்தியுள்ளது. இந்தியா பாரதப் போரில் கண்ணன் எடுத்த நிலைப்பாட்டை எடுக்கலாம். கண்ணன் பாண்டவர்களுடன் ஆயுதம் ஏந்தாமல் நிற்க கண்ணனின்யாதவப் படைகள் துரியோதனாதியருடன் சேர்ந்து நின்றன. இது போல இந்தியா அமெரிக்காவுடன் சேர்ந்து நின்று கொண்டு சில நாடுகளை இலங்கைக்கு ஆதரவான நிலைப்பாடு எடுக்கச் சதி செய்யலாம். இலங்கைப் போர்க்குற்றத்தில் இந்தியாவைச் சிக்கவைக்கக்கூடிய ஆதாரங்கள் இலங்கையிடம் உண்டு என்று ஒரு இந்தியப் அரசியல் ஆய்வாளர் தெரிவித்திருந்தமையை இங்கு கவனத்திற் கொள்ள வேண்டும்.

காணமற்போன ஐநா நிபுணர் குழு அறிக்கை
ஐக்கிய நாடுகளின் நிபுணர்கள் குழு அறிக்கையைப் பற்றி இப்போது ஐக்கிய அமெரிக்கா அதிகம் பேசுவதாகத் தெரியவில்லை. கடந்த சில மாதங்களாக இந்த அறிக்கை காணமற்போய் இருந்தது. ஆனால் ஐரோப்பிய ஒன்றியம் மீண்டும் இந்த நிபுணர்குழு அறிக்கைபற்றி வலியுறுத்தியது. இலங்கை தொடர்பாக ஐக்கிய நாடுகள் செயலாளர் நாயகம் பான் கீ மூன் நியமித்த நிபுணர்குழுவின் பரிந்துரைகளை ஐ.நா நடைமுறைபடுத்த வேண்டும் என்று ஐரோப்பிய பாராளுமன்றத்தில் கொண்டு வரப்பட்டுள்ள தீர்மானத்தில் வேண்டுகோள் விடுக்கப்பட்டுள்ளது. இந்தத் தீர்மானம் ஐரோப்பிய ஒன்றிய உறுப்பு நாடுகள், ஐ.நா பாதுகாப்புச் சபை, ஐ.நா மனித உரிமைகள் பேரவை மற்றும் ஏனைய அமைப்புகளுக்கு அனுப்பப்படவுள்ளது.

புலம்பெயர் தமிழர்கள் அமைப்புக்கள்
1983-ம் ஆண்டு இலங்கையில் இனக்கலவரம் என்ற போர்வையில் இனக்கொலை நடைபெற்றமையைத் தொடர்ந்து ஐக்கிய நாடுகளின் மனித உரிமைக் கழகக் கூட்டங்களில் இலங்கைத் தமிழர் தரப்பும் பங்கு கொள்கின்றன. ஆனால் இலங்கையில் இந்தியாவும் அவர்களிடையே பிளவுகளை ஏற்படுத்தியும் சிலரைத் தங்கள் கைக்கூலிகளாக்கியும் உள்ளன. அதில் ஒருவர் இப்போது மனித உரிமைகளைப் பற்றிப் பேசுவதை விடுத்து தமிழர்கள் இந்தியாவிற்கு வால் பிடிப்பதே மிக முக்கியம் என்று கூறுவதையே தனது தலையான கடமையாகக் கொண்டுள்ளார்.

தண்டனையும் இருக்காது கண்டனமும் இருக்காது வேண்டுகோள்கள் மட்டுமே இருக்கும்.
27-02-2012இல் ஆரம்பமாக விருக்கும் ஐநா மனித உரிமைக் கழகத் கூட்டத் தொடரில் இலங்கைக்கு தண்டனை கொடுக்கக் கூடியதாகவோ அல்லது கண்டனம் தெரிவிக்கக் கூடியதாகவோ தீர்மானங்கள் நிறைவேற்றப்பட மாட்டாது. இலங்கைக்கு சிலவேண்டுதல்களை விடுவிக்கும் தீர்மானமே நிறைவேற்றப்படும். நல்லிணக்க ஆணைக்குழுவின் பரிந்துரைகளை நிறைவேற்றுதல், போர்க்குற்றம் தொடர்பாக விசாரணை மேற்கொள்ளுதல், மனித உரிமைகளை மேம்படுத்துதல், தமிழர்களுடன் இணக்கப்பாடு ஏற்படுத்தக் கூடிய வகையில் இனப்பிரச்சனைக்குத் தீர்வு காணுதல், சிறையில் விசாரணையின்றி இருப்போரை விடுதலை செய்தல் போன்றவை ஒரு வேண்டுகோளாக விடுக்கப்படும். திரை மறைவில் சரத் பொன்சேக்காவை விடுவிக்க நிர்ப்பந்திக்கப்படும்.

பாக்கிஸ்தான் பத்திரிகையில் ஈழப் போர்க்குற்றம் விபரிக்கப்பட்டுள்ளது.

2012-02-12T23:58:00.001Z

ஈழத் தமிழர்கள் மீது இழைக்கப்பட்ட போர்க்குற்றம் இப்போது உலகின் பல நாடுகளில் உள்ள ஊடகங்களில் பிரபலமாக அடிபடுகிறது. ஆர்ஜெண்டீனாவில் இருந்து வெளிவரும் இணையத்தளம் ஈழத் தமிழர்களிற்கு இழைக்கப் பட்ட கொடுமைகள் பற்றி வெளியிட்டபோது அதை இரண்டு மில்லியன்களுக்கு மேற்பட்டவர்கள் பார்வையிட்டனர். இப்போது பாக்கிஸ்த்தானில் இருந்து வெளிவரும் Dawn என்னும் பத்திரிகை ஈழத்தமிழர்களுக்கு இழைக்கப்பட்ட கொடுமைகளை தனது கருத்துரைப் பத்தியில் வெளியிட்டுள்ளது.

பாக்கிஸ்த்தானுக்கும் ஈழத் தமிழர்களுக்கும் இடையில் ஒரு நீண்டகாலப் பகையுண்டு. பாக்கிஸ்தான் ஈழத் தமிழர்களை வெறுப்பதற்கு முக்கிய காரணம் ஈழத் தமிழர்களுக்கு இந்தியாமீது இருக்கும் அல்லது இருந்த பாசம். 1971இல் நடந்த பங்களாதேச விடுதலைப் போரில் ஈழத் தமிழர்களும் அரசியல் தலைவர்களும் பங்களாதேச மக்களை ஆதரித்தனர். அப்போது இலங்கையினூடாக பாக்கிஸ்த்தான் போர் விமானங்கள் பறப்பதை இலங்கைப் பாராளமன்றத்தில் தமிழ் உறுப்பினர்கள் எதிர்க்குரல் கொடுத்தனர் குறிப்பாக அப்போது உடுவில் பாராளமன்ற உறுப்பினராக இருந்த தர்மலிங்கம் அவர்கள் கடுமையாக எதிர்த்தார். பின்னர் பாக்கிஸ்தானில் நடந்த பாராளமன்ற உறுப்பினர்கள் மாநாட்டில் பங்குபற்றச் சென்றிருந்த சாவகச்சேரி பாராளமன்ற உறுப்பினர் வி என் நவரத்தினம் அவர்களை பாக்கிஸ்தானில் "நீ தர்மலிங்கத்தின் கட்சியா?" எனக் கேட்டதுமுண்டு.

ஈழ விடுதலைப் போரில் சிங்களவர்களுக்கு உதவுவதில் இந்தியாவிற்கும் சீனாவிற்கும் அடுத்தபடியாக பாக்கிஸ்தான் திகழ்ந்தது. ஆனால் சீனாவும் பாக்கிஸ்த்தானும் இந்தியாவைப் போல் தமிழர்களைக் கொல்வதில் நேரடியாக களத்தில் இறங்கிச் செயற்படவில்லை.

பாக்கிஸ்த்தானில் இருந்து வெளிவரும் Dawn என்னும் பத்திரிகையில் சொல்லப்பட்டவை:
2009இல் தமிழ் புலிகளுக்கு எதிராக நடந்த கொடூரமான போரில் இறுதிப் பகுதியில் இலங்கைப் படையினர் செய்ததாகக் குற்றம் சாட்டப்படும் போர்க்குற்றங்களிற்கு இலங்கை அரசைப் பொறுப்புக் கூற வைக்க பன்னாட்டுச் சமூகம் முன்னெடுப்பதற்கான அறிகுறிகள் தென்படுகின்றன.

அடுத்தமாதம் ஜெனிவாவில் நடக்க விருக்கும் மனித உரிமைக் கழகக் கூட்டத்தில் சமர்ப்பிக்கத் தயாராகிக் கொண்டிருக்கும் இலங்கைக்கு எதிரான தீர்மானத்திற்கு பாக்கிஸ்த்தான் தடையாக இருக்கக்கூடாது. தற்போது இலங்கை அதிபர் பாக்கிஸ்தானிற்கு மூன்று நாள்ப்பயணத்தை மேற்கொண்டுள்ளார்.

ஐக்கிய நாடுகள் சபையின் பூர்வாங்க விசாரணையின் படி இலங்கைப் படைகள் போரை நடத்திய விதம் முழு பன்னாட்டுச் சட்டங்கள் மீதான ஒரு தாக்குதலைப் பிரதிபலிக்கிறது. போரின்போது ஐந்து மாதங்களில் மட்டும் நாற்பதினாயிரத்திற்கு மேலான பொது மக்கள் கொல்லப்பட்டனர். உண்மையில் கொல்லப்பட்டவர்கள் இன்னும் அதிகமாக இருக்கலாம்.

கொழும்பு புலிகளிற்கு எதிரான போரில் வெற்றி கண்டமையைப் பயங்கரவாதத்திற்கு எதிரான வெற்றியாகப் பிரசாரம் செய்து வருகிறது. அதைத் தனது தெரிவு எனத் தெரிவிக்கிறது. போராட்டக்காரர்களுக்கும் பொதுமக்களுக்கும் வேறுபாடின்றி அனைவரையும் சாட்சியமின்றி கொழுத்தியதை மோசமாக திரித்துக் கூறுகிறது இலங்கை அரசு.

2009 ஜனவரி மாதத்திற்ககும் மே மாதத்திற்ககும் இடையில் இலங்கையின் வட பகுதியின்திவிரவாதிகளின் சிறு நிலப்பரப்பில் சிக்குண்டிருந்த பல இலட்சக் கணக்கான மக்கள் மீது பத்திரிகையாளர்களையும் பன்னாட்டுத் தொண்டர்களையும் வெளியேற்றி விட்டு இலங்கைப்படையின கண் மூடித்தனமாக எறிகணைத் தாக்குதல்களை மேற்கொண்டனர். இதனால் அங்கு நடந்தவைபற்றிக் கூற ஒருவரும் இல்லை. ஒவ்வொருவரும் தங்கள் மயிரிழையில் தப்பியதைப் பற்றிக் கதைத்துக் கொண்டிருக்கும் போதே அவர்கள் உயிர்கள் பிரிக்கப்பட்டன.

மண்ணாலான பதுங்கு குழிகளில் இருந்து மிகையொலி விமானங்களில் இருந்தும் பல் குழல் ஏவு கணைச் செலுத்திகளில் இருந்தும் வீசப்பட்ட குண்டுகளில் இருந்து தப்பிய மனநிலை பாதிக்கப்பட்ட மக்கள் தங்கள் உணவும் நீரும் மறுக்கப்பட்ட நிலையில் நரக வாழ்க்கை வாழ்ந்ததைக் கூறுகின்றனர். போரில் ஓய்வு ஏற்பட்டபோது வெளிவந்த மக்கள் துண்டிக்கப்பட்ட காலகளையும் மரத்தில் தொங்கும் குழந்தைகளின் தலைகளையுமே கண்டனர். அந்த இடைவெளியில் இறந்த உடல்களை நாய்கள் உண்ணாமல் இருக்க அவசர அவசரமாக மண்ணில் புதைத்தனர்.
அரைவயிற்றை மக்கள் தங்களிடமிருந்த சிறிதளவு அரிசியில் சமைக்கப்பட்ட கஞ்சியால் சிரமப் பட்டு நிரப்பிக் கொண்டனர். பட்டினியால் ஒரு ஓன்பது வயதுச் சிறுமி தனது நிறையின் அரைவாசியை ஒரு மாதத்தில் இழந்தார். குழந்தையை ஈன்றதாய் தனது தங்க நகைகளை பத்தில் ஒரு பங்கு விலைக்கு விற்றார். இரண்டு கிலோ அரிசிக்காக 16கிராம் தங்கம் பண்டமாற்றுச் செய்யப்பட்டது.

விவசாயிகளும் கடை உரிமையாளர்களும் ஆசிரியர்களும் அரச ஊழியர்களும் நாற்பது தடவைகள் இடம் பெயர்ந்தனர். பசியால் பிள்ளைகள் தவிப்பதைப் பார்க்க முடியாத பெற்றொர்கள் கடலில் பாய்ந்து தற்கொலை செய்ய முயன்றனர். பிள்ளைகள் தங்கள் சிநேகிதர்கள் உடல் சிதறிக் கொல்லப்படுவதைப் பார்க்க முடியாமல் கைகளால் கண்களை மூடியபடியே இருந்தனர்.

இறுதி நேரத்தில் பதுங்கு குழி வெட்ட முடியாத மணற்தரையில் அகப்பட்ட மக்கள் தங்கள் விலை உயர்ந்த திருமணச் சேலைகளை மண்பை தயாரிக்கப் பயன்படுத்தினர்

போதிய அளவு ஊழியர்களோ மருந்துகளோ இல்லாத தற்காலிக மருத்துவ மனைகள் தொடர்ச்சியான தாக்குதல்களுக்கு உள்ளாகின. கருவறையிலேயே குண்டடிபட்ட பிள்ளை பிறக்கும் போதே காலில் துளைக்கப்பட்டிருந்த குண்டுடன் பிறந்தது. மருத்துவர்கள் இறைச்சி வெட்டும் கத்திகளை சத்திர சிகிச்சைகளுக்குப் பயன்படுத்தினர். தேவாலயத்தில் குண்டால் அடிபட்ட பாதிரியாரின் கால் மயக்க மருந்தின்றி துண்டிக்கப்பட்டது.

பிரேதங்கள் நிறைந்த தண்ணீரூடாகவும் இரத்தக் குட்டைகளூடாகவும் குண்டடிபட்ட மக்கள் வெறும் கால்களுடன் தப்பி ஓடினர். தங்கள் உயிரைக் கையில் பிடித்தபடி காயப்பட்ட உறவினர்களைக் காப்பாற்றக் கூட மூடியாமல் தப்பி ஓடினர்.

தப்பியவர்களில் பலர் தற்கொலை செய்யும் மனோ நிலையில் இருக்கிறார்கள் என்பது ஆச்சரியப்படக் கூடிய ஒன்றல்ல. அங்கு கடமையாற்றிய மருத்துவர் ஒருவர் இப்போது இரத்தத்தைக் காணப் பயப்படுகிறார். ஒரு படப்பிடிப்பாளர் வில்லையூடாக பார்க்கும் போது அவருக்கு இறந்த குழந்தைகளின் உடல்கள்தான் தெரிகின்றன. ஒரு கத்தோலிக்க கன்னி தன் கண்ணால் கண்ட காட்சிகளின் பின்னர் கடவுள் மீது தனது நம்பிக்கையைத் தக்கவைக்கப் போராடுகின்றார்.

போர்க்குற்றமும் மாநிடத்திற்கு எதிரான குற்றமும் ஒருதரப்பால் மட்டும் மேற்கொள்ளப்படவில்லை. புலிகளும் மூர்க்கமாக முன்னேறும் படையினருக்கு எதிராக மக்களைக் கேடயமாகப் பயன்படுத்தினர். அவர்கள் மக்களைத் தப்பி ஓடாதபடி தடுத்து வைத்தனர். புலிகள் பதின்ம வயதினரை பொருளில்லாத போருக்கு கட்டாயப் படுத்திச் சேர்த்தனர். மே 18-ம் திகதி புலிகள் தோற்கடிக்கப்பட்டதுடன் கொலைகள் முடியவில்லை எஞ்சி இருந்தவர்களைத் துடைத்தழிக்கும் நோக்குடன் காயப்பட்டபடி பதுங்கு குழிகளுக்குள் இருந்தவர்கள் மீது கைக்குண்டுகளை வீசிக் கொன்றனர்.

280,000இற்கு மேற்பட்ட களைப்படைந்த பொது மக்கள் அவர்கள் விருப்பத்திற்கு மாறாக நெருக்கமான இடங்களில் முட்கம்பிகளாலும் ஆயுதம் தாங்கிய படையினர் சூழத் தடுத்து வைக்கப்பட்டனர். ஆயிரக் கணக்கானோர் இலஞ்சம் கொடுத்துத் தப்பித்தனர். உலகின் மிகப் பெரிய தடுப்பு முகாமில் பதினொராயிரத்திற்கு மேலான சந்தேகிக்கப்படும் கிளர்ச்சிக்காரர்கள் விசாராணை ஏதுமின்றித் தடுத்து வைக்கப்பட்டுள்ளனர். கண்டபடி கொல்லுதல், குழுக்கற்பழிப்பு, சித்திரவதை போன்றவை போர் முடிந்து ஆண்டுகள் கடந்த பின்னரும் தொடர்கின்றன.

இலங்கை அரசால் செய்யப்பட்ட பிழையான விசாரணைக் குழு அற்புத உலகில் அலிஸ் கதை போல சகல குறைகளையும் புலிகள் மீது சகல குற்றத்தையும் சுமத்திவிட்டு அரசை குற்றமற்றதாக்கிவிட்டது.

மனித உரிமை அமைப்புக்கள் போர்க்குற்றம் தொடர்பான சுயாதின விசாரணை தேவை என வலியுறுத்துகின்றன.
தப்பிய தமிழர்கள் தங்கள் நொருக்கப்பட்ட வாழ்கையை மீள ஆரம்பிக்கவும் இணக்கப்பாட்டிற்கும் உண்மை கண்டறிய்பப்பட வேண்டும் என்கின்றனர். உண்மையின்றி இணக்கப்பாடோ மன்னிப்போ இல்லை. மோதலுக்கு வழிவகுத்த குறைபாடுகள் இப்போதும் தீர்க்கப்படாமலே இருக்கின்றன.

இலங்கையில் அமெரிக்க இந்தியக் கூட்டுச் சதி

2012-02-12T11:27:00.001Z

இலங்கை இந்தியாவின் பிராந்திய ஆதிக்கத்திற்கு உள்பட்டது என்பதை அமெரிக்கா முழுமையாக ஏற்றுக் கொள்ளாவிடினும் இலங்கையில் இந்தியாவின் சில இணக்கப்பாட்டுடன் காய்களை நகர்த்துவது வழக்கம். இலங்கையை தனது "வழிக்குக் கொண்டுவரும்" அமெரிக்க முயற்ச்சியில் அமெரிக்கா இந்தியாவுடன் அண்மைக் காலங்களாக இணைந்து செயற்படத் தொடங்கியுள்ளது. இலங்கையை தனது "வழிக்குக் கொண்டுவரும்" அமெரிக்க முயற்ச்சியில் முக்கிய அம்சம் இலங்கையின் தற்போதைய ஆட்சியாளர்களுக்கு எதிரான போர்க் குற்றச் சாட்டும் இந்த மாத இறுதியில் ஆரம்பிக்கப்படவிருக்கும் ஐக்கிய நாடுகளின் மனித உரிமைக் கழகக் கூட்டமும் ஆகும். இலங்கை ஆட்சியாளர்கள் இழைத்த போர்க்குற்றம் பற்றி ஆர்ஜெண்டீனாவில் இருந்து பாக்கிஸ்த்தான் வரை பல பத்திரிகைகள் இப்போது பத்தி பத்திகளாக எழுதுகின்றன. இலங்கைப் போர்க்குற்றம் இப்போது தண்டிக்கப்படவேண்டிய ஒன்று என்ற கருத்துருவாக்கம் பன்னாட்டு அரங்கில் வலுப்பெற்று வருகிறது.

இலங்கை போர்க்குற்றம் வலுப்பெற்றமைக்கு முக்கிய காரணம் பன்னாட்டு நெருக்கடிக் குழு, பன்னாட்டு மன்னிப்புச் சபை போன்றவை இலங்கையில் நடந்த போர்க்குற்றம் தண்டிக்கப்படாவிட்டால் அது மேலும் பல ஆட்சியாளர்களுக்கு ஒரு முன்மாதிரியாக அமைந்து விடும் என்று வலியுறுத்துவதே. இலங்கையின் போருக்கு உதவிய பல நாடுகள் தமிழர்களுக்கு எதுரான போரில் சில ஆயிரம் அப்பாவிகள் கொல்லப்படலாம் என்று எதிர்பார்த்தனர். ஆனால் பல்லாயிரம் மக்கள் கொல்லப்பட்டமையும் சரணடைய வந்தவர்களைக் கொன்றமையும் போருக்கும் பின்னரும் தமிழர்களுக்கு எதிரான மோசமானவன்முறைகள் தொடர்வதும் இனப்பிரச்சனை தீர்வு ஏதும் இன்றி இழுபடுவதும் அந்த நாடுகளில் சிலவற்றிற்கு ஒரு குற்ற உணர்வை ஏற்படுத்துகின்றன. அந்நாடுகள் ஏதாவது செய்தே ஆகவேண்டும் என்ற உணர்வைக் கொண்டுள்ளன.

விசயமில்லாமல் போன "கிருஷ்ண விஜயம்".
இலங்கையை வழிக்குக் கொண்டுவரும் அமெரிக்க இந்தியக் கூட்டு முயற்ச்சியின் ஒரு அம்சமாக இலங்கைக்குச் சென்ற இந்திய வெளிவிவகாரத் துறை அமைச்சர் எஸ் எம் கிருஷ்ணாவின் இலங்கையில் காதில் பூச்சுற்றி அனுப்பிவிட்டார்கள். இலங்கைக்குப் பயணம் மேற்கொண்ட இந்திய வெளிவிவகாரத்துறை அமைச்சர் எஸ் எம் கிருஷ்ணா தனது பயணத்தின் முடிவில் பத்திரிகையாளர்களிடம் பேசும் போது இலங்கை அதிபர் ராஜபக்ச தன்னிடம் 13-ம் திருத்தத்தின் மேல் சென்று தீர்வு வழங்குவதாக உறுதியளித்தார் என்றார். அதற்குப் பின்னர் ராஜபக்ச தனது முதல் பத்திரிகையாளர் சந்திப்பிலேயே தான் அப்படி ஒரு வாக்குறுதி இந்திய வெளிவிவகாரத்துறை அமைச்சர் எஸ் எம் கிருஷ்ணாவிற்கு வழங்கவில்லை என்றார். அப்படியென்றால் இந்திய வெளிவிவகாரத்துறை அமைச்சர் தான் ஐக்கிய நாடுகளின் பாதுகாப்புச் சபையில் செய்தது போல் யாரோ யாருக்கோ எழுதிய வைத்ததை கொழும்புப் பத்திரிகையாளர் மாநாட்டில் வாசித்தாரா? அல்லது இந்திய வெளிவிவகாரத்துறை அமைச்சர் பொய் சொன்னாரா? அல்லது மஹிந்த பொய் சொல்கிறாரா? இதுவரை இந்திய வெளியுறவுத் துறை அமைச்சர் எஸ் எம் கிருஷ்ணா மௌனமாக இருப்பது ஏன்?

அமெரிக்காவின் அதிரடிக் காய் நகர்த்தல்கள்.
இந்திய வெளியுறவுத் துறை அமைச்சரின் பரிதாபகரமான இலங்கைப் பயணத்தைத் தொடர்ந்து அமெரிக்க அரசத் துறைச் செயலர் ஹிலரி கிளிண்டன் இந்திய அதிகாரிகளுடன் திடீர்ப் பேச்சு வார்த்தை ஒன்றை மேற்க் கொண்டார். அமெரிக்காவின் போர்க்குற்ற விவகாரங்களுக்கான விசேட தூதுவர்(The US ambassador at large for war crimes) Stephen Rapp இலங்கைக்கு அனுப்பப்பட்டார். அத்துடன் நிற்காமல் மத்திய மற்றும் தெற்காசிய விவகாரங்களுக்கான அமெரிக்க உதவி அரசத் துறைச் செயலாளர் ரொபேர்ட் ஓ பிளேக் இலங்கை அனுப்பப்பட்டார்.

அமெரிக்கச் சதி.
அமெரிக்காவிடம் இலங்கைப் போர்க்குற்றம் தொடர்பான ஆதாரங்கள் நிறைய உண்டு. அமெரிக்கா அதை தனது தேவைக்குப் பாவிக்கும் என்று இலங்கையில் போர் தீவிரமாக நடந்து கொண்டிருந்த போது இங்கு அதைப்பற்றி எழுதப்பட்டது அதைக் காண இங்கு சொடுக்கவும்: எல்லாவற்றையும் மேலுக்கு இருந்து ஒருவன் பார்த்துக் கொண்டிருக்கிறான்.
அமெரிக்கா தன்னிடம் உள்ள போர்க்குற்ற ஆதாரங்களை முன்வைத்து இலங்கையை மிரட்டி தன் வழிக்குக் கொண்டுவந்துவிட்டதாக லங்காஇநியூஸ் இணையத் தளம் ஒரு செய்தியை வெளியிட்டுள்ளது. அமெரிக்கா இலங்கை அதிபர் மஹிந்த ராஜபக்சவுடன் செய்யவிருக்கும் இரகசிய உடன்பாட்டில் அதில் மூன்று முக்கிய அம்சங்கள் பகிரங்கப்படுத்தப் பட்டுள்ளன:
1. முன்னாள் படைத் தளபதி சரத் பொன்சேகாவிற்கு மன்னிப்புக் கொடுத்து விடுதலை செய்தல்.
2. இலங்கை அமைத்த நல்லிணக்கத்திற்கான ஆணைக் குழுவின் பரிந்துரைகளை நிறைவேற்ற கால அட்டவணையுடன் கூடிய ஒரு செயற்திட்டத்தை உருவாக்குதல்.
3. தமிழ்த் தேசியக் கூட்டமைப்பினருடன் ஒரு உடன்படு ஒப்பந்தம் செய்தல்.

இன்னொரு போர்க்குற்றவாளியான சரத் பொன்சேகாவை அமெரிக்கா தனது கைக்கூலி என்பதற்காகப் பாதுகாக்கிறது.
இலங்கை அமைத்த நல்லிணக்கத்திற்கான ஆணைக் குழுவின் பரிந்துரைகள் ஏற்கனவே தமிழர்களால் நிராகரிக்கப்பட்டவையே. அதில் எந்த அளவிலான அதிகாரப் பரவலாக்கம் தமிழர்களின் பிரச்சனைக்குத் தீர்வாக அமையும் என்று சொல்லப்படவில்லை. திம்புக் கோட்பாட்டின் அடிப்படையில் தீர்க்கப்படவேண்டும் என்ற நிர்ப்பந்தம் பிரயோகிக்கப்படாமல் தவிர்தது அமெரிக்காவின் சதியே. நல்லிணக்க ஆணைக்குழு போர்க்குற்றம் நிகழ்ந்ததாக தெரிவிக்கவே இல்லை. இங்கு ஐக்கிய நாடுகள் சபையின் நிபுணர்கள் குழுவின் பரிந்துரைகளும் அதில் குறிப்பிட்டுள்ள போர்க்குற்றம் மற்றும் மானிடத்திற்கு எதிரான குற்றங்கள் பற்றி கருத்தும் புறந்தள்ளப்பட்டுள்ளது. சிங்களவர்களுடன் ஒப்பந்தம் செய்து சலித்துப் போன தமிழர் தரப்பு மீண்டும் ஒரு ஒப்பந்தம் அவர்களுடன் செய்யப் போகிறதா?

1981இல் அமெரிக்கக் கைக்கூலியும் தந்தை செல்வாவின் மருமகனுமான பேராசிரியர் ஏ ஜே வில்சன் (இன்னோரு கைக்கூலியான நீலன் திருச் செல்வமும் அவருடன் இணைந்திருந்தார்) இலங்கையில் தங்கி இருந்து இலங்கை இனப்பிரச்சனைக்கு மாவட்ட சபைதான் ஒரு தீர்வு என்று அவரின் ஆலோசனைகளுடனும் பங்களிப்புக்களுடனும் முன்வைக்கப்பட்ட மாவட்ட சபைத் திட்டத்தை தமிழர் விடுதலைக் கூட்டணியினர் ஏற்க மறுத்த போது அதை ஏற்றும் கொள்ளும்படி அமெரிக்கா வற்புறுத்தியது. மாவட்ட சபைத் தேர்தலில் கூட்டணியினர் பங்கு பற்றினர். விளைவு யாழ் நூலகம் எரிக்கப்பட்டது. தமிழர்கள் மீது மேலும் வன்முறைகள் கட்டவிழ்த்து விடப்பட்டன. மாவட்ட சபைத் திட்டத்தை முன்வைத்த பேராசிரியர் ஏ ஜே வில்சன் அப்போது ஒரு கருத்தையும் கூறியிருந்தார். "இதிலும் பார்க்கக் கூடுதலான அதிகாரம் தமிழர்களுக்கு ஒரு அரசு வழங்கினால் அது தற்கொலைக்கு ஒப்பானதாகும்". அப்போது சிங்களவர்கள் இலங்கைத் தமிழர்களுக்கு இந்தியா உதவும் என்று அஞ்சி இருந்தனர். இப்போது தமிழர்களுக்கு உதவ ஒருவரும் இல்லை என்று சிங்களவர்கள் நம்புகின்றனர். இந்த நிலையில் மஹிந்த ராஜபக்ச தப்பித் தவறி ஒரு அதிகாரப் பரவலாக்கத்தை தமிழர்களுக்கு கொடுக்க முன்வந்தால் அரசியல் வங்குரோத்து நிலையில் இருக்கும் ஜேவிபி எனும் பேரினவாதக் கட்சியும் பௌத்த அடிப்படை வாதிகளான ஜாதிக ஹெல உருமயவும் தமது அரசியல் செல்வாக்கை வளர்க்க தமிழர்களுக்கான அதிகாரப் பரவலாக்கத்தை எதிர்க்கும். தங்கள் நாட்டை விடுதலைப் புலிகளிடமிருந்து விடுவிக்க தமது இன்னுயிர் நீத்த சிங்களப் படை வீரர்களின் தியாகத்தை மஹிந்த நாட்டை மீண்டும் நாசமாக்குகிறார். நாடு மீண்டும் பிளவு படப்போகிறது என்ற கருத்தை முன்வைக்கும் ஐக்கிய தேசியக் கட்சியில் இருந்தும் இதற்கு ஆதரவான ஒரு கருத்தைக் கொண்டவர்கள் களமிறங்கி ராஜபக்சக்கள் நாட்டைக் காட்டிக் கொடுக்கிறார்கள் என்று களமிறங்கும். பௌத்த பிக்குக்கள் தெருவில் இறங்கிப் போராடுவார்கள். தொழிற் சங்கங்கள் வேலை நிறுத்தம் செய்யும். ஏற்கனவே பொருளாதார நெருக்கடியில் இருக்கும் ராஜபக்சவின் ஆட்சி கவிழும் சூழ்நிலை உண்டாகும். இவை மட்டுமல்ல இலங்கையில் தமிழர்களுக்கு ஒரு அதிகாரப் பரவலாக்கம் செய்யப்படுவதை டில்லியின் தென்மண்டலப் பார்ப்பனர்கள் எப்படியும் சதி செய்து தடுப்பார்கள். பண்டா செல்வா ஒப்பந்தம் கிழித்தெறியப்பட்டது போல் அமெரிக்கா முன்வைக்கும் தமிழ்த் தேசியக் கூட்டமைப்பு-ராஜபக்ச ஒப்பந்தம் கிழித்தெறியப்படும்.

தேவதைகளும் தேவாங்குகளும்

2012-02-11T07:11:00.001Z

மாதங்கள் பலசுமந்து
பெற்றெடுத்து
அன்புகாட்டிய அன்னை
அன்புத் தேவதை

ஆதரவு காட்டி
கண்காணித்து
ஆளாக்கிய தந்தை
பாசத் தேவதை

உதவும் உடன் பிறப்புக்களும்
உற்றாரும் நண்பன்களூம்
நேசத் தேவதைகள்

கற்பித்த்து அறிவூட்டிய
ஆசிரியர்களும்
படித்த பாடசாலைகளும்
அறிவுத் தேவதைகள்

கண்ணெதிரில் வந்து
நினைவு பறித்து
கனவு கெடுத்து
தேவதைகள் அவை
என்று எண்ண வைத்து
ஏமாற்றிய தேவாங்குகளும்
கண்டதுண்டு

பட்டறிவும்
காலம் கடந்த ஞானமும்
உற்ற தேவதையைக்
கடைசியில் தந்தன

கஞ்சா புகைத்த Steve Jobs - அந்தரங்கங்கள் பல அம்பலம்

2012-02-10T10:10:00.001Z

இப்போதைய தலைமுறையின் முன்னணி சாதனையாளர்களில் ஒருவராகக் கருதப்படும் Steve Jobs ஐப் பற்றிய பல அந்தரங்கத் தகவல்கள் இப்போது அம்பலத்திற்கு வந்துள்ளன. 1991-ம் ஆண்டு ஜோர்ஜ் H. W. புஸ் ஐக்கிய அமெரிக்காவின் அதிபராக இருந்தபோது Steve Jobsஐ ஏற்றுமதிச் சபையின் உறுப்பினராக நியமிக்க ஆலோசனை முன்வைக்கப்பட்டது. இதற்காக அமெரிக்க உளவகமான FBI ஆனது Steve Jobsஐப் பற்றிய தகவல்களைத் திரட்டியது. அதன் போது Steve Jobsஐப் பற்றி அறிந்து கொண்டவை இப்போது அம்பலப் படுத்தப் பட்டுள்ளன.

Steve Jobsதந்து இலக்குகளை அடைவதற்கு தவறான வழிகளையும் கைக்கொள்வார்.
Steve Jobs Hasish LSD ஆகிய போதைப் பொருட்களைப் பாவித்திருந்தார்.
Steve Jobs தனது இலக்குகளை அடையும் பாதக்கு குறுக்கே நிற்பவர்களை மிரட்டுவார்.
Steve Jobs உடன் வேலை செய்வது மிகவும் சிரமமான காரியம்.
Steve Jobs உண்மைகளைத் திரிப்பார் யாதார்த்தங்களைப் புரட்டுவார்.
Steve Jobs ஒரு நேர்மையான மனிதர் அல்லர்.
Steve Jobs இற்கும் அவரது காதலியான கிரிஸ் ஆன் பெனனிற்கும் பிறந்த Steve Jobsஇன் முதற் குழந்தையான லிசாவை பராமரிப்பதற்கு உரிய செலவுகளை அவர் செலுத்தவில்ல. ஆனால் பிற்காலத்தில் தனது மகளிடம் பரிவு காட்டினார்.
திருமணமாகாத ஒரு பெண்ணிற்குப் பிறந்த Steve Jobs தனது தாயாரில் அன்பு கொண்டிருந்தார்.

கவிதை: துயரலை மோதகமாய் ஆனதென் சீரகம்

2012-02-09T09:00:00.001Z

வெங்காயம் பார்த்து
பெருங்காமப்பட்டு
என்ன்னகம் பறிகொடுத்து
நிம்மதியை இதயத்திற்பலிகொடுத்தேன்

துயரலை மோதகமாய்
ஆனதென் சீரகம்
உன்விழியின்னிலைக்கஞ்சி
நிற்குமென்னிலைக்காய்
என்றுமிளகுமுன்மனம்.

சுக்கு நூறாயுடைந்த உள்ளம்
பக்குவப்பட ஒருவார்த்தை
மல்லிகையெடுத்த
வாய்திறந்து சொல்லாயோ

கூட்டுத்தானில்லை
குலவல்தானில்லை
பிரியானின்றால்
இன்பம்வருமன்றோ

இல்லை இனிச்சா தம்மடி
புகைக்கிறது நெஞ்சம்போல்
பாரொட்டா கால்கள்
பதறித்தவிக்கிறது

வரவா நான் தேடி
ஊறுவாய் உலர்த்த
சேமியா நினைவுகள்
பூமியோடு புதைய

வெங்காயம் - வெறும் உடம்பு அல்லது வெள்ளை நிற உடம்பு
மோதகம் - மோதும் இடம்
சீரகம் - சீரான உள்ளம்
பாரொட்டா - பாரில் தொடாத
சேமியா - சேமிக்காத

ராஜபக்சவின் இறக்குமதித் தீர்வும் ஏற்றுமதிப் பொய்யும்

2012-02-08T07:29:00.001Z

பெப்ரவரி 4-ம் திகதி இலங்கையின் சுதந்திர தினவிழாவில் உரையாற்றும் போது இலங்கை அதிபர் மஹிந்த ராஜபக்ச இலங்கை இனப்பிரச்சனை தொடர்பாக இரு பெரும் கருத்துக்களை வெளிட்டார்: 1. இலங்கை இனப்பிரச்சனைக்கான இறக்குமதி செய்யப்பட்ட தீர்வில் தங்கியிருக்க முடியாது. 2. இனப் பிரச்சனைக்கான தீர்விற்கு வெளியார் செல்வாக்கைப் பாவிக்க முடியாது. இதில் முதலாவதான் இறக்குமதி செய்யப்பட்ட தீர்வு எனக் குறிப்பிட்டது அரசியல் முதுபெரும் நரியான ஜே. ஆர் ஜயவர்த்தனவும் அரசியன் கற்றுக் குட்டியான ராஜீவ் காந்தியும் 1987இல் செய்து கொண்ட ஒப்பந்தத்தின் பிரகாரம் இலங்கை அரசியல் அமைப்பில் செய்யப்பட்ட 13வது திருத்தத்தையே. மேலும் ராஜபக்ச இரண்டாவதாகக் குறிப்பிடும் வெளியார் செல்வாக்கு என்பது மேற்குலக நாடுகளாலும் இலங்கைமீது மேற்கொள்ளப்படுவதாகக் கருதப்படும் இனப்பிரச்சனைக்கான தீர்வுக்கு தேவை எனக் கொடுக்கப்படும் அழுத்தம். அதாவது மஹிந்த ராஜபக்ச 13 தமிழர்களுக்குக் கிடையவே கிடையாது என்கிறார்.

பாவம் இந்திய வெளிவிவகாரத்துறை அமைச்சர்
இலங்கைக்குப் பயணம் மேற்கொண்ட இந்திய வெளிவிவகாரத்துறை அமைச்சர் எஸ் எம் கிருஷ்ணா தனது பயணத்தின் முடிவில் பத்திரிகையாளர்களிடம் பேசும் போது இலங்கை அதிபர் ராஜபக்ச தன்னிடம் 13-ம் திருத்தத்தின் மேல் சென்று தீர்வு வழங்குவதாக உறுதியளித்தார் என்றார். அதற்குப் பின்னர் ராஜபக்ச தனது முதல் பத்திரிகையாளர் சந்திப்பிலேயே தான் அப்படி ஒரு வாக்குறுதி இந்திய வெளிவிவகாரத்துறை அமைச்சர் எஸ் எம் கிருஷ்ணாவிற்கு வழங்கவில்லை என்றார். அப்படியென்றால் இந்திய வெளிவிவகாரத்துறை அமைச்சர் தான் ஐக்கிய நாடுகளின் பாதுகாப்புச் சபையில் செய்தது போல் யாரோ யாருக்கோ எழுதிய வைத்ததை கொழும்புப் பத்திரிகையாளர் மாநாட்டில் வாசித்தாரா? அல்லது இந்திய வெளிவிவகாரத்துறை அமைச்சர் பொய் சொன்னாரா? அல்லது மஹிந்த பொய் சொல்கிறாரா? இதுவரை இந்திய வெளியுறவுத் துறை அமைச்சர் எஸ் எம் கிருஷ்ணா மௌனமாக இருப்பது ஏன்? கிருஷ்ணா 13இற்கு மேல் என்று ராஜபக்ச சொன்னதாகச் சொல்கிறார். ஆனால் ராஜபக்ச பதின்மூன்றே கிடையாது என்கிறார். இதில் இருந்து நாம் ஒரு முடிவிற்கு மட்டுமே வர முடியும். அதாவது இருவரும் சேர்ந்த்து தமிழர்களையும் உலகத்தையும் ஏமாற்றுகிறார்கள். கொழும்பு ஊடகம் ஒன்றில் எழுதிய ஒரு சிங்கள அரசியல் ஆய்வாளர் 13 கிடையாது என்று ஒன்றல்ல இரண்டல்ல ஆறு தடவைகள் கடந்த மூன்று ஆண்டுகளில் இந்தியாவை இலங்கை ஏமாற்றி விட்டது என்கிறார்.மஹிந்த ராஜபக்ச தன்னிடம் 13-ம் திருத்ததிற்கும் அதிகமான அதிகாரப் பரவலாக்கத்தை மேற்கொள்வதாக உறுதியளித்தார் என இந்திய வெளிநாட்டமைச்சர் எஸ் எம் கிருஷ்ணா பத்திரிகையாளர்கள் மாநாட்டில் சொன்னதை கொழும்புப் பத்திரிகைகள் இருட்டடிப்புச் செய்தது ஏன்?

இலங்கையில் தமிழர்களுக்கு போர் நடக்கும் போது வெளிநாட்டில் இருந்து படைக்கலங்கள் இறக்குமதி செய்யப்பட்டன. படைத்துறை ஆலோசகர்கள் இறக்குமதி செய்யப்பட்டனர். அயல் நாடு ஒன்றில் இருந்து இருபதினாயிரம் படையினரும் கள்ளத்தனமாக பின்கதவால் இறக்குமதி செய்யப்பட்டனர். போரின் போது ராஜபக்சவிற்குப் பயன்பட்ட இறக்குமதி தீர்வின் போது வேண்டாம்!

இலங்கையின் இனப்பிரச்சனைக்கு முதலில் சமஷ்டி என்னும் இணைப்பாட்சி முறைமை ஒரு தீர்வாக முன்வைக்கப்பட்டது. அதைப்பற்றிப் பல பொய்களைச் சொல்லிச் சொல்லி சமஷ்டி என்பதை ஒரு கெட்ட வார்த்தையாக்கிவிட்டனர் சிங்களவர்கள். இதில் சிங்கள இடதுசாரியினர் வலது சாரியினர் மதவாதிகள் பத்திரிகையாளர்கள் அனைவருமே திறமையாகப் பொய்களைச் சொல்லினர். தமிழர்களின் ஆயுத போராட்டத்தை பயங்கரவாதப் பிரச்சனையாகப் பொய் சொல்லிச் சொல்லி முழு உலகத்தையும் நம்ப வைத்தனர். பின்னர் அதிகாரப் பரவலாக்கம் என்பது ஒரு தீர்வாக முன் வைக்கப்பட்டது. அதைப் பற்றிப் பொய் சொல்லிச் சொல்லி அதை ஒரு கெட்ட வார்த்தையாக்கினார்கள் சிங்களவர்கள். இப்போது முன்வைக்கப்படும் சொல் நல்லிணக்கம். இது இன்னும் எத்தனை நாட்கள்.

முழு Microsfitஐயும் மிஞ்சிய தனி iPhone

2012-02-07T09:38:00.000Z

Microsfitநிறுவனத்தின் முழு வருவாயையும் ஆப்பிள் நிறுவனத்தின் iPhone வருவாய் மிஞ்சி விட்டது. பிந்திக் கிடைத்த காலாண்டு விற்பனைத் தகவல்களின்படி Microsfitநிறுவனத்தின் சகல துறைகள்( Xbox, Windows, Microsoft Office and Windows Phone) மூலமாகக் கிடைத்த வருவாய் 20.9பில்லியன் டாலர்கள் அதேவேளை ஆப்பிள் நிறுவனம் iPhone விற்பனையில் மாத்திரம் 24.4பில்லியன் டாலர்கள் வருவாயை ஈட்டியுள்ளது. 37.04 பில்லியன் ஐபோன்கள் விற்பனையாகி உள்ளன. இப்போது 100பில்லியன் டாலர்கள் காசுக் கையிருப்புடன்ஆப்பிள் உலகின் மிகப் பெரிய நிறுவனமாக உருவெடுத்துள்ளது.

Microsfitஇன் பதிலடி
Microsfit இன் உள்ளக காணொளிப் பதிவு ஒன்று வெளியே கசிந்ததால் அவர்களின் புதிய திட்டம் அம்பலமாகியுள்ளது.ஐபோன்களின் வெற்றிக்கு அவற்றில் பாவிக்கப்படும் செயலிகள் (applications) ஆகும். இதனால் Microsfit தனது விண்டோஸ் இல் பாவிக்கடும் செயலிகள் பாவிக்கப்படக் கூடிய வகையில் தனது விண்டோஸ் கைப்பேசிகளை மாற்றி அமைக்க விருக்கிறது. Microsfit நோக்கியா நிறுவனத்துடன் இணைந்து செயற்படுகிறது. அடுத்த விண்டோஸ் கைப்பேசிகள் ஆரம்பத்தில் ஒரு இலட்சம் செயலிகள் உடையதாக இருக்கும். அத்துடன் கடைகளில் பொருட்களை வாங்கி விட்டு விண்டோஸ் கைப்பேசி மூலம் பணத்தைச் செலுத்தும் முறைமையான NFC (near field communication) உள்ளடக்கப்பட்டிருக்கும்.

2015இல் ஐபோன்களை விண்டோஸ் கைபேசிகள் மிஞ்சும்
Microsfitஇன் புதிய திட்டங்களைப் பார்த்த தொழில்நுட்ப ஆய்வாளர்கள் 2015இல் விண்டோஸ் கைப் பேசிகள் ஐபோன்களை மிஞ்சும் என்கின்றனர். சென்ற ஆண்டு விண்டோஸ் கைப்பேசிகள் மொத்த smartphone விற்பனையில் 2% மட்டுமே. இது

ஆளில்லாப் போர்விமானங்கள்: அமெரிக்காவின் எல்லை தாண்டிய பயங்கரவாதம்

2012-02-06T07:56:00.001Z

இனிவரும் காலங்களில் போர் முனையில் ஆளில்லாப் போர்விமானங்கள் பெரும் பங்குகள் வகிக்கவிருக்கின்றன. பல நாடுகளும் ஆளில்லாப் போர்விமானங்கள் தொடர்பாக பல ஆராய்ச்சிகளை மேற் கொள்கின்றன. ஆரம்பத்தில் வேவு பார்க்கவும் கண்காணிக்கவும் பயன்படுத்தப்படுத்தப்பட்டு வந்த ஆளில்லாப் போர் விமானங்கள் இப்போது மேலும் நவீன மயப்படுத்தப்பட்டு தாக்குதல்களுக்கும் பயன்படுத்தப் படுகின்றன. ஆப்க்கானிஸ்தானிலும் பாக்கிஸ்தானின் வட பகுதியிலும் 2006-ம் ஆண்டிலிருந்து அமெரிக்க ஆளில்லாப் போர் விமானங்கள் ஆயிரக்கணக்கான தீவிரவாதிகளைக் கொன்றுள்ளன.

அமெரிக்காவின் உளவுத் துறையான சிஐஏயும் அமெரிக்க சார்புப் படைத்துறை விமர்சகர்களும் அமெரிக்கா தனது ஆளில்லாத விமானங்கள் மூலம் அண்மைக்காலங்களாக தீவிரவாதிகளுக்கு எதிரான போரில் ஆசியாவிலும் ஆபிரிக்காவிலும் ஈட்டிவரும் வெற்றிகள் பற்றி மார்தட்டிப் பேசி வந்தனர். இசுலாமியத் தீவிரவாத அமைப்புக்களின் பல முக்கிய தலைவர்கள் உட்படப் பலரை அமெரிக்க ஆளில்லா விமானங்கள் கொன்றன. நவம்பர் 2-ம் திகதி சோமாலியாவில் 20 பேரை அமெரிக்க ஆளில்லா விமானங்கள் கொன்றன. கடாஃபி இறுதியாக 70இற்கு மேற்பட்ட வாகனத் தொடரணியில் தப்பி ஓட முயன்றபோது அதன் மீதான முதல் தாக்குதல் அமெரிக்க ஆளில்லா விமானங்களாற்தான் மேற் கொள்ளப்பட்டன.

பாக்கிஸ்த்தானிலும் யேமனிலும் அமெரிக்க ஆளில்லா விமானங்கள் பல இசுலாமியத் தீவிரவாதிகளையும் அவர்களின் முக்கிய தலைவர்களையும் கொன்றுள்ளது. அமெரிக்க உளவுத்துறையான சிஐஏயும் சொந்தமாக ஆளில்லா விமானத் தளங்களை உலகின் பலபாகங்களிலும் இரகசியமாக அமைத்துள்ளது. 2012இல் ஆப்கானிஸ்தானில் இருந்து அமெரிக்கா தனது படைகளை விலக்கிக் கொள்ளும் முடிவு ஆளில்லா விமானங்கள் மூலம் எதிர்காலப் போரை முன்னெடுக்க முடியும் என்ற நம்பிக்கையுடனேயே எடுக்கப்பட்டது. ஆளில்லாப் போர் விமானங்கள் அமெரிக்காவின் மரபு வழிப்போரிலும் திரை மறைவுப் படை நடவடிக்கைகளிலும் முக்கிய இடம் வகிக்கிறது. கடற் கொள்ளையர்களுக்கு எதிராகவும் அமெரிக்கா ஆளில்லா விமானங்களை களமிறக்கியுள்ளது.

அப்பாவிகள் கொலை
அமெரிக்க ஆளில்லாப் போர் விமானங்கள் பல அப்பாவி மக்களையும் கொன்று குவித்துள்ளன என்று பாக்கிஸ்தானில் மக்கள் போர்க்கொடி தூக்கியுள்ளனர். பாக்கிஸ்த்தானின் ஆப்கானிஸ்தானுடனான எல்லைப் பிரதேச நகரான வாரிஸ்தானில் பல அப்பாவிகளை அமெரிக்க ஆளில்லாப் போர் விமானங்கள் கொன்றுள்ளன. ஆளில்லாப் போர் விமானங்களில் இருந்து பார்க்கும் போது ஒரு இசுலாமியத்தீவிரவாதிக்கும் ஒரு சாதாரண இசுலாமியக் குடி மகனுக்கும் வித்தியாசம் காணமுடியாது என்கிறார் மிஸ்ரா ஷாசாத் அக்பர் என்னும் பாக்கிஸ்தானியச் சட்டவாளர்.

ஊர்ப் பிணக்கைத் தீர்க்கக் கூடியவர்கள் கொலை
வாரிஸ்த்தானில் ஒரு பகுதியில் குரோமைட் சுரங்கம் தொடர்பாக இரு குழுக்களிடை நடந்த மோதலைத் தவிர்க்க அவர்கள் பேச்சு வார்த்தைக்காக ஒரு இடத்தில் ஒன்று கூடினர். அவர்கள் கைகளில் ஆயுதங்கள் இருந்தன. அங்கு சென்ற அமெரிக்க ஆளில்லா விமானம் அவர்கள் தலிபான்கள் எனக் கருதி அவர்கள் மீது மூன்று ஏவுகணைகளை வீசியது. நாற்பது அப்பாவிகள் கொல்லப்பட்டனர்.

அமெரிக்க அரச திணைக்களத்திடம் ஆளில்லாப் போர் விமானங்கள்
அண்மையில் அமெரிக்க அரச திணைக்களம் தனக்கென்று சில ஆளில்லாப் போர் விமானங்களை உருவாக்கியுள்ளதாகச் செய்திகள் வெளிவந்தன. ஏற்கனவே அமெரிக்க உளவுத்துறையான் சிஐஏ தனக்கென்று ஒரு படையணியை உருவாக்கி தனது நடவடிக்கைகளை அமெரிக்கச் சட்டத்திற்குப் புறம்பாக செய்துவருகிறது. அமெரிக்கப் படைகள் செய்யும் நடவடிக்கைகள் அமெரிக்க சட்ட வரையறைகளுக்கு உட்பட்டவை. ஆனால் இந்த சிஐஏயின் படைநடவடிக்கைகள் எந்த ஒரு சட்ட வரையறைக்கும் அப்பால் பட்டவையாகவே இருக்கின்றன. அமெரிக்க அரச திணைக்களம் எப்படி தனது ஆளில்லாப் போர்விமானங்களைப் பாவிக்கப் போகின்றன என்பதைப் பொறுத்து இருந்துதான் பார்க்க வேண்டும்.

பன்னாட்டு மன்னிப்புச் சபை
பன்னாட்டு மன்னிப்புச் சபையின் ஆசிய-பசுபிக் பிராந்திய இயக்குனர் சாம் ஜவாரி அவர்கள் ஐக்கிய அமெரிக்கா தனது ஆளில்லாப் போர் விமானங்களின் நடவடிக்கைகளின் சட்டபூர்வத்தைப் பற்றி விளக்க வேண்டும் என்றும் அவற்றின் தாக்குதல்களின் போது பொது மக்கள் கொல்லப்படாமல் இருக்க எடுக்க வேண்டிய நடவடிக்கைகள் பற்றித் தெரிவிக்க வேண்டும் என்றும் ஃபெப்ரவரி முதலாம திகதியன்று தெரிவித்தார். இது பற்றிக் கருத்துத் தெரிவித்த அமெரிக்க அதிபர் பராக ஒபாமா சிஐஏயின் ஆளில்லாவிமானங்கள் இனங்காணப்பட்ட பயங்கரவாதிகள் மீது தாக்குதல் நடத்துவதாகத் தெரிவித்தார். இனங்காணப்பட்ட பயங்கரவாதிகள் நீதி விசாரணைக்கு உட்படுத்தாமல் கொல்ல முடியுமா? கடந்த 4 ஆண்டுகளாக பன்னாட்டு மன்னிப்புச் சபை மௌனமாக இருந்தது ஆச்சரியமே!

எல்லை தாண்டிய பயங்கரவாதம்
உலகத்தின் மூன்றில் இரண்டு பங்கிற்கு மேற்பட்ட நாடுகளில் ஐக்கிய அமெரிக்காவின் ஆளில்லாப் போர் விமாங்கள் ஊடுருவி வேவு பார்க்கின்றன. ஒளிப்பதிவு செய்கின்றன. இவை அந்த நாடுகளின் இறைமையை மீறும் செயலாகும். பராக் ஒபாமா பதவிக்கு வந்த பின்னர் அறுபது பிள்ளைகள் உட்பட ஐநூறிற்கு மேற்பட்ட பொதுமக்கள் ஆப்கானிஸ்தான் பாக்கிஸ்த்தான் எல்லைப் பிரதேசத்தில் கொல்லப்பட்டுள்ளனர். தனது படையினரஈராக்கில் இருந்து விலக்கிக் கொண்டபின்னர் ஐக்கிய அமெரிக்கா அங்கு பெரும் ஆளில்லாப் போர்விமான நடவடிக்கைகளை மேற்கொள்ளவிருப்பது தெரிய வந்தமை ஈராக்கிய ஆட்சியாளர்களை ஆத்திரமூட்டியுள்ளது. அமெரிக்கப்படைகள் மற்ற நாட்டுக்குள் புகுந்து வேவு பார்ப்பதும் போராளிகளைக் கொல்வது ஓர் எல்லை தாண்டிய பயங்கரவாதமே.

கல்லூரி நகைச்சுவைகள்

2012-02-05T09:31:00.001Z

ஹாவார்ட் பல்கலைக் கழகத்தில் வணிகத்துறைப் பேராசிரியர் தனது மாணவர்களிடம் கேட்ட கேள்வி:
ஒரு வியாபாரத்தை விரிவாக்குவட்தற்கு எங்கிருந்து நிதி பெறலாம்?
இதற்கு மாணவர்களின் பதில்கள்:
அமெரிக்க மாணவன்: பங்குச் சந்தையில் இருந்து
பிரித்தானிய மாணவன்: வங்கிகளிடம் இருந்து
அரபு நாட்டு மாணவன்: தந்தையிடம் இருந்து
இந்திய மாணவன்: சமையலறையில் காஸ் வெடித்து மனைவி இறக்க. அடுத்த திருமணம் செய்வதன் மூலம்.

பேராசிரியர் எப்படி லிஃப்டில் மாட்டுப்பட்டார்?
அதற்குள் இருந்த கண்ணாடியில் தன்னைப் பார்த்து இந்த ஆளை இதற்கும் முன்னர் எங்கோ கண்டிருக்கின்றேனே என்று யோசித்துக் கொண்டிருக்கையில் மாட்டுப்பட்டார்.

தேர்வு மண்டபத்தில் சிரமப்படும் மாணவர்களுக்கான சிறந்த மூச்சுப் பயிற்ச்சி
வினாத்தாளைப் புரட்டி வைக்கவும்
கால்களை நீட்டிக் கொள்ளவும்
நிமிர்ந்து நேராக உட்காரவும்
கண்களை மூடவும்
மூச்சை மெதுவாக உள் இழுக்கவும்
மெதுவாக வெளிவிடவும்
அடுத்த ஆண்டு என்று ஒன்று இருக்கிறது
என்று உங்களுக்கு நீங்களே சொல்லிக் கொள்ளவும்.

தாய்: மகனே நேரமாகி விட்டது எழும்பிக் கல்லூரிக்கு போ.
மகன்: எனக்குக் கல்லூரிக்குப் போகப் பிடிக்கவில்லை
தாய்: ஏன் பிடிக்கவில்லை என்பதற்கு குறைந்தது இரு காரணங்களாவது சொல்லு.
மகன்: 1. ஒரு மாணவர்களுக்கும் என்னைப் பிடிக்கவில்லை.
2. ஒரு விரிவுரையாளர்களுக்கும் என்னைப் பிடிக்கவில்லை.
தாய்: அது ஒன்றும் பெரிய பிரச்சனையில்லை நீ போய்த்தான் ஆக வேண்டும்.
மகன்: நான் ஏன் போக வேண்டும் என்பதர்கு இரு காரணங்காளாவது சொல்லுங்கள் அம்மா.
தாய்: 1. உனக்கு 57 வயது. 2. கல்லூரி முதல்வர்.

TEACHER: "It's Better To Fail Than To Cheat"
Student :No,It's Better To Cheat Than To Repeat"

கடைசிப் பந்தில் ஆறடித்து வெல்வதுமுண்டு
கடைசிப் பந்தில் விக்கட் வீழ்த்தி வெல்வதுமுண்டு
கடைசி நிமிடத்தில் கோல் அடித்து வெல்வதுமுண்டு
கடைசி நாள் இரவு படித்து தேர்வில் சித்தியடைவதுமுண்டு

Nothing left but emptiness

2012-02-04T07:43:00.001Z

My nerves used to get on fire
On a single wink of your eyes
A new spring came to my life
In the shape of you
I was in love
I felt so high
I did not where to fly

But everything gone now
Nothing left but emptiness
A very deep isolation
I need a string of hope
To me out of this mess
Infiltrated heart
Trespassed mind
Feel like in an empty ship
In the middle of deep sea
I want relief from this pain
Badly need your hand.

I hear the melody you sing
Even from thousands miles away
I can feel your heart-beat
Even though I am not in it

My nerves used to get on fire
On a single wink of your eyes
A new spring in my life
In the shape of you
I am in love
I feel so high
I do not where to fly

உதட்டோடு சொல்லும் ரகசியம்

2012-02-03T08:55:00.001Z

ஆன்மாவின் சுவையளக்கும்
உடலெங்கும் கோலம் போடும்
முத்தம்

உணர்ச்சிகளின் வடிகால்
காதல் மொழியின் அரிச்சுவடி
முத்தம்

கொடுத்தால் சுகம்
எடுத்தால் மயக்கம்
முத்தம்

அணைபின் உடன் பிறப்பு
உதட்டோடு சொல்லும் ரகசியம்
முத்தம்

காதலின் கையொப்பம்
இதயங்களின் இணைப்பு
முத்தம்

தமிழினத்திற்கு ஒரு தாலாட்டு

கடாரம் கண்ட களைப்புண்டு
கங்கை வென்ற களைப்புண்டு
சங்கத்தில் பாடிய களைப்புண்டு
தொல்காப்பியத் தொட்டிலிலே
குறளிசை குளிரக் கேட்டு
கண்வளராய் கண்வளராய்
தமிழினமே கண்வளராய்
கண்விழித்தால் பல தொலைகள்
உன்னைச் சூழவுண்டு
கண்வளராய் கண்வளராய்
தமிழினமே கண்வளராய்

சேலை அணிந்த முசோலினி
தன் ஒரு தாலி எவரோ எடுத்ததற்கு
ஒரு இலட்சம் தாலி பறித்தெடுத்தாள்
கண்வளராய் கண்வளராய்
தமிழினமே கண்வளராய்
கண்விழித்தால் பல தொலைகள்
உன்னைச் சூழவுண்டு
கண்வளராய் கண்வளராய்
தமிழினமே கண்வளராய்

காட்டுக் கொடுக்கப் பலருண்டு
கருவறுக்கப் பலருண்டு - கூடிக்
கழுத்தறுக்கப் பலருண்டு
உதவிக்கென வந்த ஊடுருவிகளின்
உபத்திரவம் நிறையவுண்டு
கண்வளராய் கண்வளராய்
தமிழினமே கண்வளராய்
கண்விழித்தால் பல தொலைகள்
உன்னைச் சூழவுண்டு
கண்வளராய் கண்வளராய்

போகும் இடம் எதுவென்று தெரியவில்லை
போக வேண்டிய இடமும் எங்கென்று புரியவில்லை
வழி நடத்தி வந்தோர் வழிதவறிப் போயினர்
துணைக்கென வந்தோர் துரோகிகளாயினர்
தீர்க்கவென வந்தோர் தீர்த்துக் கட்டினர்
கண்வளராய் கண்வளராய்
தமிழினமே கண்வளராய்
கண்விழித்தால் பல தொலைகள்
உன்னைச் சூழவுண்டு
கண்வளராய் கண்வளராய்

சிதைவுறும் ஈரானியப் பொருளாதாரமும் அடி வாங்கப்போகும் அமெரிக்காவும்

2012-02-02T08:45:00.000Z

இசுலாமிய நாடுகளில் துருக்கி, இந்தோனேசியா, சவுதி அரேபியா ஆகியவற்றுக்கு அடுத்தபடியா நான்காவது பெரிய பொருளாதாரத்தைக் கொண்டது ஈரான். ஒபெக் நாடுகளில் இரண்டாவது பெரிய எரிபொருள் ஏற்றுமதி நாடு ஈரான். ஐக்கிய அமெரிக்காவின் திறைசேரி ஈரானின் ஐந்து அரச வங்கிகளின் மீது தடை விதித்ததைத் தொடர்ந்து ஈரானின் வெளியுலக நாணயத் தொடர்புகள் முற்றாகத் துண்டிக்கப்பட்டுள்ளது என்று சொல்கப்படுகிறது. ஐக்கிய அமெரிக்காவின் பராக் ஒபாமாவின் நிர்வாகம் ஈரானியப் பொருளாதாரத்திற்கு ஒரு சுருக்குக் கயிறைப் போட்டது. ஈரானின் மத்திய வங்கியுடன் எந்த வங்கியாவது தொடர்புகளை வைத்திருந்தால் அந்த வங்கிகள் அமெரிக்க டாலரின் பன்னாட்டுக் கொடுப்பனவு முறைமையில் இருந்து விலக்கப்படும் என்ற அறிவிப்பே அந்தச் சுருக்குக் கயிறு. பல வங்கிகள் அதை ஏற்றுக் கொண்டன. இது ஈரானிய நாணயத்தின் மதிப்பைப் பெரிதும் பாதித்தது. ஐரோப்பிய ஒன்றியம் ஈரானில் இருந்து எரிபொருள் இறக்குமதியைத் தடை செய்யப்பட்டதைத் தொடர்ந்து ஜப்பானும் தென் கொரியாவும் ஈரானில் இருந்து எரிபொருள் இறக்குமதி செய்வதைக் குறைத்துக் கொண்டன. இது ஈரானியப் பொருளாதாரத்தில் பெரும் பாதிப்பை ஏற்படுத்தும். ஈரானிய நாணயமான ரியாலின் பெறுமதி ஃபெப்ரவரி முதலாம் திகதி(நேற்று) 11% வீழ்ச்சியடைந்தது. கடந்த ஐந்து ஆண்டுகளில் ஈரானிய நாணயம் 80% பெறுமதிக் குறைவு. இப்போது ஒரு அமெரிக்க டாலர் 20,500 ரியாலகளாக இப்போது விற்கப்படுகிறது. ஏற்பட்டது. ஈரானின் மத்திய வங்கியால் ஈரானின் வட்டி வீதம் 20% ஆக அதிகரிக்கப்பட்டுள்ளது. இது நாட்டில் உள்ள சந்தை வட்டி வீதத்திலும் அரைப்பங்கு என்று சொல்லப்படுகிறது.

எண்ணெய் விலை அதிகரிப்பு
பெப்ரவரி முதலாம் திகதி எண்ணெய் விலையும் ஒரு டாலரால் அதிகரித்தது. இவ் அதிகரிப்புக் காரணம் ஐரோப்பிய ஒன்றிய நாடுகளின் நாணயப் பிரச்சனையும் கிரேக்கத்தின் கடன் பிரச்சனையும் தீர்க்கப்படும் அறிகுறி காணப்படுவதும் ஒரு காரணம். இப்பிரச்சனைகள் தீர்க்கப்பட்டால் உலகப் பொருளாதாரம் வளர்ச்சியடையும் அதனால் எண்ணெய்க்கான தேவை அதிகரிக்கும் என்று எதிர்பார்க்கப்படுகிறது

டாலர் என்று குறுந்தகவல் அனுப்பத்தடை
ஈரான் தனது நாணயமான ரியால் விற்கப்படுவதைத் தடுக்க பெரும் முயற்ச்சி செய்கிறது. மேற்கு நாடுகளின் நாணயங்களான டாலர், யூரோ, பவுண் ஆகியவை வாங்குவதைத் தடை செய்துள்ளது. ஈரானில் கைப்பேசிகளினூடாகவும் மின்னஞ்சல்கள் ஊடாகவும் "டாலர்" என்ற சொல் அனுப்புவதை ஈரான் தடை செய்துள்ளது. இரகசியக் காவல்துறையினர் சாதாரண உடையில் நாணயப் பரிவர்த்தனை நிலையங்களுக்குச் சென்று டாலர் வாங்க முடியுமா என்று விசாரித்து இரகசியமாக டாலர்களை விற்பவர்களைக் கைது செய்கிறது.

ஈரானியப் பொருளாதாரம் மேலும் மோசமடையலாம்
ஐக்கிய அமெரிக்க அரசு ஈரானுக்கு எதிரான பொருளாதாரத் தடையைத் தீவிரப்படுத்தும் போது ஈரானியப் பொருளாதாரம் மேலும் மோசமடையும் என்று எதிர்பார்க்கப்படுகிறது. சிலர் ஈரானிய நாணயத்தில் மதிப்பிறக்கத்திற்கு பொருளாதாரத் தடையிலும் பார்க்க மனோதத்துவக் காரணிகளே அதிகம் பாதிப்பை ஏற்படுத்துகிறது என்கின்றனர். ஈரானில் பல அத்தியாவசியப் பொருள்களுக்குத் தட்டுப்பாடும் ஏற்பட்டுள்ளது. இத்தனை பிரச்சனைகளுக்கு மத்தியிலும் ஈரானியப் பொருளாதாரம் அடுத்த 12 மாதங்களில் 8% வளர்ச்சியடையும் என்று ஈரானிய அதிபர் மஹ்மூத் அஜ்மடிநெஜாத் தெரிவித்துள்ளார். பன்னாட்டு நாணய நிதியம் 2011இல் ஈரானியப் பொருளாதாரம் வளர்ச்சி ஏதும் அடையவிலலை என்கிறது.

ஈரானில் விலைவாசி பெரிதும் அதிகரிப்பு
ஈரான் எரிபொருளை ஏற்றுமதி செய்து பல பொருட்களை இறக்குமதி செய்கிறது. ரியாலின் பெறுமதி வீழ்ச்சியால் ஈரானில் பொருட்களின் விலைகள் பெரிதும் அதிகரித்துள்ளது.

அமெரிக்கா வாங்கவிருக்கும் அடி
தனது நாணயத்திற்கு உலகில் இருக்கும் நம்பிக்கையை ஒரு ஆயுதமாகப் பாவித்து ஈரானியப் பொருளாதாரத்தை சில நாட்களில் உலகில் இருந்து தனிமைப் படுத்திவிட்டது அமெரிக்கா. ஒரு சில நாட்களில் ஈரானிய நாணயத்தின் பெறுமதியை 40% குறைத்தும் விட்டது. ஆனால் அமெரிக்க டாலரில் நம்பிக்கை வைத்து அதை ஒரு பன்னாட்டு நாணயமாக ஏற்றுக் கொண்ட நாடுகளை இது சிந்திக்க வைக்கலாம். இன்று ஈரானுக்கு நடப்பது நாளை எமக்கு நடக்கலாம் என்ற சந்தேகம் பல நாடுகளுக்கு ஏற்பட்டால் அவை வேறு மாற்று வழிகளைத் தேடலாம். இது அமெரிக்காவிற்கோ உலக பொருளாதார வளர்ச்சிக்கோ ஏற்புடையதல்ல. ஈரானிய எரிபொருள் ஏற்றுமதி தடைபட்டால் எண்ணெய் விலை 20 முதல் 30 டாலர்களால் அதிகரிக்கலாம் என்று பன்னாட்டு நாணய நிதியம் எதிர்வு கூறியுள்ளது. சவுதி அரேபியா தனது எண்ணெய் உற்பத்தியை அதிகரித்து ஈரானிய் ஏற்றுமதி நிறுத்தத்தை ஈடுசெய்யலாம். அது எந்த அளவிற்கு ஈடு செய்யும் என்பதை எதிர்வு கூறமுடியாமல் இருக்கிறது.

ஈரான் அமெரிக்க மண்ணில் தாக்குதல் நடத்தலாம் - அமெரிக்க உளவுத்துறை

2012-02-01T09:11:00.000Z

ஈரானின் அணுக்குண்டுத் தயாரிப்புத் திட்டத்தைத் தொடர்ந்து ஐக்கிய அமெரிக்காவிற்கும் ஈரானுக்கும் இடையில் முறுகல்கள் தீவிரமடைந்து வருகின்றன. ஈரானை அணுக்குண்டு தயாரிக்கவிடாமல் தடுக்க ஐக்கிய அமெரிக்காவும் ஐரோப்பிய ஒன்றிய நாடுகளும் ஈரானுக்கு எதிராக பொருளாதாரத் தடைகளை விதித்தன. இந்த ஆண்டு ஆரம்பத்தில் பாரசீக வளைகுடாவிற்குள் வெளிநாட்டுப் போர்க்கப்பல்கள் வருவததைத் தடுக்கும் சட்டமூலம் ஈரானியப் பாராளமன்றத்தில் சமர்ப்பிக்கப்பட்டது. அத்துடன் ஈரானியப் படைத் தளபதி அமெரிக்கப் போர்க்கப்பல்கள் பாரசீகக் குடாவையும் ஓமான் வளைகுடாவையும் இணைக்கும் எரிபொருள் விநியோக முக்கியத்துவம் வாய்ந்த ஹோமஸ் நீரிணைக்குள் வரக்கூடது என்று எச்சரித்தார்.

2011 ஆகஸ்ட் மாதம் ஈரானுக்குச் சென்ற பன்னாட்டு அணுசக்தி முகவரகம் ஈரான் இரகசியமாக அணுக்குண்டு தயாரிக்கிறது என்பதையிட்டு தாம் கரிசனை கொண்டுள்ளதாக தெரிவித்தது. அதைத் தொடர்ந்து ஈரான் மீது யாராவது தாக்குதல் நடாத்தினால் அவர்கள் ஈரானின் இரும்புக் கரங்களைச் சந்திக்க வேண்டிவரும் என்று எச்சரித்தது. பின்னர் நவம்பர் மாதம் ஈரானில் உள்ள பிரித்தானியத் தூதுவரகம் ஈரானியர்களால் ஆக்கிரமிக்கப்பட்டது.

31-01-2012இலன்று ஐக்கிய அமெரிக்க மூதவையின் உளவுக் குழுவிற்கு ஐக்கிய அமெரிக்க உளவுத்துறை இயக்குனர் ஜேம்ஸ் ஆர் கிலப்பர் வழங்கிய அறிக்கையில் ஈரான் அமெரிக்க மண்ணில் தாக்குதல் நடத்தலாம் எனத் தெரிவித்தார். ஈரானின் உச்ச தலைவரான அலி கமயினி போன்றோர் ஈரான் மீது மேற்குலகம் திணிக்கும் பொருளாதாரத் தடை ஈரானிய அரசைக் கவிழ்க்கும் எண்ணம் கொண்டதாயின், தேவை ஏற்படின், அமெரிக்க மண்ணில் தாக்குதல் நடத்தும் என்று தெரிவித்துள்ளார். அத்துடன் ஐக்கிய அமெரிக்கவினதோ அல்லது வேறு மேற்கு ஐரோப்பிய நாடுகளினதோ நலன்கள் மீது ஈரானிய ஆதரவு தீவிரவாதிகள் தாக்குதல் நடத்தலாம் என்றும் ஜேம் ஆர் கிலப்பப்ர் எச்சரித்துள்ளார்.

ஈரானுடனான நேரடி மோதலைத் தவிர்க்கவே ஐக்கிய அமெரிக்கா அதன் மீது பொருளாதாரத் தடைகளை ஏற்படுத்தியது. அத்துடன் இஸ்ரேல் ஈரானின் அணு உற்பத்தி நிலைகள் மீதோ யூரேனியம் பதப்படுத்தும் நிலைகள் மீதோ தாக்குதல் நடாத்தாமல் இருக்க ஐக்கிய அமெரிக்கா பெரும் பாடுபடுகிறது. ஈரானிய அணு விஞ்ஞானிகள் தொடர்ந்து கொல்லப்படுவது ஈரானை ஆத்திரத்திற்கு உள்ளாக்கியுள்ளது.

அல் கெய்தா ஆபத்து இப்போதும் உள்ளது.
ஐக்கிய அமெரிக்க மூதவையின் உளவுக் குழுவிற்கு உளவுத்துறை இயக்குனர் ஜேம்ஸ் ஆர் கிலப்பர் அல் கெய்தாவின் ஆபத்து இப்போதும் உள்ளது என்று தெரிவித்தார். அல் கெய்தா பாரிய தாக்குதல்களை ஐக்கிய அமெரிக்க மண்ணில் நடத்த முடியாவிடினும் அதனால் சிறு தாக்குதல்களைச் செய்ய முடியும் என்றார்.

போர் ஆபத்து தொடர்கிறது
ஈரானுக்கும் ஐக்கிய அமெரிக்காவிற்கும் இடையிலான போர் ஆபத்து இன்னும் விலகவில்லை என்பதை அமெரிக்க அரசின் நிலைபற்றி நாட்டு மக்களுக்கு உரையாற்றிய அமெரிக்க அதிபர் பராக் ஒபாமாவின் சில வரிகளும் உறுதி செய்கின்றன. ஒபாமா தனது உரையில் ஈரானின் அணுஆயுத உற்பத்தியை தடுக்க எந்த ஒரு தெரிவையும் தான் மேசையில் இருந்து விலக்கவில்லை என்று தெரிவித்தார். - I will take no options off the table to achieve that goal.

சேமித்தால் கொள்ளையடிப்பார்களா?

2012-01-31T07:41:00.000Z

பட்டாம் பூச்சிகளே
பட்டாம் பூச்சிகளே
நேற்று நீங்கள்
வேண்டாப் புழுக்கள்
இன்றோ அழகிய பூச்சிகள்
தேனீக்களின் சேமிக்கும்
குணத்தை நீங்கள்
கொள்ளாதது ஏன்?
சேமித்தால் மனிதர்
கொள்ளையடிப்பார்கள் என்றா?

பட்டாம் பூச்சிகளே பட்டாம் பூச்சிகளே
பறக்கும் பல வர்ணப் பூக்களே
இயற்க்கை கன்னியின்
குறும்புக் கண் சிமிட்டல்கள் நீங்கள்.

பட்டாம் பூச்சிகளே பட்டாம் பூச்சிகளே
மலர்கள் தம் காதலர்க்கு
மின்னஞ்சல்களாய் அனுப்பும்
மகரந்த மணிகளை
வைரஸ் இன்றி எடுத்துச் செல்லும்
இணையங்கள் நீங்கள்

பட்டாம் பூச்சிகளே பட்டாம் பூச்சிகளே
மலருக்கு மலர் தாவும் நோக்கம் அறியாமல்
உங்களைக் காம வெறியர்களுக்கு ஒப்பிடுவர் மூடர்
மலர் தமயந்தியின் செல்ல அன்னங்கள் நீங்கள்

பட்டாம் பூச்சிகளே பட்டாம் பூச்சிகளே
அருவருக்கும் புழுக்களின்
அழகிய கூர்ப்பு நீங்கள்
பொறுமையாய் கூட்டில் தவமிருந்து
தேகத்தை அழகாக்கும் தேவதைகள் நீங்கள்
பொறுத்திருந்தால் ஈழமும் எமக்காகும்
என உணர்த்தும் தத்துவ முத்துக்கள் நீங்கள்

சிரிக்கவைக்கும் விநோதமான படங்கள்

2012-01-30T09:21:00.002Z

காயாத கோலங்கள்

எதையும் தாங்கும்......

சொல் என்றும் பொருள் என்றும்.......

நரகச் சுவை......

நீபாதி நான் பாதி கண்ணே

பெரிய மனசு வேண்டும் இதற்கு.....

காலத்தைப் பொன் செய்

உனது மலர் கொடியிலே எனது மலர் மடியிலே...

இந்தப் படத்தைப் பொறுமையுடன் பாருங்கள்

உலக முடிவிற்கும் அப்பால்.....

மாறிக் கொண்டே இரு

வேலியே பயிரை....????

கொடுமை....

வருங்கால தொழில் நுட்பம்.

இந்தப் படம் இலங்கையில் எடுக்கப்படவில்லை

where is the target?

அடுதாத்துச் சங்கதியெல்லாம்??????

சுமைதாங்கி ஏன் இங்கு சரிகின்றது.......?????

முன்னாள் பாதிரியாரின் காலணி திருத்தகமா?

இது சீனாவில் இல்லை.....

இது சீனாவிலா????

சமரசம் உலாவும் இடம் இதுதான்......

ஜெயலலிதாவிற்கு நஞ்சு மருந்து கொடுக்கப்பட்டது - ரெஹெல்கா

2012-01-29T10:46:00.001Z

நரேந்திர மோடியுடன் ஜெயலலிதா

தமிழ்நாடு முதலமைச்சர் ஜெயலலிதாவையும் அவரது பிரியமான தோழியையும் பிரிந்தது பற்றி ரெஹெல்கா பத்திரிகை விரிவாக எழுதியுள்ளது. 17-12-2012இலன்று போயஸ் தோட்டத்தில் இருந்து சசிகலாவும் அவரது பரிவாரங்களும் வெளியேற்றப் பட்டு தோழிகளின் 25 ஆண்டு கால நட்பு முறிக்கப்பட்டது. இது பற்றி ரெஹெல்கா வெளிவிடும் தகவல்கள்:

1. சசிகலாவின் சகோதரரான பாஸ் எனப்படும் வி கே திவாகரன் மீது கஸ்த்தூரி பாலசுப்ரமணிய என்பவருக்குச் சொந்தமான வீட்டைத் தரைமட்டமாக்கியதாக வழக்குப் பதிவு செய்யப்பட்டுள்ளது. இவர் சட்டத்திற்குப் புறம்பான வகையில் கைது செய்யப்பட்டு தடுத்து வைக்கப்பட்டுள்ளார் என்றும் வதந்திகள் அடிபடுகின்றன.

2. சசிகலாவின் குடும்பத்தைச் சேர்ந்த இன்னொருவரான ராவணன் காவல்துறையின் சித்திரவதைக்கு உள்ளாகியுள்ளார்.

3. ஜெயலலிதாவை யாரும் சசிகலாவின் அனுமதியின்றி அணுக முடியாத நிலை இருந்தது. மந்திரிகள் அதிகாரிகள் யாவரும் இதற்கு விதிவிலக்கல்ல. ஆரம்பத்தில் தனது கட்சியினருக்கு ஜெயலலிதாவே தனது கட்சியினருக்கு தனனை சந்திப்பதாயின் முதலில் சசிகலா ஊடாக வரவும் என்ற உத்தரவைப் பிறப்பித்திருந்தார்.

4. ஜெயலலிதாவிற்கு முதலில் சசிகலாவைப் பற்றி எச்சரித்தவர் குஜராத் முதல்வர் நரேந்திர மோடியாகும். பல வெளிநாடு வாழ் இந்தியர்கள் தமிழ்நாட்டில் முதலீடு செய்ய வந்த போது அவர்களிடம் மன்னார் குடி மாஃபியா என்ப்படும் சசிகலா குடும்பத்தினர் 15% "வெட்டு" கேட்டனர் என்றும் அது அதிகமானதால் அவர்கள் தமிழ்நாட்டில் முதலீடு செய்வதைக் கைவிட்டனர்.

5. சென்னை மொனொரயில் திட்டத்தை ஜெயலலிதா சிங்கப்பூர் நிறுவனம் ஒன்றிற்கு வழங்க விரும்பியிருந்தார். ஆனால் சசிகலா குடும்பத்தினரின் சதியால் அது மலேசிய நிறுவன்த்திற்கு வழங்கக்பப்ட்டிருந்தது. இதை ஜெயலலிதா விசாரித்தபோது அவரது கையொப்பம் வேறுயாரோ ஒருவரால் இடப்பட்டமை கண்டறியப்பட்டது.

6. ஜெயலலிதா தனக்குத் தரப்படும் மருந்துகளை சசிக்குத் தெரியாமல் ஒரு மருத்துவர் மூலம் பரிசோதித்தபோது அதில் சிறிதளவு நஞ்சு கலக்கப்பட்டிருந்தது கண்டறிபப்பட்டது. ஜெயலலிதாவிற்கு மருந்து மற்றும் உணவுகளைக் கொடுப்பது சசியால் நியமிக்கப்பட்ட ஒரு தாதி.

7. ஜெயலலிதா திமுகாவினருக்கு எதிராக போதிய ஆதாரங்களைத் திரட்டியபின்னரே வழக்குப் பதிவு செய்ய வேண்டும் இன்று உத்தரவிட்டிருந்தார். ஆனால் முக ஸ்டாலினிற்கு எதிராக ஒரு போதிய ஆதாரமில்லாத ஒரு வழக்கு சசியின் உத்தரவின் பேரில் பதிவு செய்யப்பட்டது. ஜெயலலிதாவிற்கு திமுகாவினருடன் சசி இரகசியத் தொடர்புகள் வைத்திருக்கிறாரா என்ற சந்தேகம் வந்தது.

8. சசிகலா, நடராஜன், ராவனன், மிடாஸ் மோகன், வி கே சுதாகரன், ரிரிவி தினகரன், எம் ராமச்சந்திரன் ஆகியோர் பெங்களூரில் சொத்துக் குவிப்பில் ஜெயலலிதாவிற்கு எதிரான தீர்ப்பு வந்தால் அடுத்து யாரை முதல்வர் ஆக்குவது என்பது பற்றி கலந்துரையாடிய கூட்டத்தை தமிழ்நாடு காவல் துறை மாஅதிபர் ராமானுஜத்தின் வேண்டுதலின் பேரில் கர்நாடகா காவல்துறை மாஅதிபர் மொஹன் பிடாரி இரகசியமாக ஒலிப்பதிவு செய்தார். இந்த ஒலிப்பதிவே ஜெயா-சசி உறவின் பிரேதப் பெட்டியின் இறுதி ஆணியாகியது.

9. சசிகலா குடும்பத்தினரின் தொலைபேசி உரையாடல்கள் யாவும் ஒற்றுக் கேட்கப்பட்டது

10. சசியால் நியமிக்கப்பட்ட ஜெயலலிதாவின் பாதுகாப்பு ஊழியர்கள் மாற்றப்பட்டனர்.

11. 2011இல் நடந்த தேர்தலில் சசிகலா அதிமுக சார்பில் போட்டியிடுபவர்களிடமிருந்து 300கோடிகள் அறவிட்டார்.

12. அதிமுக கட்சி ஆட்சிக்கு வந்தபின் சசி குடும்பத்தினர் 1000 கோடிகள் சம்பாதித்து விட்டனர்.

13. நடராஜன் இனி ஈழப்பிரச்சனைக்கு முக்கியத்துவம் கொடுத்து அரசியல் இலாபம் தேடுவார். அவர் திமுக பக்கம் சாயலாம்.

ரெஹெல்கா வெளியிடாதவை

சசி-ஜெயா உறவின் விரிசலில் பூணூல்களுக்குப் பெரும்பங்கு உண்டு.
சசி-ஜெயா பிரிவால் பெரும் நன்மை அடையப் போகிறவர்கள் பூணூல்கள்.
நரேந்திர மோடி ஜெயலலிதாவிற்கு கொடுத்த தாதி ஜெயாவிற்கும் சசிக்கும் இடையில் சண்டை மூட்டினார்.
ஜெயாவை ஆட்சியில் அமர்த்தியதில் ஈழப் பிரச்சனைக்குப் பெரும் பங்குண்டு.
ஜெயலலிதா இனி ஈழத்தமிழர்களுக்கு சார்பாக நடப்பார் என்று சொல்ல முடியாது.

வெளிநாடு வாழ் குஜராத்தியினர் பலர் தமிழ்நாட்டில் முதலிட்டு தமிழ்நாட்டைச் சுரண்டத் துடிக்கின்றனர். அவர்களுக்கு சசி குடும்பம் முட்டுக் கட்டையாக இருந்தது. இவர்கள் நரேந்திர மோடியிடம் இதை முறையிட்டன்ர். இதனால் நரேந்திர மோடி சசியையும் ஜெயாவையும் பிரித்து வைத்தார்.

நகைச்சுவைக் கதை: காணாமல் போன மனைவி

2012-01-28T09:54:00.000Z

அன்று சுந்தரின் சம்பள நாள் இரண்டு நாள். வீட்டுக்குப் போனால் மனைவி முழுப்பணத்தையும் அபகரித்து விடுவாள் என்று சுந்தர் இரண்டு நாட்கள் நண்பர்களுடன் வெளியோர் சென்று தங்கி நன்றாக குடித்துக் கும்மாளமடித்து விட்டுத் திரும்பினாள். வீடு திரும்பினான். பத்திரகாளியாக மனைவி ஜானகி. இரண்டு நாட்களாக காணவில்லை எங்கு போனாய் என்று கூச்சலிட்டாள் ஜனகி. சுந்தர் தான செய்த எல்லாவற்றையும் ஒன்றும் விடாமல் சொன்னான் சுந்தர். எல்லாவற்றையும் கேட்டுவிட்டு மனைவி ஜானகி நான் ஒரு வாரம் காணமல் போனால் உனக்கு எப்படி இருக்கும் என்றாள். அது மிக மகிழ்ச்சிகரமான ஒரு வாரமாக இருக்கும் என்று தன் மனதுக்குள் நினைத்த சுந்தர் ஒரு மாதிரிச் சமாளிப்பேன் என்றான். சமாளிப்பியா மவனே சமாளிபியா என்று கேட்டுக் கொண்டே சரமாரியாக சுந்தரின் மூஞ்சியில் குத்து விழுந்தது. ஒரு வாரம் கழித்து முகத்தில் உள்ள வீக்கங்கள் போனபின்னர்தான் அவனால் கண்திறந்து மனைவியைப் பார்க்கக் கூடியதாக இருந்தது.

இரகசியமாகக் கதைத்த பையன்
அவர் ஒரு சட்டவாளர். தனது கட்சிக்காரர் ஒருவரின் இலக்கத்திற்கு தொலைபேசி அழைப்பு விடுத்தார். மறுமுனையில் ஒரு சிறுவன் இரகசியமாக ஹலோ என்றான். சட்டவாளர் வீட்டில் அப்பா இல்லையா என்றார். அப்பா பிஸியாக இருக்கிறார் என்றான் சிறுவன் இரகசியமாக. வீட்டில் அம்மா இருக்கிறாரா என்றார் சட்டவாளர். அம்மா சரியான பிஸி என்றான் சிறுவன் மீண்டும் இரகசியமாக. வீட்டில் வேறு யார் பெரியவங்க இருக்கிறார்கள் என்றார் சட்டவாளர். காவல்துறையினர் இருவர் என்றான் பையன் மீண்டும் படு இரகசியமாக. அவர்களிடம் போனைக் கொடு என்றார் சட்டவாளர் பதற்றத்துடன். பையன் மேலும் இரகசியமாகச் சொன்னான் அவர்களும் சரியான பிஸி. இப்போது சட்டவாளர் நடுங்கியபடியே கேட்டார் வேறு யாராவது இருக்கிறார்களா என்றார் சட்டவாளர். தீயணைக்குப் படையினர் ஆறுபேர் என்றான் பையன். இப்போது சட்டவாளர் தம்பி இவங்க எல்லாம் என்னடா செய்கிறார்கள் என்றார் உரத்த குரலில். அதற்குப் பையன் சும்ம கத்தாதை ஐயா அவர்கள் எல்லோரும் என்னைத் தேடிக்கொண்டிருக்கிறார்கள் என்று சொல்லிவிட்டு தொலைபேசியைத் துண்டித்து விட்டான்.

பலான குடும்ப நகைச்சுவைகள்

2012-01-27T10:14:00.000Z

ஒரு பேருந்து விபத்தில் பலர் இறந்துவிட்டனர். அதில் பயணம் செய்த மூன்று நண்பர்கள் சொர்க்கத்திற்குச் சென்றனர். அங்கு அவர்களுக்கு பல வசதிகள் செய்து கொடுக்கப்பட்டன. அவர்கள் வாகன வசதி செய்யும் பகுதிக்குச் சென்றபோது "நீங்கள் உங்கள் மனைவிக்கு எவ்வளவு உண்மையாய் இருந்தீர்கள் என்பதைப் பொறுத்தே உங்களுக்கான வாகனங்கள் வழக்கப்படும்" என்று சொல்லப்பட்டது. முதல் போன சேகருக்கு பென்ஸ் கார் கொடுக்கப்பட்டது. பின்பு சந்துருவிற்கு பிஎம்டபிளியூ கார் வழங்கப்பட்டது. பின்னர் மணிக்கு ஒரு பழைய அம்பாஸடர் கார் வழங்கப்பட்டது. மூவரும் தங்கள் வண்டிகளை ஓட்டிச் சென்று சொர்க்கத்தைச் சுற்றிப்பார்த்துவிட்டு பின்னர் மாலை சந்த்தித்தனர். அதில் பென்ஸ்கார் பெற்ற சேகர் மிகக் கவலையுடன் காணப்பட்டான். மற்றவர்கள் காரணம் கேட்டபோது "இல்லை மச்சான் எனது மனைவிக்கு பழைய மிதிவண்டி ஒன்று கொடுத்திருக்கிறாங்கள்" என்றான்.

மகன்: அப்பா நம்பிக்கைக்கும் இரகசியத்திற்கும் என்ன வித்தியாசம்.
அப்பா: உனக்கும் உன் நண்பனுக்கும் நரேனுக்கும் உள்ள வித்தியாசம் போல்....நீ என் மகன் என்பது நம்பிக்கை..... நரேன் என் மகன் என்பது இரகசியம்.

மனைவி: நான் பாடும்போதெல்லாம் ஏன் போய் மொட்டையில் நிற்கிறீர்கள்/
கணவன்: அல்லாவிடில் பக்கத்து வீடுகளில் இருப்பவர்கள் நான் உன்னை உதைக்கிறேன் என்று நினைப்பார்கள்.

வாகனத்தில் எனது மனைவியும் பக்கத்தில் இருக்க ஓட்டிக் கொண்டிருந்தேன் வழியில் ஒரு நிறச் சைகையில் தரித்து நிற்கையில் பக்கத்து வண்டிக்காரன் தன் வண்டியில் பக்கத்தில் இருந்த பெண்ணின் முகத்தில் தடவிக் கொண்டிருந்தான். அதைக் காட்டி என் மனைவி அங்கு பாருங்க அவன் மனைவியை எவ்வளவு அன்பாக வருடிக் கொடுக்கிறான் நீங்களும் இருக்கிறியளே என்றாள். உனக்குத் தெரியாது அவனது மனைவி இன்று வேலைக்குப் போய்விட்டாள் அவன் தனது காதலியுடன் இப்போது இருக்கிறான். நானும் அப்படிச் செய்யவா என்றேன் நான்.

உனது தவறுகளைப் பார்த்து நீயே சிரித்தால் உன் ஆயுள் அதிகரிக்கும்.
உன் மனைவையின் தவற்களைப் பார்த்து நீ சிரித்தால் நீ அற்ப ஆயுளில் போகலாம்.

உன் காதலியை காதலிப்பவனுக்கு என்ன செய்யப் போகிறாய்?
அவனுக்கு சரியான தண்டனை அவளையே திருமணம் செய்வதுதான்.

மனவி: ஏன் எங்கள் marriage certificateஐத் திருப்பித் திருப்பி பார்த்துக் கொண்டே இருக்கிறீர்கள்?
கணவன்: எங்காவது expiry date இருக்கிறதா என்று பார்க்கிறேன்.

இருக்கையிலும் இன்பம் தரும்
படுக்கையிலும் இன்பம் தரும்
வாகனத்தின் பின் ஆசனத்திலும் இன்பம் தரும்
அது என்ன?
கண் மூடிச் செய்யும் தியானம்

தத்துவங்களும் பொருள்களும்
தத்துவம்: பணம்தான் வாழ்க்கை என்றில்லை
பொருள்: கடன் அட்டையும் தான்.

தத்துவம்: மிருகங்கள் மீது அன்பு காட்டுங்கள்
பொருள்: ஏனெனில் அவை சாப்பிடச் சுவையானவை.

தத்துவம்: புத்தகங்கள் புனிதமானவை
பொருள்: அவற்றைத் தொடக்கூடாது

தத்துவம்: உங்கள் அயலவரை நேசியுங்கள்
பொருள்: ஆனால் பிடிபடக்கூடாது.

விவரங்கெட்ட விபரங்கள்

2012-01-26T09:53:00.000Z

பெண்கள் கேட்கும் "நான் எப்படி இருக்கிறேன்?" என்னும் கேள்விக்கு நேர்மையான பதிலை எதிர்பார்ப்பதில்லை.

சந்திரனில் முதலில் விளையாடிய விளையாட்டு கோல்ஃப். 1971 பெப்ரவரி 6-ம் திகதி அலன் ஷெப்பர்ட் என்னும் விண்வெளிப் பயணியால் அது விளையாடப்பட்டது.

உலகில் அதிகப் பாவிக்கப் படும் பெயர் மொஹமட்.

. It’s cool to be a daddy’s girl. It’s sad to be a mommy’s boy

விண்வெளிப் பயணி விண் வெளியில் கண்ணீர் விட முடியாது. ஈர்ப்பு விசையின்மையால் அது நடக்காது.

மனிதன் எழுதத் தொடங்க முன்னரே தனது சூழல் பற்றிய வரைபடத்தை(Map) வரையத் தொடங்கிவிட்டான்

ஒன்பது கிரகங்களிலும் அடர்த்தி கூடிய கிரகம் பூமி.

99%மான இந்தியப் பெரு வாகன செலுத்துனர்களுக்கு (truck drivers) தெருக்களில் இருக்கும் அறிவிப்புகளை வாசிக்கத் தெரியாது.

பழைய தலையணை ஒன்றின் பாரத்தில் 25% அழுக்கும் கிருமிகளும்.

பழுதடையாத உணவும் பொருள் தேன்.

உலகில் முதல் முத்திரை வெளியிட்ட நாடு பிரித்தானியா. அதனால் அந்நாட்டு முத்திரைகளில் நாட்டின் பெயர் இருப்பதில்லை.

ஒரு தாய் யானை தனது குட்டியை இரண்டு ஆண்டுகள் வயிற்றில் வைத்திருக்கும்.

55% ஆண்கள் மட்டுமே கழிப்பறை சென்றபின் தம் கைகளை சரியாகக் கழுவுகிறார்கள்.

விசைப்பலகை(Keyboard) முதல் வரியில் உள்ள எழுத்துக்களை வைத்து அமைக்கக் கூடிய மிக நீண்ட ஆங்கிலச் சொல் TYPEWRITER.

The word "checkmate" used in chess game, comes from the Persian phrase "Shah Mat," meaning "the king is dead".

The only 15-letter word that can be spelled without repeating a letter is "uncopyrightable".

1958இல் இரு பென்ஜி, லஸ்க்கா என்னுன் இரு எலிகள் விண்வெளிக்கு அனுப்பப்பட்டன.

20% ஆண்களும் 10% பெண்களும் தங்கள் திருமண நாளை குறைந்தது ஒரு தடவையாவது தங்கள் திருமண நாளை மறந்து விடுகிறார்கள்.

கில்லேட் என்னும் சவர அலகு தயாரிப்பாளர்களின் கணிப்பின்படி 70% பெண்கள் தமது உடலில் உள்ள ரோமத்தை சவரம் செய்கிறார்கள்.

உயிருடன் இருக்கும் ஒரு மரத்தின் எடையில் 70% நீர்.

1936-ம் ஆண்டில் இருந்து 100பில்லியன் Tampax tampons(பெண்கள் அந்த நாலு நாட்கள் பாவிப்பவை) விற்பனை செய்யப்பட்டுள்ளன.

மீண்டும் சீறும் ஈரான்

2012-01-25T08:54:00.001Z

ஓமான் வளைகுடாவையும் பாராசீக வளைகுடாவையும் இணைக்கும் 35மைல்கள் அகலமுள்ள ஹோமஸ் நீரிணையை தான் மூடி விடுவேன் என்று ஈரான் மீண்டும் எச்சரித்துள்ளது. கடல் மூலமான உலக எரிபொருள் வழங்கலில் 40% ஈரானிற்கு அண்மையில் உள்ள் ஹொமஸ் நீரிணையூடாக நடக்கிறது. உலக் மொத்த எண்ணை வழங்கலில் இது 20% ஆகும். நாளொன்றிற்கு 15 எண்ணை தாங்கிக் கப்பல்கள் இதனூடாக பயணம் செய்கின்றன. சவுதி அரேபியா, ஈராக்,குவைத், பாரெய்ன், கட்டார், துபாய், போன்ற நாடுகளில் இருந்தூ ஏற்றுமதியாகும் எரிபொருள் ஹோமஸ் நீரிணையூடாகவே நடக்கின்றது. இதை தனது கட்டுப்பாட்டுக்குள் கொண்டுவந்து உலகை ஆட்டிப்படைக்கலாம் என்பது ஈரானின் கனவு.

ஹோமஸ் நீரிணை உலகின் கப்பல் போக்குவரத்திற்கு மிகச்சிரம்மான கடல் பகுதிகளில் ஒன்றாகும். 2007-ம் ஆண்டு ஜனாரி 1ஒ-ம் திகதி அமெரிக்க நீர்மூழ்கிக்கப்பலான USS Newport ஒரு ஜப்பானிய நீர் மூழ்கிக் கப்பலுடன் மோதிக் கொண்டது. 2009-ம் ஆண்டு மார்ச் 20-ம் திகதி அமெரிக்கப் போர்க்கப்பல் ஒன்றும்(USS New Orleans) நீர் மூழ்கிக் கப்பல் ஒன்றும்(USS Hartford) மோதிக் கொண்டன. 1988 ஏப்ரில் மாதம் அமெரிக்கப் போர்க்கப்பலான USS Samuel Roberts ஒரு கடற்கண்ணியில் மோதுண்டதைத் தொடர்ந்து அமெரிக்காவிற்கும் ஈரானுக்கும் இடையில் ஒரு நாள் கடற்போர் நடந்தது. ஈரான் இதற்கு முன்பும் பலதடவை ஹோமஸ் நீரிணையை மூடிவிடப்போவதாகப் பல தடவை மிரட்டியதுண்டு.

ஈரான் அணு ஆயுதங்களை உற்பத்தி செய்கின்றது என்ற குற்றச் சாட்டை மேற்கு நாடுகளும் இஸ்ரேலும் முன்வைத்துள்ளன. அதை தடுப்பதற்கு ஐக்கிய அமெரிக்காவும் ஐரோப்பிய ஒன்றியமும் ஈரானுக்கு எதிராக பொருளாதாரத் தடையை விதித்துள்ளன. இதனால் ஆத்திர மடைந்த ஈரான் ஹோமஸ் நீரிணைய மூடிவிடப்போவதாக எச்சரிக்கிறது. இதைத்தொடர்ந்து ஈரானுக்கும் மேற்கு நாடுகளுக்குமிடையிலான முறுகல் அதிகரித்துள்ளது.

ஐரோப்பிய ஒன்றியம் ஈரானுக்கு எதிரான பொருளாதாரத் தடையைக் கொண்டு வந்ததும் ஈரான் அத் தடையால் அதிகப் பாதிப்படையப் போவது ஏற்கனவே பொருளாதார நெருக்கடியில் தவிக்கும் ஐரோப்பிய ஒன்றியமே என்றும் அறிவித்துள்ளது.

ஈரானின் அணு ஆயுத உற்பத்தியைத் தடுக்க பல சதிகள் மேற்கொள்ளப்படுகின்றன. கடந்த இரண்டு ஆண்டுகளில் மூன்று ஈரானிய அணுவிஞ்ஞானிகள் கொல்லப்பட்டனர். ஒருவர் தாக்குதலில் இருந்து தப்பியுள்ளார். ஈரானிய ஏவுகணைத் தாயாரிப்புத் தொழிற்சாலையில் பாரிய வெடிவிபத்து அண்மையில் ஏற்பட்டது. இவ்விபத்து அங்குள்ள கணனித் தொகுதிகளை ஊடுருவி மேற்கொள்ளப்பட்டிடுக்கலாம் என நம்பப்படுகிறது.

ஈரான் ஹோமஸ் நீரிணையை மூடிவிடுவேன் என்று எச்சரித்ததைத் தொடர்ந்து பிரித்தானியா தனது கடற்படையை வளைகுடாவிற்கு அனுப்ப முடிவு செய்துள்ளது. பொருளாதாரத் தடையை விதித்த ஐக்கிய அமெரிக்காவும் ஐரோப்பிய ஒன்றியமும் ஈரானின் எண்ணெய் ஏற்று மதியைத் தடை செய்ய தமது கடற்படைகளைப் பாவிக்குமா என்பதுதான் அடுத்த கேள்வி. அப்படி ஒரு தடையை ஐக்கிய அமெரிக்காவும் ஐரோப்பிய ஒன்றியமும் மேற்கொள்ளும் பட்சத்தில் ஈரான் ஹோமஸ் நீரிணையை மூடும். ஹோமஸ் நீரிணை மூடும் பட்சத்தில் உலக எண்ணை விநியோகத்தில் பெரும் பாதிப்பு ஏற்படும். ஈரான், ஐக்கிய அரபு எமிரேட்ஸ், குவைத், சவுதி அரேபியா ஈராக், காட்டார், பாஹ்ரெய்ன் ஆகிய நாடுகளில் இருந்து மேற்கொள்ளப்படும் எரி பொருள் விநியோகம் பாதிப்புக்குள்ளாகும். இதனால் உலக எரிபொருள் விநியோகத்தில் 30% தடை படும். இது உலகு எங்கும் பெரும் பொருளாதாரச் சிக்கலைக் கொண்டுவரும்.

மேற்குலகக் கடற்பலமும் புலிகளின் உத்தியும்
ஹோமஸ் நீரிணையை மூடுவது தம்க்கு காப்பி குடிப்பது போல் இலகுவானது என்று ஈரானியக் கடற்படைத் தளபதி ஏற்கனவே அறிவித்திருந்தார். ஈரானின் மரபு வழிப் படையால் தம்முன் நின்று பிடிக்க முடியாது என்று மேற்குலக நாடுகள் உறுதியாக நம்புகிறது. ஆனால் அதன் கொரில்லாப்பாணி கடற்படைத் தாக்குதல் எப்படி இருக்கும் என்பதுதான் கேள்வி. ஈரான் தன்னிடம் இருக்கும் சிறிய விசைப் படகுகள் மூலமும் கண்ணிவெடிகள் மூலமும் இதைச் சாதிக்கலாம் என்று நம்புகிறது. தமிழீழ விடுதலைப் புலிகளின் விசைப்படகுத் தொழில் நுட்பத்தை இந்தியா வாங்கியது போல் ஈரானும் வாங்கியுள்ளதாகவும் செய்திகள் வெளிவந்தன. அவ்விசைப் படகுகளில் ஹிஸ்புல்லா இயக்கத் தற்கொடைப் போராளிகள் மூலம் மேற்குலகின் விமானம் தாங்கிக் கப்பல்களை Swarming Attack மூலம் அழிக்கலாம் என்று ஈரான் நம்புகிறது. Swarming Attack என்பது எதிரியை பலமுனைகளில் இருந்து தாக்குவது. ஒரு பெரிய கப்பலை நோக்கிப் பல விசைப் படகுகள் செல்லும் போது அவற்றி ஒன்று அல்லது பல படகுகள் தற்கொலைப் படகுகளாக இருக்கும். அதில் ஒன்று பெரிய கப்பலைத் தாக்கி சேதம் விளைவித்து அதை மூழ்கச் செய்யும். இப்படிப்பட்ட தாக்குதல்கள் பல தமிழீழ விடுதலைப் புலிகளால் மேற்கொள்ளப்பட்டன. ஏற்கனவே அமரிக்கக் கப்பலகள் ஈரானியப் படையினர் வளைகுடாவில் கடற்கண்ணிகளை பரப்புகின்றனரா என்று கண்காணிக்கத் தொடங்கிவிட்டன.

ஈரானால் ஒரு சில நாட்கள் மட்டு மே ஹோமஸ் நீரிணையை மூட முடியும் அதை அமெரிக்கப்படைகளால் சில நாட்களில் மீண்டும் திறக்க முடியும். என அமெரிக்கப் படை வல்லுனர்கள் கூறுகின்றனர். ஈரானின் படை நிலைகள் மீது நேட்டோ விமானப் படைகள் முதலில் தாக்குதல் தொடுத்து அவற்றை நிர்மூலமாக்கும். ஈரானியப் படை நிலைகள் பற்றி ஏற்கனவே அமெரிக்கா தனது ஆளில்லா விமாங்கள் மூலம் தகவல்கள் திரட்டி வைத்துள்ளது. ஈரானைச் சுற்றவர உள்ள பத்துக்கு மேற்பட்ட நாடுகளில் அமெரிக்கப் படை நிலைகள் உள்ளது இந்து சமூத்திரத்தில் உள்ள கடற்படைப் பிரிவு பாரசீக வளைகுடாவிற்கு நகர்த்தப்படலாம். மேலும் இஸ்ரேல் ஈரானின் கணனிகளை ஊடுருவி அதன் படைத்துறை கட்டளைப் பணியகத்தைச் செயலிழக்கச் செய்யலாம். பின்னர் கடற்சண்டையும் ஆளில்லா விமானத் தாக்குதலும் தொடரலாம். இதனால் ஈரானால் ஒரு சில நாட்கள் மட்டுமே தாக்குப் பிடிக்க முடியும். ஆனால் லிபியத் தலைவர் மும்மர் கடாஃபி ஒரு சில வாரங்களே தாக்குப் பிடிப்பார் என நேட்டோப் படையினர் முதலில் தெரிவித்தனர். ஆனால் அவர் ஆறு மாதங்கள் நின்று பிடித்தார். லிபியப் போர் எரிபொருள் விநியாகத்தைப் குறிப்பிடத்தக்க அளவு பாதிக்க வில்லை. ஆனால் வளைகுடாப் போர் பாதிக்கும். ஹோமஸ் நீரிணை மூடப்பட்டால் ஜப்பான், கொரியா, சீனா, இந்தியா போன்ற நாடுகளுக்கான எண்ணை விநியோகம் பெரிதும் பாதிக்கப்படும். இது ஈரானுக்கு ஒரு பாதகமான நிலையை ஏற்படுத்தும். ஈரான் ஹோமஸ் நீரிணை முடப்படும் என்ற எச்சரிக்கை விடுத்ததைத் தொடர்ந்து ஈரானிய நாணயத்தின் பெறுமதி பெரும் வீழ்ச்சியைக் கண்டது. இந்த ஆண்டு மார்ச் மாதம் ஈரானில் பாராளமன்றத் தேர்தலும் அடுத்த ஆண்டு அதிபர் தேர்தலும் நடக்க இருக்கிறது. பாராளமன்றத் தேர்தலைப் புறக்கணிக்கப் போவதாக ஈரானின் சீர்திருத்தவாதிகள் அறிவித்திருக்கின்றனர். ஈரானில் மக்கள் கிளர்ந்து எழாமல் திசை திருப்பவே இந்த ஹோமஸ் நீரிணை நாடகம் ஆடப்படுகிறது என்றும் கூறப்படுகிறது. ஹோமஸ் நீரிணையில் ஒரு போர் மூளுமானால் உலகெங்கும் எரிபொருள் விலை 200 அமெரிக்க டாலர்களாக அதிகரிக்கலாம். இப்போது இருக்கும் பொருளாதார சூழலில் இதனை எந்த ஒரு நாடும் விரும்பாது. இது ஈரானுக்கு ஆதரவாக ஒரு நாடுகளும் செயற்படாமல் போகச் செய்யலாம். ஈரானைத் தனிமைப்படுத்தலாம்.

ஹோமஸ் நீரிணையை மூடுவது ஈரான் பொருளாதாரத் தற்கொலை செய்வதற்கு ஒப்பானது:

மொழிபெயர்த்த நகைச்சுவைகள்

2012-01-24T08:07:00.001Z

கண்ணும் கண்ணும் கதைத்தால் என்ன சொல்லும்?
எங்கள் இருவருக்கிடையில் ஒருத்தன் மூக்கை நுழைக்கிறான்

கைப்பேசிகள் எப்படித் திருமணம் செய்யும்?
Ringtone மாற்றி

உன்னிடம் இருக்கும்
பகிர்ந்து கொள்ள விரும்புவாய்
பகிர்ந்தால் அது உன்னிடம் இருக்காது
அது என்ன?
இரகசியம்

நாம்வெறுக்கிறோம் ஆனால் இழக்க விரும்பவில்லை: வேலை

ஏம்பா சட்னியில் ஒரு இலையான் இருக்கிறதே.
கவலைப் படாதீங்க சார். தோசையில் இருக்கும் சிலந்தி எப்படியும் அதைப் பிடித்துத் தின்றுவிடும்.

ஆங்கில இலக்கண வகுப்பில் ஆசிரியை: "He does not like girls". In this sentence who is "He"?
மாணவன் ஒருவனின் பதில்: "Gay"

தனது இரு மகன்களும் செய்யும் குளப்படி தாங்க முடியாமல் ஒரு தாய் அவர்களை பாதிரியாரிடம் அழைத்துச் சென்றார். பாதிரியார் முதலில் இளைய மகனைத் தன் அறைக்குள் கொண்டு போய் தனியாக கதைத்தார். முதலில் அவர் கேட்ட கேள்வி "கடவுள் எங்கே?" பையன் பதில் தெரியாமல் விழித்தான். தனது குரலை சற்று உயர்த்தி மீண்டும் "கடவுள் எங்கே?" என்றார். பையன் விழி பிதுங்கினான். இப்போது பாதிரியார் உரத்த குரலில் "கடவுள் எங்கே?" என்றார் பையன அலறி அடித்துக் கொண்டு வெளியே ஓடினான். அவனது அண்ணன் என்னடா நடந்தது என்று அவன் பின் ஓடினான். அதற்கு அவன் "அவங்கள் கடவுளைத் தொலைத்து விட்டாங்கள். நாங்கள் திருடியதாகச் சந்தேகிக்கிறாங்கள்" என்றான்.

வீடுகள் பெரிதாகின்றன
இல்லறம் சிறிதாகின்றது
மருத்துவம் வளர்கிறது
ஆரோக்கியம் குறைகிறது
பிரபஞ்சத்தில் எல்லை வரை அறியத் துடிக்கிறோம்
பக்கத்து வீட்டில் நடப்பதைப் பற்றிக் கவலைப்படுவதில்லை
மனிதர்கள் பெருகுகின்றனர்
மனிதாபிமானம் குறைகின்றது
நகைச்சுவகள் என்று மொக்கைகள் பல வருகின்றன
சிரிப்பு வருவதில்லை

எனக்கு என்று ஓரு இனியா வாழ்க்கை இருந்தது. நண்பர்களுடன் வெளியில் செல்வேன். அம்மா அப்பாவுடன் கோவில் செல்வேன். மாமா வீட்டிற்குச் சென்று அனபாகக் கதைத்துக் கொண்டிருப்பேன். புதிதாக வந்த படத்தைப் பற்றி பலருடன் கதைப்பேன். Facebook வந்ததில் இருந்து என் வாழ்க்கையே போச்சுது.

ஒரு ஆசிரியர் எனது அடுத்த கேள்விக்கு சரியான பதில் சொல்பவர் முதலில் வீடு போகலாம் என்றார். உடனே ஒரு பையன் தனது புத்தகத்தை வெளியே வீசினான். யாரடா புத்தகத்தை வெளியே வீசியது என்றார் ஆசிரியர் ஆத்திரத்துடன். நான் என்று சொல்லிவிட்டு அப்பையன் வகுப்பறையை விட்டு வெளியேறினான்.

பழக்கதோசம்
ஒரு அம்மா தனது மகளுடன் வாகனம் ஓட்டிக் கொண்டிருக்கையில் சிறு விபத்து நடந்து மகளுக்கு காயம் ஏற்பட்டு விட்டது. அண்மையில் உள்ள மருத்துவ மனைக்கு மகளை தாய் கொண்டு சென்றார். அங்கு மகளின் விபரத்தை கேட்ட போது மகள் சொன்ன பதில் 18 வயது, 50kg, 5அடி 6அங்குலம். உடனே தாயார் குறுக்கிட்டு இது Facebookஇல்லை உண்மையைச் சொல்லு.

இவற்றை மொழிபெயர்த்தால் நல்லாயிருக்காது.
Teacher: What’s the chemical formula for water?
Sam: “HIJKLMNO”.
Teacher: What?!
Sam: Yesterday you said it’s H to O!

Apple and Blackberry should team up and make a phone called the Pie...

My alarm clock is clearly jealous of my amazing relationship with my bed.

If you dont say it in the streets dont say it in your tweets

நகைச்சுவைக் கதை: இலண்டனில் சாப்பிட்ட இந்தியனும் இலங்கையனும் பாக்கிஸ்த்தானியும்

2012-01-23T09:06:00.001Z

இலண்டன் பல்கலைக் கழகம் ஒன்றில் கல்வி பயிலும் இலங்கை இந்திய பாக்கிஸ்தான் நாடுகளைச் சேர்ந்த மூன்று மாணவர்கள் ஒரு அறையில் தங்கி இருந்தனர். இலங்கை மாணவர் சுரேன் தனது மாமனாரின் எரிப் பொருள் நிரப்பு நிலையம் ஒன்றில் பகுதி நேரம் வேலை செய்தான். இந்திய மாணவன் அனில் தனது தகப்பனாரின் ஒன்றுவிட்ட சகோதரனின் மனைவியின் சித்தாப்பாவின் மருகனின் நண்பரின் மூலைக் கடை ஒன்றில் பகுதி நேர வேலை செய்து வந்தான். பாக்க்கிஸ்தான் மாணவன் அன்வர் ஒரு ஈரானிய இறைச்சிக் கடையில் பகுதி நேர வேலை செய்து வந்தான். இவர்கள் உழைக்கும் பணத்துடன் சிக்கனமாகச் சீவித்து வந்தனர். சுரேன் அவ்வப்போது தந்தைக்குப் பணம் அனுப்புவான். தந்தை அதில் ஊரில் கோவிலுக்கு தன் பையன் நல்லாக இருக்க வேண்டும் என்ற வேண்டுதலுடன் அபிசேகம் செய்வார். அனில் தனது தகப்பனுக்கு அனுப்பும் பணத்தை அவர் இந்தியாவில் வட்டிக்குக் கடன் கொடுப்பார். அனவர் தன் பணத்தில் மிச்சம் பிடித்து ஆப்கானிஸ்தானுக்கு அனுப்புவான்.

சுரேனுக்கும் அனிலுக்கும் அன்வருக்கும் இலண்டனில் உள்ள உயர்தர உணவகத்தில் சாப்பிட வேண்டும் என்பது நீண்ட நாள் விருப்பம். ஒரு நாள் அதை எப்படியாவது நிறைவேற்றிவிடவேண்டுமென்று திட்டமிட்டு நல்ல பகட்டான ஆடைகளை வாடகைக்கு எடுத்துக் கொண்டு ஒரு ஆடம்பர இத்தாலிய உணவகத்திற்கு ஒருவர் பின் ஒருவராகப் போய்ச் சாப்பிடுவது என்று திட்ட மிட்டனர். முதலில் இலங்கை மாணவன் சுரேன் உணவகத்திற்குள் போய் பஸ்ராவும் கோழியும் நல்ல ஐஸ் கிரீமும் சாப்பிட்டு விட்டு கடைசியில் பில்லை கொண்டு வந்து அவன் முன் வைக்க தான் ஏற்கனவே பில்லுக்கான பணத்தைச் செலுத்தி விட்டதாகச் சொன்னான். ஒரு கனவான் போல் ஆடை உடுத்திய பையனுடன் தகராறு போட்டு உணவகத்தில் உள்ள மற்ற கனவான் வாடிக்கையாளர்கள் அமைதியாக உண்டு கொண்டிருப்பதைக் ஏன் கெடுப்பான் என்று நான் மறந்து விட்டேன் என்று சொல்லி மன்னிப்புக் கேட்டு சுரேனை குட் நைட் சொல்லி வாழ்த்தி அனுப்பி வைத்தனர்.

அடுத்து உணவகத்திற்குச் சென்ற இந்திய மாணவன் அனில் அங்குள்ள சிறந்த சைவ உணவுகளைச் சாப்பிட்டு உயர்தர மது பானங்களையும் அருந்திவிட்டு பில் வரும்போது சுரேன் சொன்னமாதிரிச் சொல்லி அவனுக்கு நடந்த மரியாதையை தானும் பெற்றுக் கொண்டு வெளியில் வந்து விட்டான்.

அடுத்து உணவகத்திற்குள் சென்ற பாக்கிஸ்தானிய மாணவன் அனவர் அங்குள்ள சகல உணவுகளையும் ஒரு வெட்டு வெட்டிவிட்டினான். எல்லாம் முடிந்தவுடன் அவனிடம் உணவக முகாமையாளர் சென்று உங்களுக்கு முன்னர் இரு ஆசிய மாணவர்கள் இங்கு வந்து சாப்பிட்டுவிட்டு பணம் கொடுக்காமல் கொடுத்தோம் என்று சொன்னார்கள்.....என்று சொல்ல அன்வர் இடைமறித்து "I dont want to hear the story of those bloody f*****g Indian and Srilankan.....bring my balance என்றான். (அந்த இந்தியனதும் இலங்கையனதும் கதை எனக்கு வேண்டாம் எனது மிகுதிப் பணத்தைக் கொண்டுவா என்றான்.)

இன அழிப்பின் அடுத்த கட்டத்தை ஆரம்பித்து வைத்த அப்துல் கலாம்

2012-01-22T09:45:00.002Z

2008ம் ஆண்டிலும் 2009ம் ஆண்டிலும் இலங்கையில் தமிழர்களுக்கு எதிரான இன அழிப்புப் போரை இலங்கையும் இந்தியாவும் தீவிரமாக முன்னெடுத்துக் கொண்டிருக்கையில் பல உலக அறிஞர்கள் ஒன்று கூடிக் இந்த இன அழிப்பை ஐக்கிய நாடுகள் சபையும் பன்னாட்டு சமூகமும் இணைந்து தடுக்க வேண்டும் என்று அறிக்கை வெளியிட்டனர். அந்த இன அழிப்பின் போரை வேடிக்கை பார்த்துக் கொண்டிருந்த இந்திய அணு மற்றும் ஏவுகணை விஞ்ஞானியும் இந்தியக் குடியரசின் முன்னாள் தலைவருமான ஏ பி ஜே அப்துல் கலாம் தான் இப்போது இலங்கைக்குப் பயணம் மேற்கொண்டுள்ளார். அவரது பயணத்தைப் பற்றி தமிழ் விரோதப் பார்ப்பனப் பத்திரிகை இந்து இப்படிக் கூறுகிறது: The former President, A.P.J. Abdul Kalam, will embark on a mission to promote peace, harmony and prosperity for all societal constituents in Sri Lanka and propagate an agenda for an inclusively developed nation.
அப்துல் கலாமின் பயணம் ஒரு நோயாளி வேதனையால் துடித்துக் கொண்டிருக்கும் போது கண்டும் காணாதது போல் இருந்து விட்டு பின்னர் நோயாளி இறந்து புதைத்த பின்னர் அவனது சமாதியை அழகுபடுத்த வந்த மருத்தவரின் செயல் போல் இருக்கிறது.

கடந்த பல மாதங்களாக பல பெரியார் கொள்கை சார் ஊடகங்கள் அப்துல் கலாம் இப்போது பார்ப்பனரின் நிகழ்ச்சித் திட்டத்திற்கு ஏற்ப செயற்படுகிறார் என்று எழுதி வந்துள்ளன. அப்துல் கலாமின் இலங்கைப் பயணமும் அதற்கு பார்ப்பன இந்துப் பத்திரிகை கொடுக்கும் முக்கியத்துவமும் அதை உறுதி செய்கின்றன.

மஹிந்த ராஜபக்சவின் திட்டத்தில் ஒன்று தமிழர்களின் அரசியல் பிரச்சனையை ஒதுக்கி விட்டு இப்போது அவர்களுக்கு பொருளாதார அபிவிருத்தி என்ற மாயைக்குள் மாட்டி தமிழர் பகுதிகளை சிங்கள மயமாக்குவதே. இதனால்தான் அப்துல் கலாமின் நிகழ்ச்சியின் நோக்கங்களாக peace, harmony and prosperity அமைதி, ஒற்றுமை, செழுமை இருக்கின்றன அதிகாரப் பரவலாக்கம் பற்றி எதுவுமில்லை. இதற்குத் துணை போக அப்துல் கலாம் தமிழின அழிப்புக்குத் துணை போகும் பார்ப்பன சக்திகளால் இலங்கைக்கு அனுப்பி வைக்கப்பட்டுள்ளார். அப்துல் கலாம் தமிழ் விரோதப் பார்ப்பன இந்துப் பத்திரிகைக்கு இலங்கையில் இருந்து கொண்டு மின்னஞ்சல் மூலம் ஒரு பேட்டியை வழங்கியுள்ளார். அவர் அப்பேட்டியில் அபிவிருத்தி, வளப் பகிர்வு, ஒற்றுமை போன்ற மஹிந்த ராஜபக்ச அடிக்கடி பாவிக்கும் வார்த்தைகளை கவனமாக கையாண்டுள்ளார். ஆனால் அதிகாரப் பகிர்வைப் பற்றி வாய் திறக்கவில்லை.

தமிழ்நாடு சட்டசபையின் தீர்மானத்தை மீறிய கலாம்
இலங்கை மீது பொருளாதாரத் தடை விதிக்க வேண்டுமென்று தமிழ்நாடு சட்ட சபையில் தீர்மானம் நிறைவேற்றப்பட்டுள்ளது. அந்த தமிழ் மக்களின் பிரதிநிதிகளின் தீர்மானத்திற்கு மதிப்புக் கொடுக்காமல் அப்துல் கலாம இலங்கை சென்றது மொத்த தமிழினத்தையுமே அவமதிக்கும் செயல்.

தமிழர் சிங்களம் படித்தால் நன்மை கிடைக்குமா?
1977-ம் ஆண்டு இலங்கையில் தமிழர்களுக்கு எதிராக நடாளாவிய ரீதியில் வன்முறை கட்டவிழ்த்து விடப்பட்டு பல தமிழர்கள் கொன்றும் சொத்துக்கள் அழிக்கப்பட்டும் கொள்ளையிடப்பட்ட போது குருநாகல் மாவட்டத்தில் ஆயிரக்கணக்கான தமிழ பேசத் தெரியாத சிங்களம் மட்டும் பேசத் தெரிந்த தமிழர்கள் அங்கு தாக்கப்பட்டு விரட்டிஅடிக்கப்பட்டனர். தமிழர்கள் சிங்களத்தையும் சிங்களவர்கள் தமிழையும் படித்தால் இலங்கையில் இனப் பிரச்சனை இருக்காது என்று முன்பு அடிக்கடி கூறிவந்த பிரபல இடது சாரி அரசியல்வாதியான திரு வி பொன்னம்பலம் அவர்கள் இந்தக் குருநாகல் மாவட்ட சம்பவத்தின் பின்னர் தமது கருத்தை மாற்றிக்கொண்டார். அதை அவர பலதடவைகள் தெரிவித்திருந்தனர். பின்னர் சன்சோனி ஆணைக் குழுவிலும் இலைங்கை இனப்பிரச்சனை மொழிப் பிரச்சனைக்கு அப்பாற்பட்டது என்ற கருத்தைப் பல முன்னணி அரசியல்வாதிகள் முன் வைத்தனர்.

ஏன் இந்த மும்மொழித்திட்டம்?
தமிழ் மக்களை சிங்களம் பேசவத்து அவர்களை தமிழைப் பேசாமல் தடுக்க வேண்டும் என்பது சிங்களப் பேரினவாதிகளின் நீண்ட நாள் கனவு. ஏற்கனவே வடக்குக் கிழக்கில் இருக்கும் சிங்களப் படையினர் சிங்களத்தை தமிழர்களுக்கு போதிக்கத் தொடங்கிவிட்டனர். அதை இனி அரசு முறையாகாவும் திட்டமிட்ட முறையிலும் செய்யவே மும்மொழித்திட்டம என்ற போர்வையில் தமிழர்களுக்கு சிங்களம் போதிக்க சிங்கள ஆட்சியாளர்கள் முயல்கிறார்கள். மேலும்சிங்கள ஆசிரியர்கள் என்ற போர்வையில் மேலும் பல சிங்களவர்களை தமிழர் தாயகத்தில் குடியேற்றவும் சிங்கள ஆட்சியாளர்கள் திட்டமிடுகின்றனர். இன அழிப்பு என்ற நஞ்சுக் கேக்க்கிறகு மும்மொழித்திட்டம் எனற ஐஸிங்கை சிங்களம் பூசியுள்ளது. அந்த ஐஸிங்கிற்கு மேல் வைக்கப் பட்ட அழகுப் பூதான் அப்துல் கலாம். தமிழ்மக்கள் அந்த கேக்கை உண்பார்களா? தமிழர்கள் சிங்களமும் சிங்களவர்கள் தமிழும் படித்த பின்னால் இலங்கையின் ஆட்சி மொழியாக சிங்களம் மட்டுமே ஆக்கப்படுவது இலகுவாக இருக்கும். சிங்களப் பேரினவாதிகளின் இன அழிப்பின் அடுத்த திட்டமான மும்மொழித்திட்டத்தை அப்துல் கலாம் ஆரம்பித்துள்ளார்.

இன்னும் ஒரு மொழியைப் படிப்பது எவ்வளவோ சிறப்பான ஒன்று.
"You live a new life for every new language you speak. If you know only one language, you live only once." - Czech proverb. ஒரு மொழி மட்டும் தெரிந்திருந்தால் நீ ஒரு வாழ்க்கையை மட்டுமே வாழ்கிறாய். நீ தெரிந்து கொள்ளும் ஒவ்வொரு புது மொழிகளாலும் நீ ஒரு புது வாழ்க்கையை வாழ்கிறாய். என்பது முற்றிலும் உண்மை. ஆனால் உன்னை அழிக்கவே இங்கு உன் மீது ஒரு மொழி திணிக்கப்படும் செயல் கடந்த 55 ஆண்டுகளாக நடக்கிறது என்பதைத் தமிழா நீ உணர்ந்து கொள். அப்துல் கலாமை ஒரு அறிஞனாகவோ அல்லது விஞ்ஞானியாகவோ மட்டும் பாராமல் ஒரு பார்ப்பனச் சதியின் ஒரு அம்சமாகப்பார்.

கல்லூரி நகைச்சுவைகள்

2012-01-21T07:42:00.000Z

தேர்வில் நன்கு சித்தியடைந்த ஒவ்வொரு மாணவனுக்குப் பின்னரும் ஒரு சிறந்த ஆசிரியர் இருப்பார். தேர்வில் நன்கு தோல்வியடைந்த ஒவ்வொரு மாணவனுக்குப் பின்னரும் ஒரு அழகிய ஆசிரியை இருப்பாரள்.

மாணவன் வடிவேலு
வடிவேலு தேர்வு மண்டபத்துள் நுழைந்ததும் என்ன சொல்லுவார்?
ஸ்ஸ்ஸ்......பாபாபா.......இப்பவே கண்ணைக் கட்டுதே....

வினாத்தாளைப் பார்த்ததும் என்ன சொல்லுவார்?
என்னை வைச்சு காமெடி கீமெடி பண்ணுறியா....

தேர்வு முடிவைப் பார்த்ததும் என்ன சொல்வார்?
மாப்பு.......வைச்சிண்டான்யா ஆப்பு....

அரியேர்ஸில் மீண்டும் பெயில் ஆனால் என்ன சொல்லுவார்?
எவ்வளவு நேரம்தான் வலிக்காத மாதிரியே நடிக்கிறது....... வேணாம்... வலிக்குது......... அழுதுடுவன்...

பிட் அடிக்கும் போது பிடிபட்டால் என்ன சொல்லுவார்?
ஒரு மனிசன் எதையாவது பண்ணி முன்னுக்கு வருவம் என்று பார்த்தால் கண்ட இடமெல்லாம் கண்ணி வைக்கிறாங்களே.....

தேர்விற்க்கு விண்ணப்பிக்கும் போது என்ன சொல்லுவார்?
ரிஸ்க் எடுக்குறதெல்லாம் எனக்கு ரஸ்க் சாப்பிடுறது மாதிரி..

பக்கத்தில் இருக்கும் மாணவன் வடிவேலுவைப் பார்த்துக் காப்பி அடித்தால் என்ன சொல்லுவார்?
இன்னுமாடா இந்த உலகம் என்னை நம்புது....

Question:What is the full form of maths.
Anwser:
Mentaly
Affected
Teachers
Harrasing
Students

புவியீர்ப்பு விசையை முதலில் கண்டுபிடித்த யாழ்ப்பாண மாணவன்
ஒரு நாள் அச்சுவேலியில் ஒரு மாணவன் தனது வீட்டுக்குப் பின்புறம் உள்ள பனந்தோப்பில் மல்லாக்கப் படுத்திருந்த படி யோசித்துக் கொண்டிருந்தான். அப்போது ஒரு பனம் பழம் மரத்தில் இருந்து விழத் தொடங்கியது. உடனே அவன் யோசித்து புவியின் ஈர்ப்பு விசையால்தான் பனம் பழம் கீழே விழுகிறது என்று கண்டு பிடித்து விட்டான். அந்த உற்சாகத்தில் அவன் திடீரென எழும்ப பனம்பழம் அவன் தலையில் விழுந்து அவனுக்கு சித்தப் பிரமை பிடித்து விட்டது. அதனால் அவனது கண்டு பிடிப்பு வெளியில் வரவில்லை. அவருக்கு ஏன் இப்படி நடந்தது என்று ஆராய்ந்த அவரது உறவினர்கள் பனம்பழத்தில் காகம் இருந்ததால் அது அவரது தலையில் விழுந்தது என்று அறிந்து "காகம் இருக்கப் பனம் பழம் விழுந்தது போல்" என்ற உவமையை உருவாக்கினர். இது நடந்து பல ஆண்டுகளுக்குப் பின்னர் நியூட்டன் புவியீர்ப்பு விசையைக் கண்டுபிடித்து விட்டார்.

மகாத்மா காந்தியும் மொக்கை காந்தியும்
கேள்வி: மகாத்மா காந்தி இந்திய மக்களுக்காக என்ன நன்மை செய்தார்?
மொக்கை காந்தியின் பதில்: ஆகஸ்ட் 15-ம் திகதியை விடுமுறை நாளாக்கினார்.

தந்தை மகற்காற்றும் உதவி
கல்லூரியில் பயின்று கொண்டிருந்த ஜோர்ஜ் புஸ் தன் தந்தைக்கு எழுதிய கடிதம்:
Dear Dad,
$chool i$ really great. I am making lot$ of friend$ and $tudying very hard. With all my $tuff, I $imply can`t think of anything I need. $o if you would like, you can ju$t $end me a card, a$ I would love to hear from you.
Love,
Your $on
தந்தை புஷ்சின் பதில்:

Dear Son,
I kNOw that astroNOmy, ecoNOmics, and oceaNOgraphy are eNOugh to keep even an hoNOr student busy. Do NOt forget that the pursuit of kNOwledge is a NOble task, and you can never study eNOugh.
Love,
Dad

A young man studying in a college abroad sent this SMS to his father: Dear dad, no mon, no fun, your son. The father replied: Dear son, too bad, so sad, your dad.

எரிப் பொருள் பிரச்சனைக்கு மஹிந்தவின் மகனின் தீர்வு
இலங்கையில் உள்ள ஒரு கல்லூரியில் எரிபொருள் இறக்குமதியால் நாட்டுக்குப் பல கோடி அன்னியச் செலவாணி வீணாகிறது அதற்கு ஒரு தீர்வு வேண்டும் என்று ஆராயப் பட்டது. அதற்கு மஹிந்தவின் மகன் ரோகித ராஜபக்ச ஈரானில் இருந்து 5 கப்பல் மண் இறக்குமதி செய்து அதை அம்பாந்தோட்டையில் கொட்டிப் பரவி விட்டு பின்னர் நாங்கள் பெற்றோல் கிணறு தோண்டி பெற்றோல் பெறலாம் என்றான்.

மொக்கை காந்தி
Why Sperrm Donation Is More Expensive Than Blood Donation? என்ற கேள்விக்கு மொக்கை காந்தியின் பதில்: Because Hand-Made Things Are Always Costly.

இலங்கையில் இந்திய வெளியுறவுத் துறை அமைச்சர் சுவைத்த எச்சில்

2012-01-20T10:54:00.002Z

"நீ தண்ணி அடிப்பியா?"
"இல்லை"
"நீ தம் அடிப்பியா?"
"இல்லை"
"நீ பெண்கள்.......?"
"இல்லவே இல்லை"
"நீ திருடுவியா?"
"சீ....சீ....."
"அப்போ உன்னிடம் உள்ள கெட்ட பழக்கம் என்ன?"
"பொய் சொல்லுவது"
இந்தக் கடைசிப்பதில் எப்படி மற்ற எல்லாப் பதில்களையும் நிர்மூலமாக்கியதோ அதைப் போலத்தான் இலங்கைப் பயணம் மேற்கொண்ட இந்திய வெளியுறவுத் துறை அமைச்சரின் இலங்கை இனப்பிரச்சனைக்கான தீர்வு தொடர்பாக இந்திய வெளியுறவுத்துறை அமைச்சர் எஸ் எம் கிருஷ்ணா கொழும்பில் பத்திரிகையாளர் மாநாட்டில் கூறிய கருத்தும் இருந்தது.

இந்திய வெளியுறவுத்துறை அமைச்சர் எஸ் எம் கிருஷ்ணா இலங்கை அதிபர் மஹிந்த ராஜபக்ச தன்னிடம் இலங்கை அரசியலமைப்பில் ஏற்கனவே செய்யப்பட்டுள்ள 13வது திருத்தத்தில் உள்ள அதிகாரப் பரவலாக்கத்திற்கும் அதிகமான அதிகாரப் பரவலாக்கம்(இதை 13+ என்று அழைப்பர்) செய்யப்படும் என்று தெரிவித்ததாகக் கூறினார். ஆனால் அதற்கான ஒரு கால அட்டவணை உண்டா என்று கேட்ட போது இல்லை என்பதே இந்திய வெளியுறவுத்துறை அமைச்சரின் பதிலாக இருந்தது. இது பிள்ளையாரின் திருமணம் போல்தால். நாளை நடக்கும். இலங்கை அதிபரின் கூற்றுக்க்கு ஒரு கால அட்டவணை கிடயாது என்று கூறுவது அது ஒரு போதும் நடக்காது என்பதே. இலங்கை அரசமைப்பின் 13வது திருத்தம் 1987இல் அப்போதைய இலங்கை அதிபர் ஜே ஆர் ஜயவர்த்தனவும் ராஜீவ் காந்தியும் செய்த ஒப்பந்தத்தின் அடிப்படையில் மேற் கொள்ளப்பட்டது. ஒப்பந்தமிடும் போது தமிழர்களுக்கு இந்தியா கொடுத்த வாக்குறுதிகள் :

தமிழர்களைப் பாதுகாக்கும் பொறுப்பை இந்தியா ஏற்கும்.
தமிழர்களின் பிரச்சனைக்கு இந்தியா தீர்வு காணும்.
தமிழர்களின் பிரச்சனைக்கு தீர்வு காணும் முகமாக இலங்க அரசியல் அமைப்பில் மாற்றம் செய்யப்ப்டும்.
இலங்கையின் வடக்கு கிழக்கு மாகாணங்கள் இணைக்கப் பட்டு தமிழர்களின் தாயகமாக ஏற்றுக் கொள்ளப் படும்.

இந்த வாக்குறுதி அளித்து 24 ஆண்டுகள் கடந்துவிட்டன. இந்த செப்டம்பரில் அது வெள்ளி விழாவைக் கொண்டாடும். இந்தியா கொடுத்த எந்த வாக்குறிதிகளும் நிறை வேற்றப்படவில்லை. தமிழர்கள் இன்று இருக்கும் நிலையையும் 1987இல் ராஜீவ்-ஜேஆர் ஒப்பந்தத்திற்கு முன் இருந்த நிலையையும் ஒப்பிட்டுப் பாருங்கள். இலங்கையின் எப்பாகத்திலும் சிங்களப்படை நடமாட அஞ்சி இருந்தது அன்று. இலங்கையின் எப்பகுதியிலும் தமிழ்ப்போராளிக் குழுக்கள் தாக்குதல் நடத்தி பாரிய அழிவுகளை விளைவிக்கலாம் என்று இலங்கை அரசு அன்று அஞ்சி இருந்தது. தமிழர்கள் கைகளில் ஆயுதம் இருந்தது அன்று. இன்று தமிழனுக்கு என்று ஒரு எதிர்காலம் இருக்கிறதா என்ற கேள்விக்குறி மட்டும்தான் தமிழனின் சொத்து. இந்த நிலைக்கு தமிழர்களை இட்டுச் சென்றது இந்தியாதான்.

தமிழர்கள் முதுகில் சவாரி செய்த இந்தியா
1980களில் இலங்கையில் ஆட்சிக்கு வந்த ஜே ஆர் ஜெயவர்த்தனே தலைமையில் வந்த ஐக்கிய தேசியக் கட்சி அமெரிக்க சார்பாக மாறத் தொடங்கியது. இலங்கையின் பூகோள நிலை அமெரிக்கக் கடறபடையின் நீர்மூழ்கிக் கப்பல்களுக்கு இடையிலான அதி தாழ்வலை(ultra low wave) தொலைத் தொடர்புக்கு மிக உகந்ததாக அமைந்துள்ளதால் சிலாபத்தில் அமெரிக்க வானொலி நிலையம் என்ற போர்வையில் அமெரிக்க கடற்படையின் தேவைகளை நிறைவேற்ற அமெரிக்காவிற்கு இலங்கை தயாரானது. அத்துடன் சிங்கப்பூர் நிறுவனம் என்ற போர்வையில் அமெரிக்கா திருகோணமலையில் தனது கடற்படைக்கு ஒரு எரிபொருள் மீள்நிரப்பு நிலையத்தையும் அமைக்க முற்பட்டது. இதை அறிந்த இந்திரா காந்தி தமிழர்களைப் பகடைக் காயாகப் பயன்படுத்தினார். தமிழர்கள் மத்தியில் பல ஆயுதக் குழுக்களை இந்தியா உருவாககியது. விளைவு அமெரிக்க திட்டத்திற்கு ராஜீவ் - ஜே ஆர் ஒப்பந்தத்தின் மூலம் ஆப்பு வைக்கப் பட்டது. இலங்கையில் தமிழர்களுக்கும் சிங்களவர்களுக்கும் இடையில் ஒரு ஆயுத மோதலை உருவாக்கியே இந்தியா இதனைச் சாதித்துக் கொண்டு இறுதியில் தமிழர்களை ஏதிலிகளாக்கிவிட்டது.

என்ன இந்த 13+?
இப்போது இருக்கும் இலங்கை அரசியல் அமைப்புக்குக்கீழ் 13வது அரசமைப்பு திருத்தத்திற்கு மேலாக எதையும் செய்ய முடியாது. 13வது திருத்தம் தம்மீது இந்தியா வற்புறுத்தித் திணித்தது என்பதே பெரும்பானமையான சிங்களவர்கள் கருத்து. ஆனால் 13வது திருத்தம் செய்யப்படும் போதே அதை நிறைவேற்றத் தேவையில்லை என்று இந்திய அதிகாரிகளால் இலங்கைக்கு தெரிவிக்கப்பட்டதாகவும் ஒரு கருத்து கொழும்பில் நிலவுகிறது. அதனால்தான் இந்த 24 ஆண்டுகளில் இந்தியா அதை நிறைவேற்றும் படி இலங்கையை நிர்ப்பந்திக்கவில்லையாம். ஆனால் ஜே ஆர் ராஜீவ் ஒப்பந்தத்திற்கு இணங்க விடுதலைப் புலிகள் முழுமையாக ஆயுத ஒப்படைப்புச் செய்யவில்லை என ஜேஆர் சொன்னதும் ராஜீவ் தனது படையைத் தமிழர்கள் மேல் ஏவி ஒரு இலட்சம் தமிழர்களை வீடற்றவர்கள் ஆக்கினார், எண்ணாயிரத்திற்கு மேற்பட்ட அப்பாவித தமிழர்களைக் கொன்றார், மூவாயிரத்திற்கு மேற்பட்ட பெண்களை பாலியல் வன்புணர்வுக்கு உள்ளாக்கினார். 13+ என்பது ஒரு மூதவையை இலங்கையில் ஏற்படுத்துவதாம். அதில் தமிழ்ப் பிரதிநிதிகளை இணைத்து அதன் மூலம மாகாண சபைக்கும் மத்திய அரசுக்கும் இடையிலான பிணக்குகளைத் தீர்க்க முடியும் என்று சொல்லப்படுகிறது. ஆனால் மூதவையில் சிங்களவர்கள்தான் பெரும்பான்மையாக இருப்பார்கள். அது தமிழர்களுக்கு நீதி வழங்கும் என்று எதிர்பார்க்க முடியாது. 13வது திருத்தம் ஒரு அதிகாரப் பரவலாக்கம் அல்ல ஒரு நிர்வாகப் பரவலாக்கம் மட்டுமே. 13 பாவாடை சட்டை என்றால் 13+ ஒரு தாவணி மட்டுமே. 13 தமிழர்களுக்கு இரவலாக வழங்கப்பட்ட ஒரு ஆடை மட்டுமே. ஆபரணமல்ல. அந்த ஆடையை எப்ப வேண்டுமானாலும் பறித்துக் கொள்ளலாம்.

பேச்சு வார்த்தை மேசையில் பிச்சைக்காரத் தமிழர்கள்
இலங்கையில் 2009இல் போர் முடிந்தவுடன் இந்திய அரசின் செயற்பாடுகளிலும் கொள்கைகளிலும் செல்வாக்கு வகிக்கக் கூடியப் பார்ப்பன ஆய்வாளர்கள் இலங்கை இனப் பிரச்சனைக்கான தீர்வுபற்றி எழுதும் போது தமிழர்களின் நிலை Beggars have no choice என்றும் தமிழர்களின் நிலை Hobson's choice என்றும் எள்ளி நகையாடினர். ஆனால் பன்னாட்டு மட்டத்தில் இலங்கையில் இழைக்கப்பட்ட போர்க்குற்றம் தொடர்பாக மேற்கொள்ளப்பட்ட பிரசாரத்தின் அடிப்படையில் இலங்கை இனப்பிரச்சனைக்கு ஒரு தீர்வை இலங்கை அரசாங்கம் முன்வைக்க வேண்டும் என்ற கோரிக்கை பல பன்னாட்டு மனித உரிமை அமைப்புக்களால் முன்வைக்கப்பட அதை கனடா, பிரித்தானியா, ஒஸ்ரேலியா, ஐக்கிய அமெரிக்கா போன்ற நாடுகள் ஏற்றுக் கொண்டுள்ளதாலும் இந்த மார்ச் மாதம் நடக்கும் ஐக்கிய நாடுகளின்மனித உரிமைக் கழக மாநாட்டுல் இலங்கையில் இழைக்கப்பட்ட போர்க் குற்றம் தொடர்பாக ஏதாவது தீர்மானம் எடுக்கப்படலாம என்ற அச்சம் நிலவுவதாலும் இலங்கை கடந்த சில மாதங்களாக தமிழ் அரசியல் குழுவான தமிழ்த் தேசியக் கூட்டமைப்புடன் இலங்கைப் பிரச்சனைக்குத் தீர்வு காண்பதற்கான பேச்சு வார்த்தையில் ஈடுபட்டது. தமிழ்த் தேசியக் கூட்டமைப்பினரும் ஒரு பிச்சைக்கார நிலையில் இல்லாமலும் தமக்கு Hobson's choice எனப்படும் கொடுப்பதை ஏற்றுக் கொள்வதைதவிர வேறு தெரிவு இல்லை என்ற நிலையில் இல்லாமலும் தமது கோரிக்கைகளை சற்று அழுத்தமாக முன்வைத்துப் பேச்சு வார்த்தைகளில் ஈடுபட்டனர். இலங்கை அரசும் பேச்சு வார்த்தையில் அக்கறையிருப்பதாகவும் காட்டிக் கொண்டது.

மீண்டும் தமிழர்கள் முதுகில் இந்தியா சவாரியா?
பேச்சு வார்த்தையில் அக்கறை காட்டிய இலங்கை அரசு இந்திய வெளியுறவுத் துறை அமைச்சர் எஸ் எம் கிருஷ்ணா இலங்கைக்கு வந்த பின்னர் இலங்கை தமிழ்த் தேசியக் கூட்டமைப்பை மீண்டும் உதாசீனம் செய்யத் தொடங்கி விட்டது. இதற்கான காரணம் மார்ச் மாதம் நடக்க விருக்கும் ஐந மனித உரிமைக்கழகக் கூட்டத்தில் இந்தியா இலங்கைக்கு அதரவான நிலைப்பாட்டை எடுக்கும் என்ற வாக்குறுதி வழங்கப்பட்டதாலா என்ற சந்தேகத்தைக் கிளப்பியுள்ளது. அதற்கு பிரதி உபகாரமாக இலங்கைக் கடற்பரப்பில் சீனா தனது மூழ்கிக் கிடக்கும் கப்பல்களை ஆய்வு செய்ய இலங்கையிடம் விடுத்த கோரிக்கையை இலங்கை நிராகரித்ததா? சீனா பழைய கப்பல்கள் தேடுதல் என்ற போர்வையில் இலங்கையச் சுற்றவர உள்ள கடற்பரப்பில் தனது நீர் மூழ்கிக் கப்பல்களை எப்படி நடமாடவிடலாம் என்று ஆய்வு செய்ய விரும்பியுள்ளது. சீனா தனது கடலாதிக்கத்திற்கு விமானம் தாங்கிக் கப்பல்களிலும் பார்க்க நீர் மூழ்கிக் கப்பலகளில் அதிக கவனம் செலுத்துகிறது.

கிருஷ்ணா சுவைத்த எச்சில்.
கிளிநொச்சிக்கு பயணம் மேற்கொண்ட கிருஷ்ணா அங்கு ஒரு கட்டிடத்தைத் திறந்து வைத்தார். ஏற்கனவே 2004ம் ஆண்டில் பாஜ் எனப்படுகின்ற ஜப்பானிய தன்னார்வ தொண்டு நிறுவனத்தால் கட்டப்பட்டு இக்கட்டிடம் ஏற்கனவே வேறு ஒருவரால் திறந்து வைக்கப்பட்டுவிட்டது. இதற்கு மீண்டும் பூசி மெழுகி மீண்டும் கிருஷ்ணாவைக் கொண்டு திறந்து வைக்கப்பட்டது. ஏற்கனவே ஐக்கிய நாடுகள் பாதுகாப்புச் சபையில் வேறு ஒருவர் ஏற்கனவே நிகழ்த்திய உரையை தான் மீண்டும் வாசித்து சாதனை படைத்தவர் இந்திய வெளியுறவுத்துறை அமைச்சர் எஸ் எம் கிருஸ்ணா

ஆவியாகக் கலந்தன இருவர் ஆவிகள்

2012-01-19T08:34:00.002Z

இளங்காலைக் குளிராக
இளவேனில் தளிராக
புதிதாக ஒரு உறவு
புரியாத ஒரு உணர்வு

உன் இதயத்தை மெல்ல வருட
ஒரு சில வரிகள் தொடுத்தேன் இனிய தோழியே
உன் நீள் குழலில் ஒரு வண்டாக நான் அமர வேண்டும்

பூவிலும் மேலான மாதவிப் பூவிது
நல்ல மாதவப் பேறிது
நான் சொல்பவை யாவும்
நிழல்களின் நிதர்சனங்கள்
நிழலாக தொடர்வதில் தனி சுகம்

பொய் முகங்களிடை வாழும்
போலியான வாழ்க்கையிலே
பொய்களுக்குள் இனிய
உண்மையைத் தேடி எடுப்பது தனி சுகம்

உன் நினைவோடு என் நினைவை
இணைய விடுவதும் ஒரு புதிய சுகம்
அன்பில் ஊற்றேடுத்து
ஆசையில் கொதித்து
பாசம் என்னும் ஆவியாகி
அவை கலந்து பெறட்டும் தனியின்பம்
ஆவியாகக் கலந்தன இருவர் ஆவிகள்
ஆசையாகத் தழுவிக் கொண்டன
இணைய வெளியில் இனந்தெரியா ஒரு தவிப்பு
நெஞ்சைத் துளைக்கயில் நீ வந்தாய் இதமாக
பாலை வனத்திடை ஒரு பசுஞ்சோலையாக

துள்ளியலைந்த கன்று
தாயைக் கண்டது போல் ஓர் உனர்வு
வளரத் துடித்த கொடிக்கு
படரக் கிடைத்த துணைபோல்
கரை தேடிய ஓடத்திற்கு
கலங்கரை விளக்கம்மானாய் நீ

கொங்கிறிற் காட்டிடை
வழி தொலைத்த ஓட்டுனர்
முன் வந்த Sat Nav நீயடி தோழி
ஒரு பாதை ஒரு பயணம்
ஒரு இனிய துணை
கை கோர்த்து நடப்பதில் தனி சுகம்
ஐந்து விரல்களை ஐந்து விரல்கள் வருட
காதோரம் காற்று வந்து
சொல்லும் இரகசியம் கேட்டு
அல்லாரிப்பில் ஆடும் குழல்

இப்படியே நீளட்டும் இப்பாதை
முடிவில்லாமல் தொடரட்டும் இப்பயணம்
என்றும் காணாத தனி சுகம்
நீளும் பாதை அகலத்தில் குறையாதோ
நெருக்கத்தை அதிகரிக்காதோ
நெருக்கத்தில் கேட்கிறது
நீ விடும் மூச்சொலி
இனிய இசையாக
காந்த விழியின் ஓரப்பார்வையால்
என்னை ஒளிப்பதிவு செய்ய

பொய்யூரில் நாம் பெற்ற வதிவிட உரிமை

2012-01-18T07:52:00.000Z

காதல் என்பது பொய்யான மோச வலை
குடும்பம் என்பது பொய்யான பாச வலை
உறவு என்பது பொய்யான நேச வலை
வாழ்க்கை என்பதே பொய்யூரில்
நாம் பெற்ற வதிவிட உரிமை

எருவாய்ப் போகும் மெய்யை
பொய்யென்றுணராமல்
கனிவாய் என கருவாய்
மோகம் கொண்டு
நிலை இழப்போமா

கண்ணில் தெரிவதும் பொய்
கண்கள் சொல்வதும் பொய்
மண்ணாய் முடிவில்
மறைவோம் என்பதே மெய்

உடலும் பொய் உறவும் பொய்
சொல்லும் பொய் செயலும் பொய்
உணவும் பொய் நினைவும் பொய்
இறப்போம் நாம் என்பதே மெய்

பொய்யினை மெய்யென்று அலையாமல்
கையினை மெய்யாய் மெய்க்காக நீட்டி
மெய்யினை மெய்யறிவில் நிறுத்தி
மெய்வழி செல்லும் நாள் என்னாளோ

திகைப்பூட்டும் புகைப்படங்கள்....நகைப்பும் ஊட்டும்..

2012-01-17T07:37:00.003Z

புகைப்படங்கள் எடுக்கும் தருணங்களும் கோணங்களும் அவற்றிற்கு ஒரு புதிய அர்தத்தைக் கொடுக்கும். அப்படி எடுக்கப் பட்ட சிறந்த சில புகைப்படங்கள்.

முத்தமா.....மோகமா.....


பறந்த களைப்பு.....கொஞ்சம் ஓய்வு....

அப்பிடியும் ஒரு ஆசை....

பார்த்தியா.....குளத்தை நிரப்பீட்டன்....

பிழையாகப் போனதால் சரியான தகவல் சொல்கிறது

மெல்லக் கை போடு....

என்கிட்டே வைச்சுக்காதா....ஆமா சொல்லிப்புட்டேன்

நீ என்ன பெரிய கொம்பா?????

karate girl

தேகம் யாவும் தீயின் தாகம்.....

no.1 in the world

ஏன் இப்படி ஒரு ஆசை

என்ன கொடுமை இது?

மனிதரில் எத்தனை நிறங்கள்....

மறைந்திருந்து பார்க்கும் மர்மம் என்ன?

உன்னைக் கட்டிய நேரம் ஒரு குதிரையைக் கட்டியிருக்கலாம்.

ஆச்சிக்கு ஆசை போகவில்லை

நான் ஊதினன் எண்டால் ஊரே....

எரிமலை எப்படிப் பொறுக்கும்

தூக்கம் உன் கண்களைத் தழுவட்டுமே....

பென்சிலால் கைதுசெய்

அப்படி நானும் செய்வேன்...

அடுத்த மூவ் யாருடையது?

என் கையில் நீ ஒரு....

மவனே முழுங்கடா.....

பாவாடை தாவணியில் பார்த்த உருவமா....

போகுமிடம் எதுவென்று தெரியவில்ல..போகவேண்டிய இடமும் எதுவென்று புரியவில்லை மொத்தத்தில் என் நிலை ஈழத் தமிழர்கள் மாதிரி

தொடுவதென்ன தென்றலோ மலர்களோ

ஈரானிய அணு விஞ்ஞானிகளைக் கொல்வது யார்?

2012-01-16T08:00:00.001Z

ஈரானிய அணுவிஞ்ஞானிகள் தொடந்து கொல்லப்படுவதையிட்டு ஈரான் அதிக ஆத்திரமடைந்துள்ளது. 11-01-2012இலன்று பட்டப் பகலில் ஈரானிய அணு விஞ்ஞானியான முஸ்தபா அஹ்மதி றொஸானன் அவரது வாகனத்தின் அடியில் பொருத்தப்பட்ட காந்தக் குண்டு வெடித்தமையில் கொல்லப்பட்டார். இவர் கொல்லப்பட்ட மூன்றாவது ஈரானிய அணு விஞ்ஞானி. இன்னொருவர் மீதான கொலை முயற்ச்சியில் இருந்து அவர் தப்பிவிட்டார். ஆத்திரமடைந்த ஈரான் அமெரிக்க அரசிற்கும் பிரித்தானிய அரசிற்கும் தனது அணு விஞ்ஞானியின் கொலையில் அவர்களின் உளவுத்துறைக்குச் சம்பந்தம் இருந்தமைக்கான ஆதாரங்கள் இருப்பதாக குற்றம் சாட்டி கடிதம் எழுதியுள்ளது. ஈரானின் இக்கடிதம் அனுப்பிய செய்கை ஒரு அசாதாரண நிகழ்வாகவே பலராலும் கருதப்படுகிறது. ஈரானிய அணுவிஞ்ஞானியின் கொலையை அமெரிக்க அரசச் செயலர் ஹிலரி கிளிண்டனும் வழமைக்கு மாறான குரலிலே கடுமையகக் கண்டித்துள்ளார். ஈரானின் படைத்துறையின் பிரதி அதிபர் பிர்கேடியர் ஜெனரல் மசோட் ஜசயேரி விஞ்ஞானி கொலைக்கு அமெரிக்க பிரித்தானிய மற்றும் சியோனிஸ்ட் அரசுகள் பொறுப்பு என்றும் அரச பயங்கரவாதத்திற்கு துணை செய்பவர்கள் சரியான தருணத்தில் தண்டனைக்கு உள்ளாவார்கள் என்று எச்சரித்தார்

ஈரானின் பூகோள முக்கியத்துவம்
ஈரானின் பூகோளவியல் இருப்பு முக்கியத்துவம் வாய்ந்தது. ஒரு பலமிக்க ஈரானால் ஹோமஸ் நீரிணையக் கட்டுப்படுத்த முடியும். கடல் மூலமான உலக எரிபொருள் வழங்கலில் 40% ஈரானின் ஹொமஸ் நீரிணையூடாக நடக்கிறது. உலக மொத்த எண்ணை வழங்கலில் இது 20% ஆகும். ஹோமஸ் நீரிணை ஓமான் வளைகுடாவையும் பாராசீக வளைகுடாவையும் இணைக்கும் 35மைல்கள் அகலமுள்ள நீரிணையாகும். நாளொன்றிற்கு 15 எண்ணை தாங்கிக் கப்பல்கள் இதனூடாக பயணம் செய்கின்றன. சவுதி அரேபியா, ஈராக்,குவைத், பாரெய்ன், கட்டார், துபாய், போன்ற நாடுகளில் இருந்தூ ஏற்றுமதியாகும் எரிபொருள் ஹோமஸ் நீரிணையூடாகவே நடக்கின்றது. அணு ஆயுத பலம் மிக்க ஈரானால் உலக எரிபொருள் விநியோகத்தில் பெரும் தாக்கத்தை ஏற்படுத்த முடியும்.

ஈரானின் அணு ஆயுத பலம்
அண்மைக் காலமாக ஈரானின் அணு ஆயுத உற்பத்தி தொடர்பாக மேற்கு நாடுகளும் இஸ்ரேலும் அதிக கரிசனை காட்டத் தொடங்கி இருக்கின்றன. அமெரிக்கா ஈரானுக்கு எதிராக பல பொருளாதாரத் தடைகளை ஏற்படுத்தியுள்ளது. அமெரிக்காவில் உள்ள ஈரானிய சொத்துக்களை முடக்கியுள்ளது. ஐரோப்பிய ஒன்றியமும் ஈரானுக்கு எதிரான பொருளாதரத் தடைகளைக் கொண்டுவரவுள்ளது. இந்த பொருளாதாரத் தடைகளுக்குப் பதிலடியாக ஈரான் ஹோமஸ் நீரிணையை மூடப் போவதாக அறிவித்துள்ளது. இந்த நெருக்கடிக்கு மத்தியில் ஈரானிய விஞ்ஞானி கொல்லப்பட்டுள்ளார்.

கொன்றது யார்?
32 வயதான முஸ்தபா அஹ்மதி றொஸானனை கொன்றது அமெரிக்க உளவுத் துறையான சிஐஏயா, பிரித்தானிய உளவுத் துறையான எம்.ஐ.6ஆ, அல்லது இஸ்ரேலிய உளவாளிகளான மொசாட்டா? பல படைத்துறை ஆய்வாளர்களைக் குடையும் கேள்வி இது. இந்தக் கேள்விக்கு விடை தேடும் போது இன்னிரு கேள்வி எழுகிறது. இம்மூன்று உளவுத் துறையும் இணைந்து செயற்பட்டதா, ஏதாவது இரு துறைகள் இணைந்து செயற்பட்டதா, அல்லது இவற்றில் ஒன்று தனித்துச் செயற்பட்டதா? ஈரானில் ஜுண்டல்லா இயக்கம் என்று ஒரு ஈரானிய அரசுக்கு எதிரான இயக்கம் இருக்கிறது. இது இக்கொலையச் செய்து குழப்பத்தைச் செய்திருக்கலாம் என்ற சங்தேகமும் உண்டு. ஆனல் ஜுண்டல்லா இயக்கத்திடம் இப்படி ஒரு கொலையைக் கச்சிதமாகச் செய்து முடிக்கக் கூடிய தொழில்நுட்பம் இல்லை. வேறு யாராவது இந்த இயக்கத்திற்கு இக்கொலையைச் செய்ய துணை போய் இருக்கலாம். ஹோமஸ் நெருக்கடியை மேலும் மோசமாக்க அமெரிக்கா இப்போது இருக்கும் உலக பொருளாதாரச் சூழலில் விரும்பாது. அதனால் அது ஈரானில் ஒரு குண்டு வெடிப்பை இப்போது விரும்பாது. பல படைத்துறை ஆய்வாளர்கள் விஞ்ஞானியை மொசாட்தான் கொன்றிருக்கலாம் என்று நம்புகின்றனர். போலிக் கொடி நடவடிக்கை மூலம் இஸ்ரேல் கொன்றிருக்கலாம் என்று சிலர் கருதுகின்றனர். போலிக் கொடி(False Flag) நடவடிக்கை என்பது ஒரு நடவடிக்கையை ஒரு பகுதியினர் மேற்கொள்வர் ஆனால் சகலருக்கும் அது வேறு யாரோ செய்தது போல் இருக்கும். இப்படியான பல நடவடிக்கைகளை மொசாட் செய்துள்ளது. இஸ்ரேலிய உளவுத் துறையின அமெரிக்க அல்லது பிரித்தானிய உளவாளிகள் போல் தம்மைக் காட்டிக் கொண்டு பல மத்திய கிழக்கு நாடுகளில் செயற்படுவதுண்டு. இஸ்ரேலிய மொசாட் அமெரிக்க மற்றும் பிரித்தானிய கடவுட் சீட்டுகளைப் போலியாகத் தயாரிப்பது அம்பலத்திற்கு வந்ததுண்டு. இஸ்ரேலிய மொசாட்டைச் சேர்ந்தவர்கள் தம்மை அமெரிக்கர்களாகவோ அல்லது பிரித்தானியர்களாகவோ காட்டிக் கொண்டு ஜுண்டல்லா இயக்கத்தைக் கொண்டு செய்திருக்கலாம்.

பொங்கல் பானை உடைத்த இந்தியா.....

2012-01-15T08:57:00.000Z

இயற்கை வாழி

தன்னை எரித்து
வெம்மை பரப்பி
எம்மை வாழவைக்க
வலுத்தரும் கதிரோன் வாழி

தம்மை வளர்த்து
எம்மை வாழவைக்க
உணவாக்கித் தரும்
தாவரங்கள் வாழி

உணவாகி உணவாக்கி
இதமாகி இதமாக்கி
எமக்கான சொத்தான
நீர் நிலைகள் வாழி

தாமும் வாழ்ந்து
சமநிலை பேணி
எமக்கு உதவும்
மிருகங்கள் வாழி

பொங்கல் பானை உடைத்த இந்தியா.....

ஐம்பதிற்கு ஐம்பது என்னும் அரிசியிட்டு
எம்பதி ஜீ ஜீ பொன்னம்பலம் தலைமையில்
தன்மானத்தோடு சமத்துவப் பொங்கலொன்று
சமைக்க முயன்றோம் அன்று நாம்
சோல்பரியாரின் தூர நோக்கின்மையால்
அரிசியே மண்ணில் சிந்தியது

காந்தீய அரிசியெடுத்து கடமைப் பாலெடுத்து
தமிழுணர்வுப் பானை தேர்ந்தெடுத்து
இணைப்பாட்சி என்னும் சமஷ்டிப்
பொங்கலிட முயன்றோம் அன்று நாம்
காடையரை ஏவிவிட்டுப் கொடுமை செய்து
பொங்கலைச் சிதைத்தது கயவர் ஆட்சி

ஐந்து வீடாவது கொடு என்ற பாண்டவர்போல்
மாவட்ட சபை என்னும் மட்டமான அரிசியிலே
அரை வேக்காட்டுப் பொங்கலொன்று சமைத்தோம்
நூல் நிலையம் கொழுத்தி நோகடித்தனர் எம்மை

மிரட்டல் பானையிலே வஞ்சகப் பாலூற்றி
இந்திய நட்பென்னும் புழுத்துப் போன அரிசியிலே
பதின் மூன்றாம் திருத்தம் எனும்
பொங்கலை எம் வாயில் திணித்தனர்
தொண்டையில் இன்றும் சிக்கி நிற்கிறது நஞ்சாக

வீரத் தீமூட்டி தியாகப் பானை எடுத்து
தீரப் பால் வார்த்து உறுதி நெய்யூற்றி
தூய்மை அரிசியோடு வாய்மைத் தேனிட்டு
பொங்கிய ஈழப் பொங்கல் இறக்கும் வேளையிலே
பன்னாட்டுச் சமூகமென்னும் பன்னாடைக் கூட்டமும்
மானம் கெட்ட பாதக இந்தியாவும்
பொங்கல் பானை உடைத்துச் சென்றன

சாய்ந்து விழக் கோழைகளுமல்ல
ஓய்ந்து விடச் சோம்பேறிகளுமல்ல
அந்திக் கடலில் மறைந்த கதிரவன்
மறுநாள் வருவது போல்
நந்திக் கடலில் மறைந்த சூரியன்
நாளை உதிப்பான் பொங்கிடுவோம் நாம்

பெண்ணே நீ நீல வானமடி

2012-01-14T08:40:00.000Z

தொடரூந்தில் எதிரே இருக்க
அவள் கண்ணசைவுகள்
மின்னலாய் மிளிர
பார்வைகள் நெஞ்சில்
முழக்கமாய் எதிரொலிக்க
நண வரிகள் கன்னதில்
வானவில்லின் வர்ணம் தீட்ட
சோவெனப் பொழிந்தது
காதல் மழை

ஓர விழிப் பார்வை பொழியும்
காதல் மொழி மழை
கோபம் வந்தால் அதுவே
பொழியும் எறிகணை மழை
கன்னம் தொட்டால் பட்டு மழை
நாணத்தில் வானவில்லும் தோன்றும் அதிலே
உதடு தரும் தேன்மழை
ஆத்திரம் வந்தால்
அதுவே சொரியும் திட்டு மழை
அணைத்தால் இன்பமழை
பிரிந்தால் துயரமழை
பெண்ணே நீ நீல வானமடி

நகைச்சுவைக் கதை: முதலமைச்சரின் மூன்று பெட்டிகள்

2012-01-13T07:33:00.000Z

picture from vinavu.com

முதலமைச்சர் ஆர்ஜீஎம் கடும் சுகவீனமுற்றுப் படுக்கையில் கிடந்தார். என்னேரமும் அவர் உயிர் பிரியலாம் என்று மருத்துவர்கள் கூறிவிட்டனர். இனி அவரின் இறுதி ஆசையை நிறைவேற்றுவதுதான் சரி என அனைவரும் அவரது கட்சியின் உயர் மட்டத்தினர் தீர்மானித்தனர். அவர்கள் முதலமைச்சர் ஆர்ஜீஎம் இடம் சென்று உங்கள் இறுதி ஆசை என்ன என்றனர். அதற்கு அவர் தனக்குப் பின்னர் அம்முதான் முதல்வராகவேண்டும் என்ற தனது ஆசையைத் தெரிவித்தனர். கட்சி உயர் மட்டத்தினர் சிலர் உடனே அங்கிருந்து விலகிவிட்டனர். சிலர் பற்களை நறு நறுவெனக் கடித்தபடி கைகளை பிசைந்து கொண்டு நின்றனர். அம்முவிற்கு வேண்டியவர்கள் அப்படியே ஆகட்டும் வாத்தியாரே என்றனர். முதலமைச்சர் ஆர்ஜீஎம் உடனடியாக அம்முவை அழைத்து வாருங்கள் என்றனர். அம்மு அழைத்துவரப்பட்டார். முதலமைச்சர் ஆர்ஜீஎம் தன்னையும் அம்முவையும் தனிமையில் விடும்படி சொன்னார். சிலர் சாகப்போகிற நேரத்திலுமா என்று தமக்குள் முணு முணுத்தபடி சென்றனர். அம்முவைத் தன்னருகே அழைத்த முதலமைச்சர் ஆர்ஜீஎம் எனக்குப் பிறகு நீதான் ஆட்சியையும் கட்சியையும் நடத்த வேண்டும் என்றார். அம்மு உள்ளுக்குள் மிகவும் மகிழ்ந்தபடி அது மிகவும் சிரமமான காரியம் என்று சொன்னார். அதற்கு முதலமைச்சர் ஆர்ஜீஎம் பயப்படாதே அம்மு என்று சொல்லிக் கொண்டு தன் தலையணைக்குக் கீழ் இருந்து ஒன்று இரண்டு மூன்று என இலக்க அடையாளமிடப்பட்ட மூன்று சிறு பெட்டிகளை அம்முவிடம் கொடுத்து நீ கடும் பிரச்சனைகளைச் சந்திக்கும் போது இப்பெட்டிகளை ஒன்றன் பின் ஒன்றாக திறந்து பார் என்று சொல்லிவிட்டு கண்ணை மூடிக் கொண்டார்.

முதலமைச்சராகப் பதவி ஏற்ற அம்மு ஆர்ஜீஎம் ஐ முற்றாக மறந்து விட்டு அவரின் கொள்கைகளுக்கு முற்றிலும் விரோதமானவரைத் தனது குருவாக ஏற்றுக் கொண்டு ஆட்சி நடத்தினார். அவர் பல பிரச்சனைகளை எதிர்கொண்டார். கட்சியில் பிரச்சனை. நாட்டில் பிரச்சனை. மத்திய அரசு ஆட்சியைக் கலைக்கலாம் என்ற அச்சம். அப்போது தான அம்முவிற்கு ஆர்ஜீஎம்இன் நினைவு வந்தது. அவர் கொடுத்த பெட்டிகளும் நினைவிற்கு வந்தன. முதலாவது பெட்டியைத் திறந்து பார்த்தார். உன் பிரச்சனைகள் எல்லாவற்றிற்ககும் காரணம் எதிர்க் கட்சியே என்று பரப்புரை செய் என்று ஒரு சிறு துண்டில் எழுதப்பட்டு இருந்தது. அம்முவும் அப்படியே செய்தார். பிரச்சனைகள் ஒருவாறு சமாளிக்கப்பட்டு அம்மு அடுத்த தேர்தலில் வெற்றியும் பெற்றார். ஆட்சி தொடர்ந்தது. ஊழல்களும் நிறைந்தன. அம்மு பெரும் பணக்காரியானார். மீண்டும் பிரச்சனைகள். பிரச்சனைகளுக்கு மேல் பெரும் பிரச்சனைகள். அம்மு இரண்டாம் பெட்டியைத் திறந்து பார்த்தார். எல்லாப் பிரச்சனைகளுக்கும் காரணம் மத்திய அரசு என்று பரப்புரை செய் என்று இருந்தது. அம்முவின் ஆட்சி கலைக்கப்பட்டது. இனிப் பெட்டிகளையே திறப்பதில்லை என்று முடிவு செய்தார் அம்மு. எதிர்க் கட்சியில் இருந்த அம்முவிற்குப் பெரும் யோகம் அடித்தது. ஆளும் கட்சியை தொலைக்கிறேன் பேர்வழி என்று பல தமிழ் உணர்வாளர்கள் எதிர்க்கட்சியில் இருந்த அம்முவை தேர்தலில் வெற்றி பெறச் செய்து ஆட்சியில் அமர்ந்தனர். அம்முவின் உற்ற தோழிக்கும் அம்முவிற்குமிடையில் அம்முவின் குருவினர் சண்டையை மூட்டி விட்டனர். தமிழின உணர்வாளர்கள் ஒருபக்கம் நெருக்கல் கொடுத்தனர். அவர்கள் சொற்படி நடந்தால் தனது ஆட்சியை தமிழர்களின் விரோதியான மத்திய அரசு தனது ஆட்சியைக் கலைத்துவிடும் என்ற பயம் ஒரு புறம். சொத்துக் குவிப்பு வழக்கு இன்னொரு புறம். அம்முவின் நோய்கள் இன்னும் புறம் அம்முவிற்குப் பெரும் துயர். சரி கடைசியாக அந்த மூன்றாவது பெட்டியைத் திறந்து பார்ப்போம் என்று போய் அந்த மூன்றாவது பெட்டியையும் திறந்து பார்த்தார். அதில் கிடந்த வாசகம்: "மூன்று பெட்டிகளைத் தயார் செய்".

அணு ஆபத்து மிகுந்த நாடுகளில் இந்தியாவும் ஒன்று

2012-01-12T08:28:00.000Z

உலகின் அணு ஆபத்து மிகுந்த நாடுகளாக வட கொரியா, பாக்கிஸ்தான், ஈரான், வியட்நாம், இந்தியா, சீன உஸ்பெக்கிஸ்தான் போன்றவை இனம் காணப்பட்டுள்ளன.

அணு ஆபத்துக் குறைந்த நாடுகளாக ஒஸ்ரேலியா, ஹங்கேரி, செக் குடியரசு, சுவிஸ்லாந்து, ஒஸ்ரியா, நெதர்லாந்து, சுவீடன் ஆகியவை கருதப்படுகின்றன.

அணு ஆயுத இருப்பு, அணு உலைகள் போன்றவற்றை அடிப்படையாகக் கொண்டு 32 நாடுகள் பட்டியல் இடப்பட்டன:
   நாடு                பாதுகாப்புப் புள்ளிகள்
1. Australia                      94
2. Hungary                    89
3. CzechRepublic         87
4. Switzerland                 86
5. Austria                    85
6. Netherlands                 84
7. Sweden                  83
8. Poland                    82
9. Norway                    81
=10. Canada                 79
=10. Germany              79
=10. United Kingdom   79
=13. Belgium              78
=13. United States         78
15. Ukraine               76
=16. Argentina           74
=16. Belarus              74
=16. Italy          74
=19. France               73
=19. Mexico                73
=19South Africa        73
22. Kazakhstan              71
23. Japan                  68
24. Russia           65
25. Israel                    56
26. Uzbekistan              55
27. China                    52
28.. India                      49
29. Vietnam            48
30. Iran          46
31. Pakistan                  41
32. North Korea            37

ஈரானிய அணு விஞ்ஞானி குண்டு வெடிப்பில் கொலை: அமெரிக்காவைக் குற்றம் சுமத்துகிறது ஈரான்.

2012-01-11T15:48:00.000Z

ஈரானிய அணு விஞ்ஞானியான முஸ்தபா அஹ்மதி றொஸானன் என்னும் பல்கலைக்கழகப் பேராசிரியர் அவரது வாகனத்தில் இனம் தெரியாத இருவர் பொருத்திய குண்டினால் கொல்லப்பட்டார். இத்தாக்குதல் ஈரானின் அணுத் திட்டத்தில் வேலை செய்த முந்தைய விஞ்ஞானிகள் கொல்லப்படமை போன்றே அமைந்திருந்தன. இரண்டு வருடங்களுக்குள் ஈரானில் இது போன்ற தாக்குதல்கள் நான்கு இடம்பெற்றுள்ளன. அவற்றில் இரு விஞ்ஞானிகள் கொல்லப்பட்டனர். ஒருவர் தப்பிவிட்டார்.

கொல்லப்பட்ட 32 வயதான முஸ்தபா அஹ்மதி றொஸானன் Natanz uranium enrichment facility இல் மேற்பார்வையாளராகக் கடமையாற்றியவர். ஈரான் அணுக் குண்டு தாயாரிக்கப் போகிறது என்று அமெரிக்கா அண்மைக்காலமாக ஈரானுக்கு எதிராக பொருளாதாரத் தடைகளைக் கொண்டு வந்த்துள்ளது. அமெரிக்காவைத் தொடர்ந்து ஐரோப்பிய ஒன்றிய நாடுகளும் ஈரானுக்கு எதிராக பொருளாதாரத் தடைகளைக் கொண்டுவருவது பற்றி ஆலோசிக்கின்றன.

வயதான முஸ்தபா அஹ்மதி றொஸானன் கொல்லப்பட்டமைக்கு ஈரான் அமெரிக்காவையும் இஸ்ரேலையும் குற்றம் சாட்டுகிறது.

இருவர் ஒருவராக...... வாய்கள் சொல்லாமலே....

2012-01-11T08:58:00.000Z

முதற் சந்திப்பில்
நாலு விழிகளின் மோதலில்
வாய்கள் சொல்லாமலே
விழிகள் இசைத்தன
சரளி வரிசைகள்

இருமனங்கள்
இரட்டச்சுரங்களாய்
ஒருமனதாய் இணைய
வாய்கள் சொல்லாமலே
விழிகள் இசைத்தன
ஜண்டை வரிசைகள்

ஊடலும் கூடலும்
மாறி மாறி வர
இதயத்து ஏக்கங்களை
வாய்கள் சொல்லாமலே
விழிகள் இசைத்தன
தாட்டு வரிசைகள்

கிங்ஸ்ரனில் உணவகத்தில்
மெழுகு திரியொளியில்
இருவரையும் அலங்கரித்தன வாய்கள் சொல்லாமலே
விழிகள் இசைத்த
அலங்கார வரிசைகள்

Chessington adventure parkஇல்
ரோலர் கோஸ்டரில்
பயத்தில் வந்த நெருக்கத்தில் வாய்கள் சொல்லாமலே
விழிகள் இசைத்தன
இனிய கீதம்

வெஸ்ற் எண்ட் தியேட்டரில்
பல வர்ண விளக்கொளியில்
கட்டி அணைக்கையில் வாய்கள் சொல்லாமலே
விழிகள் இசைத்தன
நின்னுக் கோரி வர்ணம்

என் தனி அறையில்
அந்த இரவில்
இருவர் ஒருவராக
வாய்கள் சொல்லாமலே
விழிகள் இசைத்தன
தோடியில் தில்லான

யாருக்கும் சொல்லாமல்
இருந்த உறவை
உலகறிய அரங்கேற்றுவோம்
மணவறையில்

ராஜபக்சவின் பேச்சாளராக மாறிய பார்ப்பனப் பார்த்தசாரதி.

2012-01-10T07:55:00.003Z

இந்திரா காந்தி இந்தியப் பிரதம மந்திரியாக இருந்தபோது இந்தியாவின் இலங்கைக்கான சிறப்புத் தூதுவராக இருந்த ஜி. பார்த்தசாரதி 1980களில் ஈழத் தமிழர்களைப் பாதுகாக்க திருமால் எடுத்த அவதாரமாகக் கருதப்பட்டவர். சிங்களவர்களால் பெரிதும் வெறுக்கப்பட்டவர். பங்களாதேசம் உருவாக்கப்பட்டபோது நடந்த இந்திய-பாக்கிஸ்தான் போரில் மிகத் திறமையாகச் செயற்பட்டு உலகின் சிறந்த அரசதந்திரிகளில் ஒருவராகக் கருதப்பட்ட ஹென்றி கிசிங்கரின் காய் நகர்த்தல்களை வெற்றீகரமாக முறியடித்தவர். பின்னர் அரசியல் கற்றுக் குட்டி ராஜீவ் காந்தியால் அப்போதைய இலங்கை அதிபர் ஜே ஆர் ஜயவர்த்தனவின் வேண்டுகோளிற்கு இணங்க இலங்கைக்கான சிறப்புத் தூதுவர் பதவியில் இருந்து விலக்கப்பட்டவர்.

1977இல் ஜே. ஆர் ஜயவர்த்தன தலைமையில் வந்த ஐக்கிய தேசியக் கட்சி சிங்கப்பூர் போல இலங்கையை சிறந்த நாடாக முன்னேற்றுகிறேன் பேர்வழி என்று தீவிர அமெரிக்க ஆதரவாளராக உருவெடுத்தது. திருகோணமலைத் துறைமுகத்தையும் சிலாபத்தையும் அமெரிக்காவிற்குத் தாரைவார்க்கத் தயாரானார். திருகோணமலையில் அமெரிக்கக் கடற்படையினருக்கு ஒரு எரி பொருள் மீள் நிரப்பு நிலையமும் சிலாபத்தில் அமெரிக்க நீர் மூழ்கிக்கப்பல்களுக்கான அதி-தாழ்நிலை அலைவரிசைத் தொடர்பாடல் நிலையமும் அமைக்கும் திட்டம் அமெரிக்காவிடம் இருந்தது. திருகோணமலைத் திட்டம் ஒரு சிங்கப்பூர் நிறுவந்த்தின் போர்வையிலும் சிலாபத்திட்டம் அமெரிக்காவின் வொய்ஸ் ஒஃப் அமெரிக்கா வானொலிச் சேவை அஞ்சல் நிலையம் என்ற போர்வையிலும் உருவாக்கப்பட்டது. இது இந்தியாவின் பாதுகாப்பிற்கு பலத்த அச்சுறுத்தல் என்றுணர்ந்த இந்திரா காந்தி அம்மையார் அப்போது 1977 இனக்கொலையை அடுத்து உருவாகி இருந்த தமிழர்களின் இனப் பிரச்சனையைக் கையிலெடுத்தார்.

இலங்கைத் தமிழர்களுக்கு இந்தியா ஆயுதப் பயிற்ச்சி கொடுத்தது. சிங்களவர்களுக்கும் தமிழர்களுக்கும் இடையிலான விரோதம் மோசமான ஆயுத போராட்டமாக மாறியது.

அப்போதும் கணிசமான அழுத்தத்தை இலங்கைமீது பிரயோகிக்க பெரிதும் சிரமப்பட்டார். இந்தியாவின் வெளியுறவுச் செயலர் பார்த்தசாரதி பல பிரயாணங்களை இலங்கைக்கு மேற்கொண்டார். இந்தியா பற்றி இலங்கை அரசியல் வாதிகளும் ஊடகங்களும் கடுமையாக விமர்சித்தன. இலங்கைப் பிரதமராக இருந்த பிரேமதாச இந்தியாவைக் மிகக் கடுமையாக விமர்சித்தார். முடியுமானல் உன் படையை அனுப்பிப் பார் என்று சவால்விட்டார் அவர். இதற்குப் பதிலளித்த இந்திரா அம்மையார் எமது அயலவர்கள் தமது கற்பனையை கன்னா பின்னா என ஓடவிடுகிறார்கள் என்றார்.
..
ஆண்டுகள் ஓடின தமிழர் பிரச்சனை தீரவில்லை. இலங்கையில் அமெரிக்காவின் பிடியும் தளரவில்லை. இந்திரா அம்மையார் கொல்லப்பட்டார். அரசியல் கற்றுக் குட்டி ராஜுவ் காந்தி பதவிக்கு வந்தார். இலங்கையின் எந்தப் பகுதியிலும் விடுதலைப் புலிகள் கரந்தடித் தாக்குதலை நடாத்தி பலத்த சேதம் விளைவிக்கும் நிலைக்கு வளர்ந்தனர். இந்தியாவின் நிகழ்ச்சி நிரலிற்கு உட்பட புலிகள் மறுத்தனர். ராஜுவ் காந்தி இலங்கைக்கும் புலிகளுக்கும் பலத்த நெருக்குதலைக் கொடுத்தார். இந்தியாவின் சகல திட்டங்களும் அமெரிக்க உளவுத் துறையூடாக இலங்கைக்கு தெரியப் படுத்தப் பட்டது. இந்தியாவின் நெருக்குதலுக்கு அடிபணிவது போல் ஜயவர்த்தனே நடித்து இந்தியாவிற்கும் புலிகளுக்கும் இடையில் சண்டை முடிந்து விடுவதில் வெற்றி கண்டார். திருகோணமலைத்திட்டத்தையும் சிலாபத்திட்டத்தையும் இலங்கை கைவிட்டது. தமிழர்களின் முதுகில் ஏறி நின்று இந்தியா இதைச் சாதித்தது. தமிழீழ விடுதலைப் புலிகளின் ஆயுத பேராட்டமின்றி இந்தியாவால் இதைச் சாதித்திருக்க முடியாது.

அதன் பின்னர் இந்தியா தமிழர்களின் பரமவிரோதியாக மாறியது. தமிழ்நாட்டில் சோ, சுப்பிரமணிய சுவாமி, இந்து ராம் போன்றோர் தமிழர்களின் விடுதலைப் போரை ஒழித்துக்கட்ட கங்கணம் கட்டிக் கொண்டு செயற்பட்டனர். இன்றும் செயற்படுகின்றனர். விசு, பாலச்சந்தர், மணிரத்னம், எஸ் வீ சேகர் போன்றோர் அவர்களின் பின்னால் தமிழர்களின் நண்பர்களைப் போல் தம்மைக் காட்டிக்கொண்டு தமிழர்களுக்கு எதிராகச் சதி செய்கின்றனர்.

இப்போது இன்னொரு ஜீ பார்த்தசாரதி இலங்கைத் தமிழர்கள் பிரச்சனை பற்றி திருவாய் மலர்ந்து அருளியுள்ளார். இவர் முன்னவரின் பேரன் என்றும் கூறப்படுகிறது.
08-01-2012இலன்று சென்னையில் கிண்டியிலுள்ள பொறியியல் கல்லூரியில் அதன் பழைய மாணவரான ஜீ பார்த்தசாரதி "இலங்கையுடனான உறவுகள் பற்றிய சொந்த நினைவுகள் - இந்திய அமைதிப் படையும் அதற்க்கு அப்பாலும்" என்னும் தலைப்பின் உரையாற்றினார். ஜீ பார்த்தசாரதி கூறியது:

அரசியலைப் பொருளாதாரம் துருப்பு வெட்டும் நிலை மாற்றமுடியாததாக இருக்கும் தற்காலத்தில் இலங்கைத் தமிழர்களின் புனர் வாழ்விற்கு ஒரு நிலைத்திருக்கக் கூடிய தீர்வாக பொருளாதாரரீதியாக வலுச் சேர்ப்பது என்பதற்கு சாதகமாக இந்தியா தனது வெளியுறவுக் கொள்கையை மீள் சிந்தனை செய்ய வேண்டும்.
In the present-day world where politics is invariably trumped by economics, India has to have a drastic rethinking of its policy in favour of economically empowering the Tamils in Sri Lanka as a sustainable solution for their rehabilitation.

இதை வாசிக்கத் தலை சுற்றுகிறதா? பார்த்தசாரதி அய்யங்கர் சொல்வது இதுதான்:
தமிழர்களுக்கு இந்தியா பொருளாதார உதவி செய்து அவர்களின் புனர் வாழ்விற்கு உதவ வேண்டும். அதற்கு ஏற்ப இந்தியா தனது சிந்தனையை மாற்ற வேண்டும்.
ராஜீவ் காந்தி ஜே ஆர் ஜயவர்த்தனவுடன் ஒப்பந்தம் செய்து இலங்கைக்கு ஒரு படையை அனுப்பி 8000இற்கு மேற்பட்ட அப்பாவித் தமிழர்களைக் கொன்று 3000த்திற்கு மேற்பட்ட பெண்களைக் கற்பழித்து இலங்கை அரசியல் அமைப்பிற்கு ஒரு 13வது திருத்தத்தைக் கொண்டுவந்தார். அது 2012இல் 25வது ஆண்டு விழாவைக் கொண்டாடப் போகிறது. ஆனால் அது இது வரை இலங்கையில் நிறைவேற்றப்படவில்லை. அதை இனி மறக்க வேண்டியதுதான்.

ராஜபக்சே சொன்னான் அய்யங்கர் பேசுகிறான்
இலங்கை அதிபர் மஹிந்த ராஜபக்சே இப்போது அடிக்கடி சொல்லுவது: முதலில் தமிழர்களிற்கு புனர்வாழ்வு அளிக்க வேண்டும். தமிழர்களுக்கு அரசியல் தீர்வு பற்றி இப்போது பேசக் கூடாது. தமிழர்கள் சிங்களவர்களுடன் இணங்கி இருக்க வேண்டும்.
ராஜபக்சே தமிழர் புனர்வாழ்வு என்ற போர்வையில் வெளிநாடுகளில் இருந்து பணம் பெற முயற்ச்சிக்கிறார். அதற்கு இசைவாகவே பார்த்தசாரதி அய்யங்கர் பேசுகிறார். இயற்கை அனர்த்தம் நிகழ்ந்த பிரதேசம், போரினால் பாதிக்கப்பட்ட பிரதேசம் போன்றவை பொருளாதாரச் சுரண்டலுக்கு மிகவும் ஏதுவான இடங்களாகும். இதைச் சுரண்ட ராஜபக்சே முயல்கிறார். . அய்யங்கர்களும் அவற்றை சுரண்ட முயல்கின்றனர். அய்யங்கர் சொல்கிறார்:
“There has to be a basic rethink in Delhi to see in economic terms our neighbours as an extension of the Indian market,” . "........setting up industrial training and engineering institutions in the North and East of Sri Lanka that would, within a generation, result in the economic integration of the markets in these areas with that of Tamil Nadu—something that Sri Lanka could be persuaded to see as not beneficial merely for Tamils but for the greater common good.

இந்தியாவின் சந்தை விரிவாக்கத்தின் ஒரு பகுதியாக அதன் அயலவர்களை பார்க்கும் படி இந்தியா பொருளாதார ரீதியில் மீள் சிந்தனை செய்ய வேண்டுமாம்.இலங்கையின் வடக்கிலும் கிழக்கிலும் கைத்தொழில் பயிற்ச்சி நிலையங்களும் இயந்திரவியல் கல்வி நிலையங்களும் அமைக்க வேண்டுமாம்.

இந்தியாவில் அய்யங்கருக்கு வேண்டியவர்கள் இலங்கையில் கைத்தொழில் பயிற்ச்சி நிலையங்களும் பொறியியல் கல்வி நிலையங்களும் அமைத்து இலாபம் ஈட்ட முனைகிறார்கள். கல்வி நிலையங்களை உருவாக்கலாம். பயிற்றுவிக்கலாம். கற்றவர்கள் வேலை வாய்ப்பிற்கு எங்கு போவது? நீங்கள் அமைக்கவிருக்கும் கல்வி நிலையங்களில் சிங்களவர்களை அனுமதிக்காமல் கல்வி நிலையங்கள் நடாத்த முடியுமா? முதலில் அரசியல் தீர்வு வேண்டும். அய்யங்கரே பின்னர்தான் பொறியியல் கல்லூரி.

பார்த்தசாரதி அய்யங்கரே அன்று இந்தியா இலங்கை இளைஞர்களுக்கு ஆயுதம் கொடுத்துச் சிங்களவனுடன் மோதுங்கள் என்று தூண்டிவிடாமல் கைத்தொழில் பயிற்ச்சி நிலையங்களையும் பொறியியல் கல்லூரிகளையும் தமிழர்களுக்கு கட்டிக் கொடுத்து அவர்களை வாழ வைத்திருக்கலாமே. உதவி செய்கிறேன் என்று வந்தீர்கள். மூன்று இலட்சத்திற்கு மேற்பட்ட அப்பாவிகளைக் கொல்லப்பட்டனர். பல கோடி சொத்துக்கள் அழிக்கப்பட்டன. ஒரு இனத்தையே ஏதும் இல்லாத நிலைக்கு ஆக்கிவிட்டீர்கள். சும்மா ஆடுமா உங்கள் குடுமி?

தேர்வு நகைச்சுவைகள்

2012-01-09T07:34:00.001Z

வினாத்தாளைப் பார்த்து
நீ அழுதால்
அது உனக்கு சோதனை
உன் விடைத்தாளைப் பார்த்து
உன் ஆசிரியர் அழுதால்
அது உன் சாதனை

பிட் அடித்தால் இலவசம்
பிட் அடித்தால் அதிபரின் அறைக்கு இலவசப் பயணம்
மூன்றாண்டுகள் விடுமுறை.
மாணவர் என்பதன் பொருள்: student + dying = STUDYING

80% of the Ques. in the exams are based on the
One lecture u missed and the topics u dont covered for the exams.

நீ பெண்கள் பின்னால் திரிந்தால்
தேர்வில் தோல்வியடையலாம்
ஆனால் நீ தேர்வில் வெற்றியடைந்தால்
பெண்கள் உன் பின்னால் வரலாம்.

one of the best caption
written on a clock in an exam hall..
“TIME WILL PASS.WILL YOU?

ஆயிரம் ஆண்டுகள் வரலாம்
செல்லலாம்
ஆனால் ஒரு மாணவன் மனதில்
நாளையில் இருந்து படிப்பேன்
என்ற எண்ணம் மாறாது

Kolaveri D EXAM Version:-
Why this kolaveri kolaveri kolaveri di..
Hand-la book-u, book la stuff-u, eyes full aa tear-u..
empty mind-u, exam come-u, life reverse gearr-u..
marks-e marks-e o my marks-e
i want u here nove..
show-e show-e "S GRADE" show-e
Result nice show-e
God i'm dyin now-, prof. is happy how-u..
this-u song-u 4 students-u, we dont hav a choice-u..
Why dis kolaveri kolaveri kolaveri di.!!

Who says chemistry is easy!!!

Chemistry is Complicated ...

2 Guys' Conversation in Bathroom During Test..
G1 : You Gotta Help Me !
G2 : I Am Just here For Peeing . I can't Help During test

G1 : Please Dude ... I Am Gonna Fail
G2 : Okay Be Quick .. Ask Me ?

G1 : Whats Abbreviation For Nobelium ?
G2 : NO

G1 : But You Said You Will Tell Me...
G2 : NO !

G1 : OK Leave it Tell me Whats Sodium ?
G2 : Na !

G1 : Damn At least Tell me Of Potassium ?
G2 : Hmm K !
G1 : What's Okay ?
G2 : Just K !
G1 : Whats Just OK ?
G2 : You Mean OK2 ?

G1 : Whats OK Too ?
G2 : Potassium Oxide ..

G1 : Oxide ?
G2 : O

G1 : Oh ! What ??
G2 : Oxygen

G1 : Damn Not Oxygen I Asked For Potassium ?
G2 : K

G1 : NO
G2 : Nobelium

G1 : Nobelium ?
G2 : NOG1 : Just Give Me The Bonus Question Answer . Whats Element166 ?
G2 : Uhh

G1 :Go On ?
G2 : UHH

G1 : UHH ??
G2 : Exactly

G1 : NO WHAT IS IT ???
G2 : NobeliumG1 : Damn For God Sake At least Tell me For URANIUM ?
G2 : That's U !

G1 : I Know That's Up to Me ... But I Am Asking Your Help
G2 : U !

G1 : NO YOU !!!
G2 : Nobelium . Uranium

வரப்போகும் மாற்றங்கள்: கைப்பேசிகள், கணனிகள், தொலைக்காட்சிகள்

2012-01-08T09:56:00.002Z

2011-ம் ஆண்டு Tablet கணனிகளினது ஆண்டாக இருந்தது. ஆப்பிள், சம்சங், பிளக்பெரி, சோனி, அமேஜன் எனப் பல நிறுவனங்கள் தமது Tablet கணனிகளைக் களமிறக்கின. 2012இல் பல புதிய தொழில்நுட்பங்கள் கைப்பேசிகள், கணனிகள், தொலைக்காட்சிகளில் போன்றவற்றில் வரவிருக்கின்றன. 2012-01-10-ம் திகதி அமெரிக்காவின் லாஸ் வெகஸில் ஆரம்பமாகும் International Consumer Electronics Show இல் இதற்கான அதிரடித்தகவல்களை நாம் எதிர்பார்க்கலாம். மிகவும் பெரிய இடத்தில் இந்த கண்காட்சி நடக்கவிருக்கிறது. அதை முழுக்கப் பார்க்க ஒருவர் 25கிலோ மீட்டர்வரை நடக்க வேண்டி இருக்கும். பல முன்னணி இலத்திரலியல் தொழில் நுட்ப நிறுவனங்கள் இதில் பங்கேற்கவிருக்கின்றன.

சாம்சங்கின் Galaxy Nexus
இந்த ஆண்டு நடுப்பகுதியில் சாம்சங்கின் Galaxy Nexus அதிரடியாக வரவிருக்கிறது. இதில் 4G தொழில்நுட்பத்துடன் 1.5GHz dual-core processor இருக்கும்.

குரலுணரி - Voice recognition
இந்த ஆண்டில் பெரிதாக அடிபடப்போவது குரலுணரி - Voice recognition தொழில்நுட்பம். ஆப்பிள் நிறுவனம் தனது Siri என்னும் செல்லப் பெயருடைய 'personal assistant’ தனிப்பட்ட உதவியாளரை அறிமுகப்படுத்தி குரலுணரி - Voice recognitionதொழில் நுட்பத்திற்கான போட்டியை ஆரம்பித்து வைத்துள்ளது. Siri உங்கள் கேள்விகளுக்குப் பதில் சொல்லும், சில நடவடிக்கைகளைச் செய்யும். இனி மற்றக் கைப்பேசி உற்பத்தியாளர்களும் தங்கள் கருவிகளின் குரலுணரி - Voice recognitionகளைப் புகுத்துவர்.

விண்டோஸ் -8
மைக்குரோசொஃப்ற் தனது அடுத்த விண்டோஸ்-8 ஐ2012 ஆகஸ்ட் மாதத்தில் வெளிவிட இருக்கிறது. தொடுதிரைத் தொழில் நுட்பம் இதில் உள்ளடக்கப்படவிருக்கிறது. 128 bit Operating Systemம் இதில் இருக்கும். Task Manager தேவையற்ற செயலிகளை இடை நிறுத்தும். இது HyperV virtualization.

கைப்பேசிகள் மூலமான பணக் கொடுப்பனவுகள் அதிகரிக்கும்
2012இல் கைப்பேகளினூடாக செய்யப்படும் பணக் கொடுப்பனவுகள் அதிகரிக்கும் என்று எதிர்பார்க்கப்படுகிறது. பல கைப்பேசித் தொலைத்தொடர்பு நிறுவனங்கள் ஒன்றிணைந்து Isis என்னும் மென்பொருளை பணக்கொடுப்பனவிற்காக உருவாக்கியுள்ளன.

ஐ-பாட் 3
2012இல் ஆப்பிள் தனது ஐ-பாட் 3ஐ வெளிவிடவிருக்கிறது. அதன் முக்கிய அம்சங்கள்:
- Higher resolution display
- GLONASS support (next to GPS) [not available in wifi-only model]
- The inside of the device has been completely redesigned (iFixit must love this!)
- Improved cameras
- Some sort of a price drop, unknown what exactly. Possibly a $399 iPad 2. iPad 3 starts at $499, but there will be some sort of a price drop for at least one of the iPad models.
- Bluetooth 4.0
- Runs on the successor of the A5 processor
- No separate CDMA and GSM models, world tablet (CDMA + GSM)
- UMTS/HSDPA/HSUPA (850, 900, 1900, 2100 MHz); GSM/EDGE (850, 900, 1800, 1900 MHz); CDMA EV-DO Rev. A (800, 1900 MHz)
- No proximity sensor
- Improved speakers
- Similar, but not exactly the same design
ஐ-பாட் 3 உடன் ஒரு ஐ-பாட் மினியும் வரவிருக்கிறது என்றும் சொல்லப்படுகிறது. இந்த ஐ-பாட் மினி Kindle Fireஇற்கு போட்டியாக குறைந்த விலையில் வரும் என்கிறார்கள்.

தொலைக்காட்சிகள்
2012இல் வரவிருக்கும் காட்சிகள் கணனிகளையும் இணைத்தவையாக இருக்கும். பல 3D தொலைக்காட்சிகளை எதிர்பார்க்கலாம். LGஇன் 55-inch OLED TV பெரும் மாற்றங்களுடன் வரவிருக்கிறது. இது முதல் 55'' தொலைக்காட்சியாகும்

உச்சிதனை முகர்ந்தால் - ஒரு கண்ணோட்டம்

2012-01-07T09:27:00.003Z

பாக்கியராஜின் சுந்தரகாண்டத்தில் இருந்து இலங்கைப் பிரச்சனையையும் சம்பந்தப் படுத்தி பல திரைப்படங்கள் தென் இந்தியாவில் இருந்து உருவாக்கப்பட்டன. சுந்தரகாண்டம் இலங்கையில் ஒரு பிரச்சனை இருக்கிறது என்று மட்டும் காட்டியது. நள தமயந்தி ஈழப் பெண்களைக் கேவலப்படுத்தியது கன்னத்தில் முத்தமிட்டால் ஈழப்பிரச்சனையை வைத்துப் பிழைப்புத் தேடியது. உச்சிதனை முகர்ந்தால் தணிக்கைக் குழுவிற்கு மிகவும் பயந்து போய் உருவாக்கப்பட்டிருக்கிறது. ஆனாலும் கதை ஈழப்பிரச்சனையை மற்றப் படங்களிலும் பார்க்க மிக ஆழமாகத் தொட்டிருக்கிறது. மற்றப் படங்களிலும் பார்க்க இது அதிகம் கண்கலங்க வைக்கிறது.

உச்சிதனை முகர்ந்தால் படத்தில் ஒரு இடத்திலும் புலிகள் என்ற வார்த்தை பாவிக்கப்படவில்லை. ஒரு இடத்தில் தமிழ்ச்செல்வன் என்ற வார்த்தை வருகிறது அதில் தமிழ் என்னும் ஓசை தணிக்கை செய்யப்பட்டுள்ளது. விடுதலைப் புலிகளின் கட்டுப் பாட்டுப் பிரதேசத்தில் அவர்களுடன் புனிதவதி நெருங்கிப் பழகுவதும் அவர்களுக்கு வற்புறுத்தி பிட்டு சாப்பிடக் கொடுப்பதும் காட்டப்படுகிறது. பின்னணியில் எந்த இடத்திலும் கண்ணீர் அஞ்சலி என்றோ அல்லது வீர மரணம் என்றோ சுவரொட்டிகள் காணப்படாதது யாதார்தத்திற்குப் புறம்பானதே. தணிக்கைக்குப் பயந்திருந்தால் பாதி கிழிக்கப்பட்ட சுவரொட்டியையாவது காட்டியிருக்கலாம். இடம் பெயர்ந்து செல்லும் மக்கள் மத்தியில் காலிழந்த ஒரு பெண் விரைவாகச் செல்வதாகக் காட்டியது சிறப்பாக இருக்கிறது.கருபுலித் தாக்குதல் பற்றி 13 வயதுப் புனிதவதிக்குத் தெரியாதது நம்பமுடியாததாக இருக்கிறது.

படம் சொல்லும் சேதிகளில் முக்கியமானவை 1. விடுதலைப் புலிகள் மக்களுடன் நெருங்கிப்பழகினார்கள். 2. விடுதலைப்புலிகளுக்கு மக்கள் வலியச் சென்று உதவினார்கள். 3. தமிழ்நாட்டில் மருத்துவர்கள், காவல் துறையினர், மூன்று சில்லு வாகன ஓட்டுனர், திருநங்கைகள் உட்பட சகலரும் பாதிக்கப்பட்ட ஈழத்தமிழர்களுக்கு உதவுகின்றனர். ( அது உண்மையாய் இருந்தால் எவ்வளவு மகிழ்ச்சி). மருத்துவர்கள் மிகவும் மனிதாபிமானத்துடன் நடக்கிறார்கள் என்றால் மூன்று சில்லு வாகன ஓட்டுனர் புனிதவதிக்கு திருநங்கைகள் இல்லத்தைக் கண்டுபிடிக்க அலையோ அலை என்று அலைந்து பின்னர் புனிதவதியை மருத்துவ மனையில் திருநங்கைகளுடன் சேர்ந்து கொண்டு போய்ச் சேர்த்துவிட்டு இறுதியில் பின்னால் நின்று புனிதவதிக்கு எல்லாம் நல்லபடியாக நடக்கே வேண்டும் என்று கையெடுத்துக் கும்பிடும் போது கண்ணீர் வரவைக்கிறார்.

நிர்மலாவின் தாய் பேராசிரியர் நடேசனுக்கு மகளைத் திருமணம் செய்ய மறுத்தது சாதிப் பிரச்சனைதான் என்று சொல்லியிருந்திருக்கலாம். நிர்மலாவின் தாய்க்கு புனிதவதியில் வெறுப்பு வரக்காரணம் வர்க்க பேதமா? சரியான விளக்கம் கொடுத்திருந்திருக்கலாம்.

காசி ஆனந்தனுக்கு தமிழிற்குள் ஆங்கிலம் கலந்து பேசுவதில் உள்ள வெறுப்பு சில இடங்களில் காட்டப்பட்டுள்ளது. புனிதவதி நாயின் பெயரைத் தமிழ்ப்பெயராக மாற்றுகிறாள். காவல் நிலையத்தில் இது தேத்தண்ணீர் இல்லை ரீ என்று சொல்லப்படுகிறது. எல்லாப் பிள்ளைகளும் பிறந்த நாள் வாழ்த்தை ஆங்கிலத்தில் பாடும் போது புனிதவதி தமிழில் பாடுகிறாள்.

படத்தின் கதாநாயகி புனிதவதி என்றால் கதாநாயகன் நாய்தான். புனிதவதி விட்டை விட்டுப் போகும் போது அதுவும் அவளுடன் போகிறது. அவள் சாப்பிடாத போது அதுவும் சாப்பிடாமல் இருக்கிறது. படத்தின் கடைசியில் அந்த நாய்க்கு இருக்கும் உணர்வு ..............இல்லையே என்று கூறப்படுகிறது. தணிக்கை செய்யப்பட்ட வார்த்தை தமிழனா? இந்தியனா? கதை அமைப்பில் நாயைப் புகுத்தி படத்தின் செய்தியை அதன் மூலம் தெரிவித்த தமிழருவி மணியனின் திறமை பாராட்டப்பட வேண்டியது

ஈழப்பிரச்சனை பற்றிய எந்த ஆக்கத்திலும் ஈழப்பிரச்சனை பற்றிய பூணூல்களின் கண்ணோட்டம், கதர் வேட்டிகளின் பாராமுகம், ராஜீவை கொன்றவர்கள் நீங்கள் என்ற வார்த்தை பிரயோகம் போன்றவை இல்லாமல் இருந்தால் அது ஒரு சரியான ஆக்கம் ஆகாது.

பேராசிரியர் நடேசனினும் மனைவியும் மருத்துவர்களும் நடத்தும் பத்திரிகையாளர் மாநாட்டில் ஒரு நாமம் போட்டவரோ அல்லது தினமலர் நிருபரோ இருந்து ஈழப்பிரச்சனைக்கு விரோதமான கேள்வி கேட்பது போல் காட்டியிருக்க வேண்டும் என்பது கதர்களுடனும் பூணூல்களினடனும் நெருங்கி இருந்த தமிழருவி மணியனுக்கு எப்படித் தெரியாமல் போனது?

ஈழத் துயரைச் சொல்ல இரண்டரை மணித்தியாலம் போதாது.

கன்னத்தில் முத்தமிட்டால் படத்தை கடைசியாக திரைப்படக் கொட்டகைக்குச்(Theatre - Kasi anna excuse me) சென்று பார்த்த பின்னர் உச்சிதனை முகர்ந்தால் படத்தை திரைப்படக் கொட்டகைக்குச் சென்று பார்த்தேன். அடுத்த படம் "முதுகில் குத்தினால்" வரும் நாளிற்காகக் காத்திருக்கிறேன்.

இலங்கையில் சீனா இந்தியாவிற்கு வைக்கும் அடுத்த ஆப்பு

2012-01-06T09:45:00.001Z

2011 ஐ சிசில் நாட்டில் தனது தளம் அமைக்கப்படும் என்ற அதிரடியுடன் முடித்த சீனா 2012ஐ இலங்கையில் இரண்டு அதிரடிகளுடன் ஆரம்பித்துள்ளது. ஒன்று இலங்கைக் கடற்பரப்புக்குள் மூழ்கியதாகக் கருதப்படும் நூற்றுக்கும் மேற்பட்ட கப்பல்கள் தொடர்பில் ஆய்வு நடத்துவதற்கு கொழும்பிடம் சீனா கோரிக்கை விடுத்தமை. மற்றது சீனாவின் நிதி உதவியுடன் ஆசியாவில் மிகவும் உயரமான தொலைத் தொடர்புக் கோபுரம் ஒன்று கொழும்பில் அமைக்கப்பட இருப்பதாகவும், அதற்கான ஆரம்பக்கட்டப் பணிகள் ஆரம்பமாகின்றது என செய்திகள் வெளிவந்தமை.

புதையல் வேட்டையா? இந்தியாவிற்குப் புதைகுழியா?
இலங்கைக் கடற்பரப்புக்குள் மூழ்கியிருக்கும் கப்பல்களுக்குள் பெறுமதி வாய்ந்த பொருட்கள் இருப்பதாகவும் அவற்றை இலங்கையும் சீனாவும் ஆளுக்கு அரைவாசியாகப் பங்கிட்டுக் கொள்ளும். இலங்கைக் கடலுக்க்குள் பெறுமதி வாய்ந்த பொருட்களுடன் கப்பல்கள் மூழ்கி இருக்கின்றன என்பது இதுவரை கேள்விப்படாத ஒரு செய்தி. இலங்கைக் கடலுக்குள் சீனா உண்மையில் பழைய கப்பல்களைத் தேடத்தான் வருகிறதா? அண்மையில் ஒரு சீன கடற்படைக்கப்பல் இலங்கைக்கும் இந்தியாவிற்கும் இடையில் உள்ள பிரதேசத்தில் ஆய்வுகளை மேற்கொண்டது. அந்த ஆய்வைத் தொடர்ந்தே சீனாவின் இந்த புதையல் வேட்டை அறிவிப்பு வெளிவந்துள்ளது. சீனா அம்பாந்தோட்டையில் பாரிய துறைமுகத்தை அமைத்தைத் தொடர்ந்து முல்லைத் தீவில் ஒரு பெரிய மீன்பிடித் துறை முகத்தை அமைக்கவிருக்கிறது. இந்தியாவிற்கு மிக அண்மையில் பலாலிக்கும் காங்கேசன் துறைக்கும் இடையில் ஒரு பாதை அமைப்புப் பணியிலும் ஈடுபடவிருக்கிறது. சுண்ணாகத்தில் மின்பிறப்பாக்கி அமைக்க வந்த சீனர்கள் அங்கு பராமரிப்புப் பணிக்கு என்று சொல்லித் தங்கிவிட்டனர். இப்படி பல திட்டங்களுக்கு என வந்த சீனர்கள் ஒரு இலட்சம் பேர் இலங்கையில் இருக்கின்றனர். அநுராதபுரத்திற்கும் கிளிநொச்சிக்கும் இடையில் பாரிய வர்தக வலயத்தையும் சீனா அமைக்க விருக்கிறது 2009-ம் ஆண்டிலிருந்து இலங்கைக்கு அதிக கடனுதவி செய்யும் நாடாக சீனா மாறியுள்ளது. வீதி அபிவிருத்திக்கு 1.2பில்லியன் அமெரிக்க டொலர்களை சீனா வழங்கியது. உதவித் தொகையாக 2.2பில்லியன் அமெரிக்க டொலர்களை சீனா இலங்கைக்கு வழங்கியது. இலங்கையில் சீனா செய்யப் போகும் கடல் ஆய்வு அப்பகுதியில் பயணிக்கக் கூடிய வகையில் தனது நீர்மூழ்கிக் கப்பல்களை வடிவமைக்கவும் ஒரு நீமூழ்கித் தளத்தை உருவாக்கவுமே என்று நாம் முடிவு செய்ய முடியும்.

தொ(ல்)லை நோக்குடன் தொலைத் தொடர்புக் கோபுரம்
இலங்கையில் சீனா அமைக்க விருக்கும் தொலைத் தொடர்புக் கோபுரம் தொடர்பான திட்டங்கள் யாவும் இதுவரை மறைத்து வைக்கப்பட்டு திடீரென்று இன்று வேலைகள் இன்று ஆரம்பமாகின்றது என்று அறிவித்தது ஏன்? இலங்கைக்கு ஒரு தொலைத் தொடர்புக் கோபுரம் தேவை. ஒரு சிறிய நாட்டுக்கு ஆசியாவிலேயே மிக உயரமான, உலகத்திலேயே 19வது கோபுரம் அமைக்க வேண்டிய அவசியம் என்ன? இந்தத் தொலைத் தொடர்புக் கோபுரத்தின் நோக்கத்தைப் பற்றிச் சிந்திக்கத் தொடங்க முதலில் நினைவிற்கு வருவது 1970களின் பிற்பகுதியில் அமெரிக்கா ஆப்கானிஸ்த்தானில் நிர்மாணித்த தொலைத் தொடர்புக் கோபுரமே. அக்கோபுரத்தின் உயரத்தைப் பார்த்த சோவியத் யூனியனிற்கு சந்தேகம் தொட்டுவிட்டது. உளவுத் துறையை ஆப்கானிஸ்த்தானில் களமிறக்கியது. அதற்குக் கிடைத்த தகவல். அமெரிக்கா சோவியத் யூனியானை உளவு பார்க்க அந்தக் கோபுரம் அமைகிறது என்பதே. விளைவு 1979இல் சோவியத் ஆப்கானிஸ்த்தானை ஆக்கிரமித்தது. ஆப்கானிஸ்தானிற்கு அன்று தொடங்கிய தொல்லை இன்றுவரை தீரவில்லை. ஒரு சிறிய நாடான இலங்கையில் இத்தனை உயரக் கோபுரம் எதற்கு? 50 ஒளிபரப்புச் சேவைகள், 50 ஒலிபரப்புச் சேவைகள், 10 தொலைபேசிச் சேவைகள், தொலைத் தொடர்பு அருங்காட்சியகம், உணவகம், பணிமனைகள், மாநாட்டு மண்டபங்கள், பொருட்காட்சி நிலையங்கள், ஆடம்பரத் தங்ககங்கள் போன்ற பலவற்றை உள்ளடக்கிய 350 மீட்டர் உயரமான கட்டிடத்தை சீனா 104 மில்லியன் அமெரிக்க டாலர்கள் செலவில் இலங்கையில் அமைக்க விருக்கிறது. கோபுரத்தின் பெயர் தமரைக் கோபுரம். இக் கோபுரம் இந்தியாவிற்குச் சீனா இலங்கையில் வைக்கும் இன்னொரு ஆப்பு.

இலங்கையில் இந்திய தங்கி இருக்கிறதா அல்லது தயவை வேண்டி கை ஏந்துகிறதா?
பாதுகாப்பைப் பொறுத்தவரை இந்தியா இலங்கையில் தங்கி இருக்கிறது என்றார் இந்திய வெளியுறவுத் துறை அமைச்சர் எஸ் எம் கிருஸ்ணா. இச் செய்தி இலங்கை ஊடகத்தில் பிரசுரிக்கப்பட்டதும் இலங்கையில் தெரிவிக்கப்படகருத்துக்கள் முக்கியமானவை:

இலங்கையின் சீனாவுடனான உறவையிட்டு இந்தியா கவலை கொண்டுள்ளது ஆனால் அது தான் பயப்படவில்லை என்று காட்டிக் கொள்கிறது. இந்தியாவின் மெதுவான நகர்த்தல்களால் சீனாவின் விரைவு நடவடிக்கைகளின் முன் தாக்குப் பிடிக்காமல் போனதால் இலங்கையில் சீனப் பிடி இறுகிவிட்டது.
இலங்கை இறுதியில் இந்தியாவை ஏமாற்றி விடும்

பாக்கிஸ்த்தானிற்கும் அமெரிக்காவிற்கும் இடையில் முறுகல்கள் வலுக்க பாக்கிஸ்தான் படைத்துறைத் தளபதி சீனா சென்று விட்டார். பாக்கிஸ்தான் முழுக்க முழுக்க சீனாவில் தங்கியிருக்கும் நிலை வர இலங்கையில் சீனப் பிடி அதிகரித்துக் கொண்டு போக இலங்கையின் தயவில் இந்தியப் பாதுகாப்புத் தங்கியிருக்க வேண்டியிருக்கும். இலங்கையிடம் இந்தியா கையேந்த வேண்டி வரும்.

புகைப்படங்கள் - தருணம் பார்த்து தப்பாமல் எடுக்கப்பட்டவை

2012-01-05T07:51:00.003Z

புகைப்படங்கள் எடுக்கும் போது கணம் தவறாமல் சரியான கோணத்தில் எடுக்கப்படவேண்டும். இங்குள்ள படங்கள் புகைப்படக் கலையில் உச்சத்தைத் தொடுபவை.

Key ring maker

இருப்பவர் எவர் படுத்திருப்பவர் எவர்?

திரைப்படம் வேறு புகைப்படம் வேறு....

விளையாட்டு வீரம் மைதான நடுவில் கை தூக்கு நிற்பவர்கள் பார்வையாளர் அரங்கில்...

அன்பான துனிச்சலான வைத்தியர்....

மேம்பாலம் கட்டிக் கொண்டிருக்கும் போதுஆட்சி கலைக்கப்படவில்லை. தொடரும் தெரு இடையில் முடிந்தது போல் படமெடுக்கப்பட்டுள்ளது.

இது குடித்து விட்டு வண்டியை மிதி வண்டிப் போட்டிக்குள் செலுத்தியதால் வந்த வினை

angle is supper

அம்ம என்றால் அன்பு.......தோழி என்றால் தொலைத்துவிடு....


பாயும் போது நான் முத்தமிடுவேன்....